မၤတၢ် 8:9 - Sgaw Karen Common Bible

⁹ ပှၤလၢတၢ်ကိးအမံၤလၢစီၤၡံမိၣ်တဂၤအိၣ်ဝဲဖဲဝ့ၢ်န့ၣ်အပူၤ, ဒီးအဝဲဒၣ်ဒုးကမၢကမၣ်တ့ၢ်ပှၤၡၤမရံဖိတဖၣ်ခီဖျိအတၢ်မၤ ကဒါပှၤမဲာ်န့ၣ်လီၤ. အဝဲဒၣ်စံးလီၤအသးလၢအမ့ၢ်ပှၤဖးဒိၣ်တဂၤလီၤ.

မၤတၢ် 8:9 Iomraidhean Croise

လံာ်တၢ်ဟးထီၣ်ကွံာ် 7:11

တုၤနုၤတစုစီၤပၤကိးထီၣ်အပှၤကူၣ်တၢ်သ့တဖၣ်ဒီးပှၤမၤကဒါ ပမဲာ်တဖၣ်, ဒီးလၢအဝဲသ့ၣ်တဖၣ်အတၢ်မၤကဒါမဲာ်န့ၣ်မၤစ့ၢ် ကီးဝဲဒ်န့ၣ်အသိးလီၤ.

လံာ်တၢ်ဟးထီၣ်ကွံာ် 7:22

တုၤနုၤတစုစီၤပၤအပှၤမၤကဒါပမဲာ်တဖၣ်မၤတၢ်ဒ်န့ၣ်အသိးခီ ဖျိအတၢ်သ့တၢ်ဘၣ်န့ၣ်လီၤ. ဒီးစီၤပၤအသးကိၤဒံးဝဲ ဒၣ်ဒ်အလီၢ်လီၢ်န့ၣ်လီၤ. ဒ်ယွၤစံးဝဲအသိးစီၤပၤဂ့ၢ်လိာ်လၢ ကဒိကနၣ်စီၤမိၤၡ့ဒီးစီၤအၤဟရိၣ်န့ၣ်လီၤ.

လံာ်တၢ်ဟးထီၣ်ကွံာ် 9:11

ဒီးပှၤမၤကဒါပှၤမဲာ်တဖၣ်န့ၣ်ဟဲထီၣ်ဆူစီၤမိၤၡ့မဲာ်ညါတကဲဘၣ် လၢအဝဲသ့ၣ်ပှဲၤဒီးတၢ်ဝ့တၢ်ကျူၤဒ်ပှၤအဲၤကူပတူးဖိအဂၤတဖၣ်အသိးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:6

ဒီးကယဲၢ်ပှၤတဂၤဂၤလၢအလဲၤဃ့တၢ်ဟ့ၣ်ကူၣ်ဟ့ၣ်ဖးလၢပှၤကတိၤ တၢ်ဒီးပှၤသံအကလၤတဖၣ်န့ၣ်ယကထီဒါအီၤဒီးယ တပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်.

လံာ်ယိၤဟၣ် 7:18

ပှၤတဂၤလၢအကတိၤတၢ်လၢအစိကမီၤဒၣ်ဝဲန့ၣ်, မ့ၢ်အဃုမၤန့ၢ်အလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤလၢအမၢလီၤအီၤတဂၤအလၤ ကပီၤန့ၣ်, မ့ၢ်ပှၤအတီတဂၤဒီးတၢ်လီတၢ်ဝ့ၤတအိၣ်လၢ အပူၤနီတမံၤဘၣ်.

မၤတၢ် 13:6

အဝဲသ့ၣ်လဲၤခီဂာ်ကီးဒီကီးညါပၢၢ်တုၤလၢဝ့ၢ်ပါပူး, ဖဲအဝဲသ့ၣ်ထံၣ်လိာ်အသးဒီးပှၤမၤကဒါပှၤမဲာ်, ပှၤယူဒၤဖိဝံအဘျၣ်တဂၤလၢအမံၤမ့ၢ်စီၤဘၢ်ယ့ၣ်ၡူးန့ၣ်လီၤ.

မၤတၢ် 13:8

ဘၣ်ဆၣ်ဒီးပှၤမၤကဒါပှၤမဲာ်စီၤအ့းလူမၤ (အဝဲအံၤမ့ၢ်စီၤဘၢ်ယ့ၣ်ၡူးအမံၤလၢကြံးခ်အကျိာ်) မၤတံာ်တာ်အဝဲသ့ၣ်ခီဖျိအဂုာ်ကျဲးစၢးဃၣ်ကွံာ်ပဒိၣ်ဖးဒိၣ် တဂၤန့ၣ်အသးယံၤထီၣ်ဒီးပှၤခရံာ်ဖိအတၢ်စူၢ်တၢ်နာ်န့ၣ်လီၤ.

မၤတၢ် 5:36

ဖဲအပူၤကွံာ်တယံာ်ဒံးဘၣ်န့ၣ်, စီၤသူဒါတဂၤဟဲပၢၢ်ထီၣ်ဒီးစံးလီၤအသးလၢအမ့ၢ် ပှၤဖးဒိၣ်တဂၤ, ဒီးပှၤလွံၢ်ကယၤဃၣ်ဃၣ်ပိာ်ထီၣ်အခံလီၤ. ဘၣ်ဆၣ်တုၤအဘၣ်တၢ်မၤသံကွံာ်အီၤဒီးပှၤပိာ်ထီၣ်အခံ တဖၣ်လီၤပြံလီၤပြါကွံာ်ခဲလၢာ်, ဒီးအတၢ်ဖံးတၢ်မၤန့ၣ်ကတၢၢ် ကွံာ်ဝဲဖဲန့ၣ်လီၤ.

မၤတၢ် 8:11

အဝဲသ့ၣ်ဒိကနၣ်အီၤလၢတၢ်သးစၢၢ်ဆၢအပူၤ, အဂ့ၢ်မ့ၢ်လၢအဝဲဒၣ်ဒုးကမၢကမၣ်အဝဲသ့ၣ်ယံာ်တ့ၢ်မးခီဖျိ အတၢ်မၤကဒါပှၤမဲာ်န့ၣ်လီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

၂ တံၤမသ့း 3:2

အဂ့ၢ်ဒ်လဲၣ်န့ၣ်, ပှၤကညီကအဲၣ်လီၤအသး, ကသူၣ်လီသး ကွံစ့, ကပာ်ကဖၢလၢအသးဒီးကပာ်ထီၣ်ထီအသးလီၤ. အဝဲသ့ၣ်ကကဲထီၣ်ပှၤလၢကကတိၤဒုၣ်ဒွဲၣ်တၢ်, တစူၢ်မိၢ်ပၢ်ဘၣ်, တသ့ၣ်ညါတၢ်ဘျုးတၢ်ဖှိၣ်ဒီးတသ့ၣ်ညါ ထူသ့ၣ်ညါယွၤဘၣ်.

၂ တံၤမသ့း 3:5

အဝဲသ့ၣ်ကဟံးဃာ်ပတၢ်ဘူၣ်တၢ်ဘါအလုၢ်အလၢ်လၢ အဖျါလၢခိ, ဘၣ်ဆၣ်ဒီးတတူၢ်လိာ်ဝဲအတၢ်စိကမီၤနီၢ်နီၢ် န့ၣ်ဘၣ်. ဟးဆှဲးပှၤဒ်န့ၣ်အသိးတဖၣ်တက့ၢ်.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.