မၤတၢ် 8:40 - Sgaw Karen Common Bible

⁴⁰ စီၤဖံလံးပူးထံၣ်လၢအလဲၤတုၤလံလၢဝ့ၢ်အးစဒိာ်, ဒီးလဲၤကဒီးဝဲဆူညါတုၤအတုၤလၢဝ့ၢ်ကဲၤစါရံၤတစုလီၤ. ဖဲအလဲၤတၢ်လၢကျဲအခါ, အဝဲဒၣ်စံၣ်တဲၤတဲလီၤတၢ်သးခုအကစီၣ်ဘၣ်ဃးယ့ၣ်ၡူးခရံာ်, လၢဝ့ၢ်အိၣ်လၢတၢ်ဘၢၣ်စၢၤတဖၣ်န့ၣ်ကိးဝ့ၢ်ဒဲးအပူၤလီၤ.

မၤတၢ် 8:40 Iomraidhean Croise

လံာ်စကၤရယၤ 9:6

ပှၤအါကလုာ်ဃါဃုာ်သးအပှၤဂီၢ်မုၢ်ကအိၣ်ကဆိးလၢဝ့ၢ်အၤစဒိး အပူၤလီၤ. ယွၤစံးဝဲဒၣ်, “ယကဟီထီၣ်ကွံာ်ကယဲၢ်ပှၤဖလ့ၡသး ဖိလၢအပာ်ထီၣ်ထီအသးတဖၣ်အံၤခဲလၢာ်န့ၣ်လီၤ.

မၤတၢ် 10:1

ဖဲဝ့ၢ်ကဲၤစါရံၤန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤကန့လံး, ပှၤရိမ့ၤသုးဖိတကယၤအခိၣ်, ဘၣ်ဃးဒီးသုးမုၢ်တဖုလၢပှၤကိးအီၤလၢ “အံၤတလံအသုးမုၢ်” န့ၣ်လီၤ.

မၤတၢ် 10:24

ဒီးလၢခံတနံၤန့ၣ်, အဝဲဒၣ်လဲၤတုၤဝ့ၢ်ကဲၤစါရံၤဖဲစီၤကန့လံးအိၣ်ခိးအီၤဃုာ် ဒီးအဘူးအတံၢ်ဒီးအတံၤသကိးတံၢ်တံၢ်တဖၣ်လၢအဝဲဒၣ်ကိးပာ်ဝဲန့ၣ်လီၤ.

မၤတၢ် 11:11

တဆၢတကတီၢ်ဃီဖဲန့ၣ်, ပှၤသၢဂၤလၢအဘၣ်တၢ်ဆှၢလီၤအီၤလၢ ဝ့ၢ်ကဲၤစါရံၤဟဲတုၤလၢဟံၣ်ဖဲယအိၣ်သမှံၤန့ၣ်လီၤ.

မၤတၢ် 12:19

စီၤဟ့ၤရိာ်ဟ့ၣ်လီၤအကလုၢ်လၢပှၤကဃုအီၤ, ဘၣ်ဆၣ်အဝဲသ့ၣ်တထံၣ် အီၤဘၣ်. လၢတၢ်န့ၣ်အဃိအဝဲသမံသမိးပှၤပၢၤတၢ်ဖိတဖၣ်ဒီးဟ့ၣ်လီၤ အကလုၢ်လၢတၢ်ကမၤသံအဝဲသ့ၣ်လီၤ. တၢ်မၤအသးတမံၤအံၤဝံၤအလီၢ်ခံန့ၣ်, စီၤဟ့ၤရိာ်ဟးထီၣ်လၢကီၢ်ယူဒၤဒီးအိၣ်ဝဲဆိးဝဲတစိၢ်တလီၢ် ဖဲဝ့ၢ်ကဲၤစါရံၤန့ၣ်လီၤ.

မၤတၢ် 18:22

ဖဲအဝဲဒၣ်လဲၤတုၤလၢဝ့ၢ်ကဲၤစါရံၤန့ၣ်လဲၤထီၣ်ဆူဝ့ၢ်ယရူၤၡလ့ၣ် ဒီးဆၢဂ့ၤဆၢဝါတၢ်အိၣ်ဖှိၣ်ဖိတဖၣ်, ဝံၤဒီးလဲၤထီၣ်ဆူဝ့ၢ်အၣ်တံၤအီာ်ဘၣ်ဃးဒီးကီၢ်စူၤရံန့ၣ်လီၤ.

မၤတၢ် 21:16

အပျဲၢ်အဘီၣ်ဖဲဝ့ၢ်ကဲၤစါရံၤတနီၤလဲၤစ့ၢ်ကီးဒီးပှၤ, ဒီးဆှၢပှၤဆူပှၤတဂၤလၢပကဘၣ်လဲၤအိၣ်သမှံၤဒီးအီၤ, ပှၤကီးကူပြူးဖိစီၤမနါစိၣ်လၢအမ့ၢ်တ့ၢ်အပျဲၢ်အဘီၣ် လၢပျၢၤလံၤလံၤတဂၤအဟံၣ်န့ၣ်လီၤ.

မၤတၢ် 21:8

မုၢ်ဆ့ၣ်ထီၣ်တနံၤန့ၣ်ပဟးထီၣ်ဒီးလဲၤတုၤလၢဝ့ၢ်ကဲၤစါရံၤလီၤ. ဖဲန့ၣ်ပလဲၤဆူပှၤစိာ်တၢ်သးခုကစီၣ်စီၤဖံလံးပူးအဟံၣ်, ဒီးအိၣ်ဒီးအီၤလီၤ. အဝဲဒၣ်မ့ၢ်ပှၤလၢအဘၣ်တၢ်ဃုထၢထီၣ်အီၤဖဲဝ့ၢ်ယရူၤၡလ့ၣ်နွံ ဂၤအကျါတဂၤလီၤ.

မၤတၢ် 23:23

အန့ၣ်ဝံၤဒီး, ပှၤသုးဖိတကထိအခိၣ်ကိးထီၣ်အသုးဖိတကယၤ အခိၣ်ခံဂၤဒီးစံးဘၣ်အီၤ, “ဒုးအိၣ်ကတဲာ်ကတီၤထီၣ်ပှၤသုးဖိခံ ကယၤ, ဃုာ်ဒီးပှၤဒိးကသ့ၣ်အဂၤနွံဆံဒီးပှၤစိာ်ဘီအဂၤခံကယၤ, ဒ်သိးအကလဲၤဆူဝ့ၢ်ကဲၤစါရံၤဒီးကတဲာ်ကတီၤသုသးလၢသုကဟး ထီၣ်ဒီးအဝဲသ့ၣ်ဖဲတနၤအံၤခွံနၣ်ရံၣ်အကတီၢ်တက့ၢ်.

မၤတၢ် 23:33

အဝဲသ့ၣ်လဲၤဆှၢအီၤဆူဝ့ၢ်ကဲၤစါရံၤ, ဟ့ၣ်လီၤတၢ်ပရၢဆူပဒိၣ်ဖးဒိၣ်အစုပူၤဒီးဆှၢထီၣ်စီၤပီလူး ဆူအအိၣ်လီၤ.

မၤတၢ် 25:1

စီၤဖ့စတူးဟဲတုၤလၢကီၢ်တဘ့ၣ်န့ၣ်အပူၤသၢသီဝံၤအလီၢ်ခံန့ၣ်, အဝဲဒၣ်ဟးထီၣ်ဖဲဝ့ၢ်ကဲၤစါရံၤဒီးလဲၤဝဲဆူဝ့ၢ်ယရူၤၡလ့ၣ်န့ၣ်လီၤ.

မၤတၢ် 25:13

စှၤသီပူၤကွံာ်ဝံၤအလီၢ်ခံန့ၣ်, စီၤပၤအကြံးပၤဒီးနီၢ်ဘ့ၢ်နံက့ၤဟဲဆူဝ့ၢ်ကဲၤစါရံၤဒ် သိးအကဟဲအိၣ်သကိးစီၤဖ့စတူးဒီးပာ်ဖျါထီၣ်အတၢ် တူၢ်လိာ်ခီၣ်ဆၢအီၤန့ၣ်လီၤ.

မၤတၢ် 25:4

စီၤဖ့စတူးစံးဆၢဝဲ, “စီၤပီလူးဘၣ်တၢ်ဒုးဃာ်အီၤလၢဃိာ်ပူၤ ဖဲဝ့ၢ်ကဲၤစါရံၤ, ဒီးတယံာ်ဘၣ်န့ၣ်ယနီၢ်ကစၢ်ဒၣ်ယဲယကက့ၤ ကဒါက့ၤဖဲန့ၣ်လီၤ.

မၤတၢ် 25:6

စီၤဖ့စတူးအိၣ်ကဒီးဖဲဝ့ၢ်ယရူၤၡလ့ၣ်ဃိးသီမ့တမ့ၢ်အသီ တဆံဝံၤအလီၢ်ခံလဲၤဝဲဆူဝ့ၢ်ကဲၤစါရံၤလီၤ. မုၢ်ဆ့ၣ်ထီၣ်တနံၤန့ၣ်, အဝဲဒၣ်ဆ့ၣ်နီၤလၢစံၣ်ညီၣ်ကွီၢ်အလီၢ်ဆ့ၣ်နီၤအလိၤဒီးဟ့ၣ်လီၤ အကလုၢ်ဒ်သိးစီၤပီလူးကဘၣ်တၢ်ဟဲဆှၢနုာ်အီၤလီၤ.

မၤတၢ် 8:25

တုၤအဝဲသ့ၣ်အုၣ်အသးဒီးတဲဖျါယွၤအတၢ်ကစီၣ်ဝံၤအလီၢ်ခံန့ၣ် စီၤပ့းတရူးဒီးစီၤယိၤဟၣ်က့ၤကဒါက့ၤဆူဝ့ၢ်ယရူၤၡလ့ၣ်လီၤ. ဖဲအက့ၤဝဲလၢကျဲန့ၣ်, အဝဲသ့ၣ်စံၣ်တဲၤတဲလီၤတၢ်သးခုအကစီၣ် အံၤလၢသဝီတဘျုးဖျၢၣ်အိၣ်လၢကီၢ်ၡၤမရံအပူၤန့ၣ်လီၤ.

မၤတၢ် 9:30

တုၤပှၤစူၢ်က့ၤနာ်က့ၤတၢ်တဖၣ်နၢ်ဟူသ့ၣ်ညါဘၣ်တၢ်ဂ့ၢ် တမံၤအံၤဒီး, အဝဲသ့ၣ်လဲၤကိးစီၤစီလူးဆူဝ့ၢ်ကဲၤစါရံၤဒီးဆှၢက့ၤအီၤ ဆူဝ့ၢ်တၢ်စူးန့ၣ်လီၤ.

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

လံာ်စီၤယိၤၡူ 11:22

ဒီးလၢပှၤအံၣ်စရ့လးဖိတဖၣ်အကီၢ်ပူၤန့ၣ်, ပှၤဧနးဖိ တအိၣ်လီၤတဲာ်နီတဂၤလၢၤဘၣ်န့ၣ်လီၤ. အိၣ်တီၢ်ဒၣ်စှၤဂၤလၢဝ့ၢ်ဂါစၤ, ဝ့ၢ်ကၤသးဒီးဝ့ၢ်အၤစဒိာ် အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:1

ပှၤဖလ့ၡသးဖိတဖၣ်မၤန့ၢ်ယွၤအတၢ်အၢၣ်လီၤအီလီၤအတလါစီဆှံ ဝံၤအလီၢ်ခံန့ၣ်အဝဲသ့ၣ်စိာ်ကွံာ်အီၤလၢဝ့ၢ်အ့ဘ့ၣ်န့စၢ်ဆူ ဝ့ၢ်အၤစဒိးလီၤ.