မၤတၢ် 8:37 - Sgaw Karen Common Bible

³⁷ (စီၤဖံလံးပူးစံးဘၣ်အီၤ, “နမ့ၢ်နာ်ယ့ၣ်ၡူးခရံာ်လၢနသးဒီဖျၢၣ်ညါဒီး, နဒိးဘျၢနသးလၢထံသ့ဝဲဒၣ်လီၤ.” အဝဲဒၣ်စံးဆၢက့ၤအီၤ, “ယနာ်လၢယ့ၣ်ၡူးခရံာ်မ့ၢ်ကစၢ်ယွၤအဖိခွါန့ၣ်လီၤ.”)

မၤတၢ် 8:37 Iomraidhean Croise

လံာ်မးသဲ 16:16

စီၤၡံမိၣ်ပ့းတရူးစံးဆၢဝဲ, “နမ့ၢ်ခရံာ်, ကစၢ်ယွၤလၢအမူဝဲတဂၤအဖိခွါလီၤ.”

လံာ်မးသဲ 28:19

လၢတၢ်န့ၣ်အဃိ, လဲၤဆူပှၤကလုာ်ခဲလၢာ်အအိၣ်လၢတၢ်လီၢ်ကိးပူၤဒဲး ဒီးဒုးကဲထီၣ်အဝဲသ့ၣ်လၢယပျဲၢ်ယဘီၣ်တဖၣ်တက့ၢ်. ဘျၢအဝဲသ့ၣ်လၢပၢ်, ဖိဒီးသးစီဆှံအမံၤအပူၤန့ၣ်တက့ၢ်.

လံာ်မၢ်ကူး 16:16

ပှၤတဂၤလၢ်လၢ်လၢအနာ်တၢ်သးခုအကစီၣ်အံၤဒီးဒိးဘျၢ အသးလၢထံန့ၣ်, ကဘၣ်တၢ်အုၣ်က့ၤခီၣ်က့ၤအီၤ, မ့မ့ၢ်ပှၤတဂၤလၢ်လၢ်လၢအတနာ်ဝဲဘၣ်န့ၣ် ကဘၣ်တၢ်စံၣ်ညီၣ်ဃၣ်အီၤလီၤ.

လံာ်ယိၤဟၣ် 11:27

နီၢ်မၢ်သၤစံးဆၢအီၤ, “မ့ၢ်ကစၢ်ဧၢ, ယနာ်လၢနမ့ၢ်ခရံာ်, ကစၢ်ယွၤအဖိခွါလၢအကဟဲလီၤဆူဟီၣ်ခိၣ်ချၢအံၤန့ၣ်လီၤ.”

လံာ်ယိၤဟၣ် 20:31

ဘၣ်ဆၣ်တၢ်သ့ၣ်တဖၣ်အံၤဘၣ်တၢ်ကွဲးဃာ်အီၤ, မ့ၢ်ဒ်သိးသုကနာ်လၢယ့ၣ်ၡူးမ့ၢ်ခရံာ်, ကစၢ်ယွၤအဖိခွါ, ဒီးခီဖျိသုတၢ်နာ်အီၤန့ၣ်, သုကန့ၢ်ဘၣ်တၢ်မူအဂီၢ်န့ၣ်လီၤ.

လံာ်ယိၤဟၣ် 6:68

စီၤၡံမိၣ်ပ့းတရူးစံးဆၢတၢ်ဒီးစံးဝဲ, “ကစၢ်ဧၢ, ပကလဲၤဆူမတၤတဂၤအအိၣ်လဲၣ်. နအိၣ်ဒီးတၢ်ကတိၤတဖၣ်လၢအဟ့ၣ်တၢ်မူအထူ အယိာ်လီၤ.

လံာ်ယိၤဟၣ် 9:35

ယ့ၣ်ၡူးနၢ်ဟူလၢပှၤဟီထီၣ်ကွံာ်အီၤဒီးဖဲအဝဲထံၣ်န့ၢ် ပှၤတဂၤအံၤန့ၣ်သံကွၢ်အီၤဒီးစံး, “နစူၢ်က့ၤနာ်က့ၤပှၤကညီဖိခွါဧါ.”

မၤတၢ် 2:38

စီၤပ့းတရူးစံးဘၣ်အဝဲသ့ၣ်, သုဝဲဒၣ်ကိးဂၤဒဲးသုဘၣ်ပီၢ်ယၢ်ဒီးဃၣ်လိၤက့ၤသုသးဆူယွၤ အအိၣ်, ဒီးသုဘၣ်ဒိးဘျၢသုသးလၢထံလၢယ့ၣ်ၡူးခရံာ်အမံၤအပူၤ, ဒ်သိးသုကဒိးန့ၢ်ဘၣ်တၢ်ပျၢ်သုတၢ်ဒဲးဘးဒီးကစၢ်ယွၤအတၢ်ဟ့ၣ် လၢအမ့ၢ်သးစီဆှံန့ၣ်လီၤ.

မၤတၢ် 8:12

ဘၣ်ဆၣ်ဒီးတုၤအဝဲသ့ၣ်စူၢ်က့ၤနာ်က့ၤတၢ်သးခုအကစီၣ် လၢစီၤဖံလံးပူးစံၣ်တဲၤတဲလီၤဝဲဘၣ်ဃးကစၢ်ယွၤအဘီအမုၢ်ဒီး ယ့ၣ်ၡူးခရံာ်အဂ့ၢ်န့ၣ်, အဝဲသ့ၣ်ဒိးဘျၢအသးလၢထံ, မုၣ်မုၣ်ခွါခွါန့ၣ်လီၤ.

မၤတၢ် 8:21

နတဘၣ်ထွဲဘၣ်ဃးဒီးပတၢ်မၤအံၤဘၣ်. အဂ့ၢ်မ့ၢ်လၢနသးတဘျၢလၢကစၢ်ယွၤအမဲာ်အတၢ်ထံၣ်အပူၤ အဃိလီၤ.

မၤတၢ် 8:36

ဒီးဖဲအလဲၤကဒီးဆူညါအဖၢမုၢ်န့ၣ်, အဝဲသ့ၣ်တုၤဃီၤဝဲဒၣ်လၢထံအိၣ်အလီၢ်တတီၤ, ဒီးပဒိၣ်န့ၣ်စံးဝဲ, “ထံအိၣ်ဖဲအံၤလီၤ. ယမ့ၢ်အဲၣ်ဒိးဒိးဘျၢယသးလၢထံဒီး, တၢ်လၢကတြီယကျဲမ့ၢ်အအိၣ်တမံၤမံၤဧါ.”

မၤတၢ် 8:38

ပဒိၣ်န့ၣ်မၤလိာ်ပှၤနီၣ်လ့ၣ်ကဟၣ်လၢအကပာ်ကတီၢ်အလ့ၣ် ကဟၣ်, ဒီးစီၤဖံလံးပူးဒီးပဒိၣ်လဲၤလီၤဝဲဆူထံကျါခံဂၤလၢာ်, ဝံၤစီၤဖံလံးပူးဘျၢပဒိၣ်န့ၣ်လၢထံလီၤ.

မၤတၢ် 9:20

အဝဲဒၣ်လဲၤဝဲတဘျီဃီဆူဘူၣ်ဘျီၣ်လၢအမ့ၢ်တၢ်ဘါလီၢ် တဖၣ်, ဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ကစၢ်ယွၤအဖိခွါန့ၣ် လီၤ.

ရိမ့ၤ 10:10

အဂ့ၢ်ဒ်လဲၣ်န့ၣ်, ခီဖျိပနာ်တၢ်လၢပသးကံၢ်ပူၤန့ၣ်ပဘၣ်တၢ်ပာ် တီပာ်လိၤပှၤဒီးကစၢ်ယွၤ, ဒီးခီဖျိပအၢၣ်လီၤလၢပထးခိၣ်န့ၣ်ပတုၤလၢတၢ်အုၣ်က့ၤခီၣ်က့ၤပှၤ န့ၣ်လီၤ.

1 ကရံၣ်သူး 12:3

ယအဲၣ်ဒိးသုကသ့ၣ်ညါလၢပှၤလၢယွၤအသးစီဆှံဆှၢအီၤ တဂၤန့ၣ်ကစံးဝဲ, “မ်ယ့ၣ်ၡူးဘၣ်တၢ်ဆိၣ်အၢတက့ၢ်” န့ၣ် တသ့ဘၣ်. ဒီးမ့တမ့ၢ်လၢပှၤတဂၤဘၣ်တၢ်ဆှၢအီၤလၢသးစီဆှံန့ၣ်, ပှၤအဝဲန့ၣ်အၢၣ်လီၤအီလီၤလၢ “ယ့ၣ်ၡူးမ့ၢ်ကစၢ်” န့ၣ်တသ့ဘၣ်.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

၁ ယိၤဟၣ် 4:15

ဖဲဒၣ်ပှၤလၢအအၢၣ်လီၤအီလီၤလၢယ့ၣ်ၡူးမ့ၢ် ကစၢ်ယွၤအဖိခွါန့ၣ်, ကစၢ်ယွၤအိၣ်ဝဲဆိးဝဲလၢ အပူၤ, ဒီးအဝဲဒၣ်အိၣ်ဝဲဆိးဝဲလၢကစၢ်ယွၤအပူၤလီၤ.

၁ ယိၤဟၣ် 5:1

ပှၤတဂၤဂ့ၤတဂၤဂ့ၤလၢအနာ်ဝဲလၢယ့ၣ်ၡူးမ့ၢ်ခရံာ်န့ၣ်, မ့ၢ်ကစၢ်ယွၤအဖိတဂၤလီၤ. ဒီးပှၤတဂၤဂ့ၤတဂၤဂ့ၤလၢ အအဲၣ်ပၢ်တဂၤန့ၣ်, အဲၣ်ကစၢ်ပၢ်အံၤအဖိစ့ၢ်ကီးလီၤ.

၁ ယိၤဟၣ် 5:10

လၢတၢ်န့ၣ်အဃိ, ပှၤလၢအစူၢ်က့ၤနာ်က့ၤကစၢ်ယွၤအဖိခွါ န့ၣ်အိၣ်ဒီးတၢ်အုၣ်အသးအံၤလၢအသးကံၢ်ပူၤ, ဘၣ်ဆၣ်ဒီးပှၤလၢအတစူၢ်တနာ်ကစၢ်ယွၤန့ၣ်ဒုးကဲထီၣ် ယွၤလၢပှၤလီတၢ်, မ့ၢ်လၢအဝဲတနာ်ယွၤအတၢ်အုၣ်အသးဘၣ်ဃးဒီးအဖိခွါ အဂ့ၢ်အကျိၤဘၣ်အဃိလီၤ.

၁ ယိၤဟၣ် 5:5

မတၤမၤနၢၤဟီၣ်ခိၣ်သ့တဂၤလဲၣ်. မ့ၢ်ဒၣ်ထဲပှၤလၢအနာ်ဝဲလၢယ့ၣ်ၡူးမ့ၢ်ကစၢ်ယွၤအဖိခွါဧိၤ န့ၣ်လီၤ.