မၤတၢ် 8:35 - Sgaw Karen Common Bible

³⁵ အန့ၣ်ဒီးစီၤဖံလံးပူးကတိၤထီၣ်တၢ်စးထီၣ်လၢတၢ်ကွဲး အသးတတီၤအံၤဝံၤ, စံးဘၣ်တဲဘၣ်အီၤလၢတၢ်သးခုအကစီၣ်ဘၣ်ဃး ယ့ၣ်ၡူးန့ၣ်လီၤ.

မၤတၢ် 8:35 Iomraidhean Croise

လံာ်မးသဲ 5:2

အပျဲၢ်အဘီၣ်တဖၣ်ဟဲအိၣ်ဖှိၣ်လၢအဃၢၤဒီးအဝဲစးထီၣ်အတၢ်သိၣ် လီၤသီလီၤဒီးစံးဝဲ,

လံာ်လူၤကၣ် 24:27

ဒီးယ့ၣ်ၡူးတဲနၢ်ပၢၢ်အဝဲသ့ၣ်ဘၣ်ဃးတၢ်လၢအဘၣ်တၢ် စံးတ့ၢ်လၢအဂ့ၢ်လၢတၢ်ကွဲးအသးစီဆှံခဲလၢာ်အပူၤ, စးထီၣ်လၢလံာ်မိၤၡ့တဖၣ်ဒီးဝံခဲလၢာ်အတၢ်ကွဲးတဖၣ်န့ၣ်လီၤ.

မၤတၢ် 10:34

ဒီးစီၤပ့းတရူးအဲးထီၣ်အထးခိၣ်ဒီးစံးဝဲ, “ခဲကနံၣ်အံၤယသ့ၣ်ညါလံတၢ်မ့ၢ်တၢ်တီလၢ ကစၢ်ယွၤတကွၢ်မဲာ်ပှၤနီတဂၤဘၣ်န့ၣ်လီၤ.

မၤတၢ် 11:20

မ့မ့ၢ်ပှၤစူၢ်က့ၤနာ်က့ၤတၢ်အဂၤတနီၤလၢကီးကူပြူးဒီးကီၢ်ကူၤရ့ၤန့ တဖၣ်, လဲၤဝဲတုၤလၢဝ့ၢ်အၣ်တံၤအီာ်ဒီးစံၣ်တဲၤတဲလီၤတၢ်ကစီၣ်လၢ ပှၤကလုာ်ဂၤတဖၣ်စ့ၢ်ကီး, ဒီးစံးဘၣ်တဲဘၣ်အဝဲသ့ၣ်တၢ်သးခုအကစီၣ်ဘၣ်ဃးကစၢ်ယ့ၣ်ၡူး အဂ့ၢ်န့ၣ်လီၤ.

မၤတၢ် 17:18

ပှၤအ့းပံၤကူၤရူးဖိအသရၣ်ဒီးပှၤစတီးအၤဖိအသရၣ်တနီၤ ကတိၤဂ့ၢ်လိာ်ဘှီလိာ်စ့ၢ်ကီးတၢ်ဒီးအီၤန့ၣ်လီၤ. အဝဲသ့ၣ်တနီၤစံးဝဲ, “ပှၤတသ့ၣ်ညါနၢ်ပၢၢ်တၢ်ဒီးလိာ်သ့အသးတဂၤအံၤမ့ၢ်အအဲၣ်ဒိး တဲတၢ်မနုၤလဲၣ်.” ပှၤအဂၤတနီၤစံးဝဲ, “ဖျါလၢအဝဲကတိၤတၢ်ဘၣ်ဃးထံဂၤကီၢ်ဂၤအကစၢ်ယွၤ တဖၣ်အဂ့ၢ်လီၤ.” အဝဲသ့ၣ်စံးတၢ်ဒ်သိးအံၤန့ၣ်မ့ၢ်လၢစီၤပီလူးစံၣ်တဲၤတဲ လီၤတၢ်ဘၣ်ဃးယ့ၣ်ၡူးဒီးတၢ်ဂဲၤဆၢထၢၣ်သမူထီၣ်က့ၤအဂ့ၢ် အဃိလီၤ.

မၤတၢ် 18:28

အဂ့ၢ်ဒ်အံၤ, လၢအဝဲဒၣ်ကတိၤဂ့ၢ်လိာ်ဘှီလိာ်တၢ်အိၣ်ဒီး အသဟီၣ်လၢအဆူၣ်ဒီးအသယၢၢ်လၢအဃၢအဃိ, မၤနၢၤကွံာ်ပှၤယူဒၤဖိတဖၣ်လၢတၢ်ကတိၤဂ့ၢ်လိာ်ဘှီလိာ်တၢ် လၢကမျၢၢ်အမဲာ်ညါခီဖျိအယၢၤထီၣ်တၢ်ကွဲးအသးစီဆှံလၢ အဟ့ၣ်တၢ်အုၣ်အသးလၢယ့ၣ်ၡူးမ့ၢ်ခရံာ်န့ၣ်လီၤ.

မၤတၢ် 19:13

ပှၤယူဒၤဖိတနီၤလၢအဟးဝ့ၤဝီၤဒီးဟီထီၣ်ကွံာ်တၢ်နါတဖၣ်ဂုာ် ကျဲးစၢးသူစ့ၢ်ကီးကစၢ်ယ့ၣ်ၡူးအမံၤလၢကဟီထီၣ်ကွံာ်တၢ်နါ အဂီၢ်လီၤ. အဝဲသ့ၣ်စံးဘၣ်တၢ်ဝံတၢ်နါတဖၣ်, “လၢယ့ၣ်ၡူးလၢစီၤပီလူးစံၣ်တဲၤတဲလီၤအီၤတဂၤအမံၤ န့ၣ်, ယဟ့ၣ်လီၤနၤယကလုၢ်န့ၣ်လီၤ.”

မၤတၢ် 28:23

လၢတၢ်န့ၣ်အဃိအဝဲသ့ၣ်သ့ၣ်နံၤဖးသီဒီးစီၤပီလူး, ဒီးဖဲနံၤအဝဲန့ၣ်ပှၤယူဒၤဖိဟဲအါအါဂီၢ်ဂီၢ်ဖဲတၢ်လီၢ် လၢစီၤပီလူးအိၣ်ဝဲန့ၣ်လီၤ. စးထီၣ်လၢဂီၤတုၤလၢမုၢ်နၤခီန့ၣ်, အဝဲဒၣ်တဲဖျါထီၣ်ဒီးဟ့ၣ်အဝဲသ့ၣ်လၢအတၢ်ကစီၣ်ဘၣ်ဃး ကစၢ်ယွၤအဘီအမုၢ်န့ၣ်လီၤ. အဝဲဒၣ်ဂုာ်ကျဲးစၢးဒုးနာ်အဝဲသ့ၣ်ဘၣ်ဃးယ့ၣ်ၡူးအဂ့ၢ်ခီဖျိ အယၢၤထီၣ်စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ် န့ၣ်လီၤ.

မၤတၢ် 3:20

ကစၢ်ကဟ့ၣ်လီၤသးအတၢ်န့ၢ်ဂံၢ်န့ၢ်ဘါအကတီၢ်တဖၣ်, ဒီးကမၢလီၤယ့ၣ်ၡူးလၢအမ့ၢ်ခရံာ်လၢအဃုထၢပာ်တ့ၢ်လံဝဲလၢ သုဂီၢ်န့ၣ်လီၤ.

မၤတၢ် 5:42

ဒီးကိးနံၤဒဲးလၢတၢ်လုၢ်ဟံၣ်ပူၤဒီးလၢဟံၣ်တဖၣ်အပူၤစ့ၢ်ကီးန့ၣ်, အဝဲသ့ၣ်သိၣ်လီၤသီလီၤဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ခရံာ်, ဒီးတဆိတ့ၢ်ဝဲနီတစုဘၣ်န့ၣ်လီၤ.

မၤတၢ် 8:34

ပဒိၣ်န့ၣ်သံကွၢ်ဝဲစီၤဖံလံးပူး, “တဲဘၣ်ယၤတက့ၢ်. ဝံတဂၤအံၤမ့ၢ်အကတိၤတၢ်လၢအကစၢ်ဒၣ်ဝဲအဂ့ၢ်ဧါ. မ့တမ့ၢ်ဘၣ်ဒီးမ့ၢ်အကတိၤတၢ်ဘၣ်ဃးပှၤအဂၤတဂၤဂၤ အဂ့ၢ်န့ၣ်လဲၣ်.”

မၤတၢ် 9:20

အဝဲဒၣ်လဲၤဝဲတဘျီဃီဆူဘူၣ်ဘျီၣ်လၢအမ့ၢ်တၢ်ဘါလီၢ် တဖၣ်, ဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ကစၢ်ယွၤအဖိခွါန့ၣ် လီၤ.

1 ကရံၣ်သူး 1:23

မ့မ့ၢ်ပဝဲသ့ၣ်တဖၣ်အံၤ, ပစံၣ်တဲၤတဲလီၤခရံာ်လၢအဘၣ်တၢ်ပျၤထီအီၤလၢထူၣ်စုညါ အလိၤ, တၢ်ကစီၣ်လၢအမၤဆါပှၤယူဒၤဖိတဖၣ်အသး, ဒီးမ့ၢ်တၢ်ကလီကလီလၢပှၤကလုာ်ဂၤသ့ၣ်တဖၣ်အဂီၢ်န့ၣ်လီၤ.

1 ကရံၣ်သူး 2:2

အဂ့ၢ်ဒ်အံၤ, ဖဲယအိၣ်ဒီးသုန့ၣ်, ယပာ်လီၤတ့ၢ်ယသးဒ်သိးယကသးပ့ၤနီၣ်ကွံာ်တၢ်ခဲလၢာ် ဒီးသ့ၣ်နီၣ်ထီၣ်က့ၤထဲယ့ၣ်ၡူးခရံာ်ဒီးလီၤဆီဒၣ်တၢ်အဝဲ အတၢ်သံလၢထူၣ်စုညါအလိၤန့ၣ်လီၤ.

၂ ကရံၣ်သူး 6:11

တံၤသကိးသးဘိလၢဝ့ၢ်ကရံၣ်သူးသ့ၣ်ဧၢ, ပကတိၤတၢ်လိၤလိၤဘျၢဘျၢဒီးသုလီၤ. ပအိးထီၣ်လံ ပသးလဲၢ်လဲၢ်လံ.

အ့းဖ့းစူး 4:21

သုနၢ်ဟူတ့ၢ်လံဒီးဒ်အပျဲၢ်အဘီၣ်တဖၣ်အသိးသုဘၣ် တၢ်သိၣ်လိသီလိတ့ၢ်သုလၢတၢ်မ့ၢ်တၢ်တီလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.