မၤတၢ် 8:32 - Sgaw Karen Common Bible

³² တၢ်ကွဲးအသးတတီၤလၢအဝဲဒၣ်ဖးဝဲန့ၣ်မ့ၢ်အအံၤ, “ဒ်သိတဒုလၢတၢ်မိၤထီၣ်အီၤလၢ တၢ်ကမၤသံအီၤအဂီၢ်အသိး, ဒ်သိဆံးဖိတဒုဖဲတၢ်တံာ်အဆူၣ်အကတီၢ်န့ၣ် တမၤသီၣ်ဘၣ်အကလုၢ်အသိး, အဝဲဒၣ်တအဲးထီၣ်အထးခိၣ်ဘၣ်.

မၤတၢ် 8:32 Iomraidhean Croise

စံးထီၣ်ပတြၢၤ 39:2

ယအိၣ်တအုၣ်, ယတကတိၤတၢ်နီတဘီဘၣ်. ယအိၣ်ဘှီၣ်ကလာ်ဘၣ်ဆၣ်အဘျုးတအိၣ်ဘၣ်. ယတၢ်နးတၢ်ဖှီၣ်ဒိၣ်ထီၣ်အါထီၣ်တခီန့ၣ်လီၤ.

စံးထီၣ်ပတြၢၤ 39:9

ယအိၣ်တအုၣ်လီၤ. ယတအဲးထီၣ်ယထးခိၣ်ဘၣ်. အဂ့ၢ်ဒ်အံၤ, တၢ်အံၤမ့ၢ်တၢ်လၢနမၤတ့ၢ်နဲလီၤ.

လံာ်ယံးရမံယၤ 11:19

ယမၤယသးဒ်သိဖိတဒုလၢအနာ်ညီတၢ်လၢအဘၣ်တၢ်ဟံးထီၣ်အီၤ ဒ်သိးတၢ်ကမၤသံအီၤအဂီၢ်, ဒီးယတသ့ၣ်ညါဘၣ်လၢအဝဲသ့ၣ်ကူၣ်ထီၣ်တၢ်အၢတၢ်သီတဖၣ်အံၤ ထီဒါယၤန့ၣ်ဘၣ်လီၤ. အဝဲသ့ၣ်စံးဝဲဒၣ်, “မ်ပကူာ်လီၤကွံာ် သ့ၣ်အံၤဖဲအဂံၢ်အဘါဂ့ၤဒံးအခါတက့ၢ်. မ်ပမၤသံကွံာ်အီၤဒ်သိးပှၤ သုတသ့ၣ်နီၣ်လၢၤအီၤနီတဂၤတဂ့ၤန့ၣ်တက့ၢ်.”

လံာ်ယံးရမံယၤ 12:3

ဘၣ်ဆၣ်ဒီးယွၤဧၢ, နသ့ၣ်ညါယၤလီၤ. နထံၣ်တၢ်လၢယမၤ ဒီးယအဲၣ်နၤဒ်လဲၣ်န့ၣ်လီၤ. တွံၢ်ယံၤကွံာ်ပှၤအၢပှၤသီတဖၣ်အံၤ ဒ်သိလၢအဘၣ်တၢ်မၤသံအီၤအသိး ဒီးပၢၤဃာ်အီၤတုၤအကတီၢ် ဘၣ်ဝဲလၢတၢ်ကမၤသံအီၤအဂီၢ်န့ၣ်တက့ၢ်.

လံာ်ယံးရမံယၤ 51:40

ယကလဲၤစိာ်အဝဲသ့ၣ်လၢ တၢ်ကမၤသံအီၤအဂီၢ်ဒ်သိဖိတဖၣ်, မဲာ်တဲးလဲးတဖၣ်, ဒီးသိဖါတဖၣ်အသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်လူၤကၣ် 23:34

ယ့ၣ်ၡူးစံးဝဲ, “ပၢ်ဧၢ, ပျၢ်အဝဲသ့ၣ်အတၢ်ကမၣ်တက့ၢ်. အဝဲသ့ၣ်မၤတၢ်မနုၤလဲၣ်န့ၣ်တသ့ၣ်ညါဝဲဘၣ်.” အဝဲသ့ၣ်နီၤဖးလီၤအဝဲဒၣ်အကူအသိးလၢအသကိးဒၣ်ဝဲ အကျါခီဖျိအဖီၣ်တၢ်ဖးလီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

မၤတၢ် 8:31

ပဒိၣ်န့ၣ်စံးဆၢက့ၤအီၤ, “ပှၤမ့ၢ်တအိၣ်လၢအကတဲနၢ်ပၢၢ်ယၤ တဂၤဘၣ်ဒီး, ယနၢ်ပၢၢ်ယဲကသ့ဒ်လဲၣ်.” သတးဒီးအဝဲဒၣ်ကွဲမုာ်အီၤဒီးစံး, “ဟဲထီၣ်ဒိးသကိးလ့ၣ်ကဟၣ်ဒီးယၤတက့ၢ်.”

ရိမ့ၤ 8:36

ဒ်တၢ်ကွဲးအသးစီဆှံစံးဝဲအသိး, “ပဝဲဒၣ်အံၤ ပဘၣ်တၢ်မၤသံပှၤလၢနဃိသ့သ့တနံၤလီၤ. တၢ်ပာ်ပှၤဒ်သိလၢအကဘၣ်တၢ်မၤသံအီၤ အသိးန့ၣ်လီၤ (စံး ၄၄:၂၂).

1 ကရံၣ်သူး 15:3

တၢ်လၢယဒိးန့ၢ်ဘၣ်တ့ၢ်ယဲန့ၣ်, ယဟ့ၣ်လီၤကဒီးယဲဆူသုအိၣ် တဆီလၢအမ့ၢ်တၢ်အကါဒိၣ်ကတၢၢ်တမံၤ, လၢခရံာ်သံလၢ ပတၢ်ဒဲးဘးအဃိဒ်အအိၣ်ကွဲးအသးလၢတၢ်ကွဲးအသးစီဆှံ အပူၤအသိး,

၁ ပ့းတရူး 1:19

မ့မ့ၢ်, မ့ၢ်တၢ်လုၢ်ထီၣ်ခရံာ်ဒ်အမ့ၢ်တၢ်လုၢ်ဒိၣ်ပှ့ၤဒိၣ်လၢအလီၤ ဂာ်ဒီးသိဖိတဒုလၢအတသံၣ်သူမီၢ်ကျာ်ဒီးအတၢ်မဲၣ်သူမဲၣ်ဂီၤ တအိၣ်ဘၣ်အသိးန့ၣ်လီၤ.