မၤတၢ် 8:30 - Sgaw Karen Common Bible

³⁰ စီၤဖံလံးပူးလဲၤဃ့ၢ်ဝဲဆူလ့ၣ်ကဟၣ်အကပၤ, ဒီးနၢ်ဟူအဝဲဖးလံာ်ဝံယၡါယၤဒီးသံကွၢ်အီၤ, “တၢ်လၢနဖးန့ၣ်မ့ၢ်နနၢ်ပၢၢ်အခီပညီစ့ၢ်ကီးဧါ.”

မၤတၢ် 8:30 Iomraidhean Croise

စံးထီၣ်ပတြၢၤ 119:32

တုၤနဟ့ၣ်အါထီၣ်ယၤယတၢ်သ့ၣ်ညါနၢ်ပၢၢ်တၢ်န့ၣ်ဒီး ယကစူၢ်နတၢ်မၤလိာ်တဖၣ်လၢ တၢ်သးဆူၣ်အပူၤလီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်မးသဲ 13:19

ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

လံာ်မးသဲ 13:23

တၢ်ချံလၢအဘၣ်တၢ်ဖှံလီၤအီၤလၢဟီၣ်ခိၣ်လၢအဂ့ၤတဖၣ်, မ့ၢ်ပှၤလၢအနၢ်ဟူတၢ်ကစီၣ်ဒီးနၢ်ပၢၢ်ဝဲလီၤ. အဝဲသ့ၣ်သၣ်ထီၣ်ဝဲ, တနီၤအါန့ၢ်အလီၢ်အစးတကယၤ, တနီၤဃုဆံဒီးတနီၤသၢဆံလီၤ.”

လံာ်မးသဲ 13:51

ယ့ၣ်ၡူးသံကွၢ်အပျဲၢ်အဘီၣ်တဖၣ်ဒီးစံး, “မ့ၢ်သုနၢ်ပၢၢ်တၢ်တဖၣ်အံၤလံဧါ.” အဝဲသ့ၣ်စံးဆၢအီၤ, “မ့ၢ်, ပနၢ်ပၢၢ်လံ.”

လံာ်မးသဲ 15:10

ယ့ၣ်ၡူးကိးပှၤဂီၢ်မုၢ်ဆူအအိၣ်ဒီးစံးဘၣ်အဝဲသ့ၣ်, “ဒိကနၣ်ဒီးနၢ်ပၢၢ်တက့ၢ်.

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

လံာ်မၢ်ကူး 13:14

သုဝဲသ့ၣ်သုကထံၣ်ဘၣ်တၢ်မၤလီၤပျံၤလီၤဖုးတၢ်လၢအလီၤ သးဘၣ်အၢဒိၣ်ဒိၣ်ကလဲာ်န့ၣ်အိၣ်ဝဲလၢတၢ်လီၢ်လၢအတကြၢး အိၣ်ဝဲဘၣ်န့ၣ်လီၤ. (ပှၤဖးတၢ်ဖိတဂၤကဘၣ်နၢ်ပၢၢ်တၢ်တမံၤအံၤ အခီပညီသပှၢ်ကတၢၢ်လီၤ.) အန့ၣ်တစုပှၤအိၣ်လၢကီၢ်ယူဒၤပူၤ တဖၣ်ကဘၣ်ဃ့ၢ်ပူၤဖျဲးအသးဆူကစၢၢ်ကလိတဖၣ်အကျါလီၤ.

လံာ်ယိၤဟၣ် 4:34

ယ့ၣ်ၡူးစံးဘၣ်အဝဲသ့ၣ်, “ယတၢ်အီၣ်န့ၣ်မ့ၢ်ယကမၤပှၤလၢ အမၢလီၤယၤတဂၤအတၢ်ဘၣ်အသးဒီးမၤအီၤတုၤအဝံၤ တစုန့ၣ်လီၤ.

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

မၤတၢ် 8:27

အန့ၣ်ဒီးစီၤဖံလံးပူးကတီၤထီၣ်အသးဒီးလဲၤဝဲလီၤ. အကတီၢ်ဖဲန့ၣ်တၢ်မၤအသးလၢပှၤအဲၤသံအီးပးအပှၤဒ့ဒံၣ်ဖိ လၢအမ့ၢ်ကီၢ်အဲၤသံအီးပးအနီၢ်ပၤမုၣ်တဂၤအပဒိၣ်ဖးဒိၣ်, ပှၤလၢအဘၣ်ပၢၤကျိၣ်ပၢၤစ့တဂၤန့ၣ်, လဲၤတၢ်လၢကျဲန့ၣ်လီၤ. အဝဲဒၣ်လဲၤတ့ၢ်ဝဲဆူဝ့ၢ်ယရူၤၡလ့ၣ်လၢကဘူၣ်ထူဘါယွၤ အဂီၢ်,

မၤတၢ် 8:29

သးစီဆှံစံးဘၣ်စီၤဖံလံးပူး, “လဲၤဃီၤဆူလ့ၣ်ကဟၣ်န့ၣ်အအိၣ်ဒီးဟးဖဲအကပၤန့ၣ်တက့ၢ်.”

မၤတၢ် 8:31

ပဒိၣ်န့ၣ်စံးဆၢက့ၤအီၤ, “ပှၤမ့ၢ်တအိၣ်လၢအကတဲနၢ်ပၢၢ်ယၤ တဂၤဘၣ်ဒီး, ယနၢ်ပၢၢ်ယဲကသ့ဒ်လဲၣ်.” သတးဒီးအဝဲဒၣ်ကွဲမုာ်အီၤဒီးစံး, “ဟဲထီၣ်ဒိးသကိးလ့ၣ်ကဟၣ်ဒီးယၤတက့ၢ်.”

မၤတၢ် 8:5

စီၤဖံလံးပူးလဲၤဝဲဆူကီၢ်ၡၤမရံအဝ့ၢ်ခိၣ်အပူၤ, ဒီးစံၣ်တဲၤတဲလီၤခရံာ်အဂ့ၢ်လၢပှၤအိၣ်ဖဲန့ၣ်တဖၣ်အဂီၢ်လီၤ.

1 ကရံၣ်သူး 14:19

ဘၣ်ဆၣ်ဒီး, ဖဲတၢ်ဘူၣ်တၢ်ဘါလၢတၢ်ဘါယွၤလီၢ်အဆၢကတီၢ် န့ၣ်, လၢယကကတိၤတၢ်ကတိၤအဖျၢၣ်တကလးလၢပျ့ၤလီၤဆီ တဖၣ်အလီၢ်, ဘၣ်ယသးလၢယကကတိၤတၢ်ကတိၤယဲၢ်ဖျၢၣ်လၢတၢ်နၢ်ပၢၢ် အီၤသ့ဝဲ, ဒ်သိးယကသိၣ်လီၤသီလီၤပှၤအဂၤတဖၣ်အဂီၢ်န့ၣ်လီၤ.

အ့းဖ့းစူး 5:17

တဘၣ်အိၣ်မူဒ်ပှၤဟးဂီၤဖိတဖၣ်အသိးတဂ့ၤ. မ့မ့ၢ်ကျဲးစၢးဃုသ့ၣ်ညါနၢ်ပၢၢ်တၢ်လၢကစၢ်ဘၣ် အသးလၢသုကမၤအီၤန့ၣ်တက့ၢ်.

လံာ်လီၣ်ဖျါ 13:18

လၢအဝဲအံၤအဂ့ၢ်န့ၣ်တၢ်ကူၣ်သ့အလီၢ်အိၣ်ဝဲဒၣ်လီၤ. ကယဲၢ်ပှၤလၢအအိၣ်ဒီးတၢ်ကူၣ်ဘၣ်ဖးသ့န့ၣ်ကွၢ်ဆိ ကမိၣ်ထိၣ်တဲာ်ကွၢ်တၢ်ဒူတၢ်ဃိၤအနီၣ်ဂံၢ်တမံၤအံၤ အခီပညီသ့ဝဲလီၤ. အဂ့ၢ်ဒ်အံၤ, နီၣ်ဂံၢ်အံၤပာ်ဖျါထီၣ်ပှၤတဂၤ အမံၤလီၤ. အဝဲအနီၣ်ဂံၢ်မ့ၢ်ဝဲ ၆၆၆ န့ၣ်လီၤ.