မၤတၢ် 8:27 - Sgaw Karen Common Bible

²⁷ အန့ၣ်ဒီးစီၤဖံလံးပူးကတီၤထီၣ်အသးဒီးလဲၤဝဲလီၤ. အကတီၢ်ဖဲန့ၣ်တၢ်မၤအသးလၢပှၤအဲၤသံအီးပးအပှၤဒ့ဒံၣ်ဖိ လၢအမ့ၢ်ကီၢ်အဲၤသံအီးပးအနီၢ်ပၤမုၣ်တဂၤအပဒိၣ်ဖးဒိၣ်, ပှၤလၢအဘၣ်ပၢၤကျိၣ်ပၢၤစ့တဂၤန့ၣ်, လဲၤတၢ်လၢကျဲန့ၣ်လီၤ. အဝဲဒၣ်လဲၤတ့ၢ်ဝဲဆူဝ့ၢ်ယရူၤၡလ့ၣ်လၢကဘူၣ်ထူဘါယွၤ အဂီၢ်,

မၤတၢ် 8:27 Iomraidhean Croise

လံာ်စီၤပၤအခီၣ်ထံးတဘ့ၣ် 10:1

ကီၢ်ၡဘၤအနီၢ်ပၤမုၣ်နၢ်ဟူဘၣ်စီၤၡလိၤမိၤအတၢ်မံၤဟူသၣ်ဖျါ ဒီးအဝဲလဲၤဝဲဆူဝ့ၢ်ယရူၤၡလ့ၣ်, လၢကမၤကွၢ်အီၤဒီးတၢ်သံကွၢ်အကီအခဲတဖၣ်အဂီၢ်န့ၣ်လီၤ.

စံးထီၣ်ပတြၢၤ 68:29

လၢနတၢ်လုၢ်ဟံၣ်လၢယရူၤၡလ့ၣ်အပူၤ, ဖဲစီၤပၤတဖၣ်ဟဲစိာ်တၢ်ဟ့ၣ်တဖၣ်ဆူ နအိၣ်န့ၣ်တက့ၢ်.

စံးထီၣ်ပတြၢၤ 68:31

ပဒိၣ်တဖၣ်ကဟဲထီၣ်လၢအဲၤကူပတူးအပူၤ, ကူၤၡးကယူာ်ထီၣ်အစုဆူယွၤအအိၣ် လၢတၢ်ထုကဖၣ်န့ၣ်လီၤ.

စံးထီၣ်ပတြၢၤ 87:4

ဖဲယကွဲးလီၤ ပှၤကလုာ်တဖၣ်လၢ အစူၢ်ယၤအတၢ်ကွဲးနီၣ်န့ၣ် ယကဒၢနုာ်ကီၢ်အဲၤကူပတူးဒီး ကီၢ်ဘၤဘူၤလိၣ်န့ၣ်လီၤ. ယကဂံၢ်ဃုာ်ပှၤဖလ့ၡသးဖိ, ပှၤထါယၢၣ်ဖိဒီး ပှၤကူၤၡးဖိလၢ ပှၤဝ့ၢ်ယရူၤၡလ့ၣ်အကျါန့ၣ်လီၤ.

လံာ်ယၡါယၤ 18:7

တၢ်ဆၢကတီၢ်ကဟဲဝဲဖဲယွၤသ့တၢ်လၢာ်ကစၢ်ကတူၢ်လိာ်တၢ် လုၢ်မၤဘူၣ်တဖၣ်လၢကီၢ်လၢအဘၣ်တၢ်နီၤဖးအီၤလၢထံ ကျိတဖၣ်, ကီၢ်လၢအဂံၢ်ဆူၣ်ဒီးအိၣ်ဒီးအစိကမီၤအံၤ, ပှၤလၢအနီၢ်ထီဒီးအဖံးဘျ့ဒီးဘၣ်တၢ်ပျံၤအီၤလၢ ဟီၣ်ခိၣ်ဒီဘ့ၣ်ညါအံၤ, အအိၣ်န့ၣ်လီၤ. အဝဲသ့ၣ်ကဟဲဆူကစၢၢ်စံယိၣ်ဖဲယွၤသ့တၢ်လၢာ်ကစၢ် ဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်ယၡါယၤ 43:6

ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယၡါယၤ 45:14

ယွၤစံးဘၣ်ကီၢ်အံၣ်စရ့လး, “ကီၢ်အဲၤကူပတူးဒီးကီၢ်ကူၤၡးအတၢ်ထူးတၢ်တီၤတဖၣ်ကမ့ၢ်နတၢ်, ဒီးပှၤစဘၤဖိလၢအနီၢ်ဒိၣ်ထီတဖၣ်ကမ့ၢ်နကုၢ်နပှၤတဖၣ်လီၤ. အဝဲသ့ၣ်ကပိာ်နခံလၢတၢ်စၢဃာ်အထးသွဲတဖၣ်အပူၤလီၤ. အဝဲသ့ၣ်ကတီၤလီၤကဒွံကျိာ်လၢနမဲာ်ညါဒီး အၢၣ်လီၤဝဲလၢ, ကစၢ်ယွၤအိၣ်ဒီးနၤ, အဝဲမ့ၢ်ကစၢ်ယွၤထဲတဂၤဧိၤန့ၣ်လီၤ.

လံာ်ယၡါယၤ 60:3

ပှၤကလုာ်တဖၣ်ကဘၣ်တၢ်ထုးန့ၣ်အီၤဆူနတၢ်ကပီၤအပူၤ, ဒီးစီၤပၤတဖၣ်ဆူနမုၢ်နံၤအသီအမုၢ်ဆ့ၣ်ဝါထီၣ်န့ၣ်လီၤ.

လံာ်ယၡါယၤ 60:6

ပှၤလဲၤတၢ်ဒီးကီၤလၤအူးဒီတဖုကဟဲလၢကီၢ်မံးဒယၣ် ဒီးကီၢ်ဧ့ၤဖၣ်လီၤ. အဝဲသ့ၣ်ကဟဲလၢကီၢ်ၡဘၤ, ကဟဲစိာ်ဃုာ်ထူဒီးတၢ်နၢမူလီၤ. ပှၤဂီၢ်မုၢ်ကစံးဘၣ်တဲဘၣ်တၢ်သးခုကစီၣ်လၢတၢ်လၢယွၤ မၤတ့ၢ်ဝဲအဂ့ၢ်န့ၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယံးရမံယၤ 13:23

ပှၤသူဖံးဖိတဂၤလဲလိာ်ကွံာ်အဖံးအလွဲၢ်မ့ၢ်ဂ့ၤ, ခ့စံၣ်ပိၣ်တဒုသုးကွံာ် အဖံးအကံၣ်ဃ့အဖျၢၣ်မ့ၢ်ဂ့ၤဘၣ်ကသ့ဧါ. အဝဲသ့ၣ်မၤဝဲမ့ၢ်သ့ဒီး နဲဒၣ်လၢအမၤထဲတၢ်အၢဒီးတမၤတၢ်အဂၤနီတမံၤဘၣ်န့ၣ်, မၤလိမၤတၢ်အဘၣ်ကသ့စ့ၢ်ကီးလီၤ.

လံာ်ယံးရမံယၤ 38:7

မ့ၢ်နာ်သက့ဒ်န့ၣ်ဒီး, ပှၤဒ့ဒံၣ်ဖိလၢ အမၤတၢ်လၢစီၤပၤအနူၢ်ပူၤ ပှၤကီၢ်ကူၤၡးဖိ စီၤဧ့ၤဘ့းမ့လ့းနၢ်ဟူဝဲလၢ အဝဲသ့ၣ်ဒၢနုာ်ယၤလၢ ထံပူၤန့ၣ်လီၤ. အခါဖဲန့ၣ်, စီၤပၤဆ့ၣ်နီၤစံၣ်ညီၣ်ဝဲ ကွီၢ်ဖဲဘံၣ်ယၤမံၣ်အတြဲၤန့ၣ်လီၤ.

လံာ်ယံးရမံယၤ 39:16

ယကတဲဘၣ်စီၤဧ့ၤဘ့းမ့လ့းလၢ, ယွၤသ့တၢ်လၢာ်, အံၣ်စရ့လးအကစၢ်ယွၤ စံးတ့ၢ်ဝဲဒ်အံၤ, ဒ်ယစံးတ့ၢ်လၢ ယကမၤအသိးန့ၣ်, ယကဒုးဘၣ် တၢ်ဟးဂီၤလၢ ဝ့ၢ်အံၤအလိၤဒီး တမ့ၢ်တၢ်ဘီၣ်တၢ်ညီဘၣ်လီၤ. ဖဲတၢ်အံၤမၤအသးန့ၣ်, နကအိၣ်ဖဲန့ၣ်လၢနကထံၣ်ဘၣ်အီၤ အဂီၢ်န့ၣ်လီၤ.

လံာ်စဖါနယၤ 3:10

ဒီးယပှၤဂီၢ်မုၢ်လၢအအိၣ်လီၤပြံလီၤပြါ လၢကီၢ်အယံၤဒ်ကီၢ်ကူၤၡးဒၣ်လဲာ်န့ၣ်ကဟဲစိာ်တၢ်လုၢ်တၢ်ပာ်တဖၣ် ဆူယအိၣ်န့ၣ်လီၤ.

လံာ်မးသဲ 12:42

လၢမုၢ်စံၣ်ညီၣ်အနံၤန့ၣ်ၡဘၤ အနီၢ်ပၤမုၣ်ကဂဲၤဆၢထၢၣ်ဒီး ပှၤတစိၤအံၤဒီးကစံၣ်ညီၣ်ဃၣ်အီၤလီၤ. အဂ့ၢ်ဒ်အံၤအဝဲဟဲဝဲလၢတၢ်ဒ့ၣ်စၢၤဖးယံၤ, ဒ်သိးအကဒိကနၣ်စီၤၡလိၤမိၤအတၢ်ကူၣ်ဘၣ်ကူၣ်သ့အတၢ်သိၣ်လီၤသီ လီၤတဖၣ်လီၤ. ယစံးဘၣ်တဲဘၣ်သု, တၢ်တမံၤလၢအဒိၣ်န့ၢ်ဒံးစီၤၡလိၤမိၤအိၣ်ဖဲအံၤလီၤ.”

လံာ်ယိၤဟၣ် 12:20

ပှၤတဖၣ်လၢအလဲၤထီၣ်ဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ် ဘါထီၣ်တၢ်အဂီၢ်ဖဲဘူၣ်အဆၢကတီၢ်အံၤအကျါန့ၣ်, ပှၤကြံးခ်ဖိအိၣ်ဝဲဒၣ်တနီၤန့ၣ်လီၤ.

မၤတၢ် 8:28

ဒီးဘၣ်လၢအက့ၤကဒါက့ၤဆူအဟံၣ်, ဒီးဒိးအလ့ၣ်ကဟၣ်ဒၣ်ဝဲန့ၣ်လီၤ. ဖဲအဝဲက့ၤလၢကျဲအခါ, ဖးဝဲလံာ်ဝံယၡါယၤန့ၣ်လီၤ.

လံာ်သိၣ်လီၤသီလီၤတၢ် 30:13

တအိၣ်စ့ၢ်ကီးဘၣ်လၢပီၣ်လဲၣ်အဝၢ်ဘးခီဘၣ်. တလိၣ်လၢသု ကဘၣ်သံကွၢ်, (မ့ၢ်မတၤကလဲၤခီဂာ်ပီၣ်လဲၣ်ဒီးဟဲက့ၤစိာ်န့ၢ် ပှၤဒ်သိးပကနၢ်ဟူဘၣ်အီၤဒီးစူၢ်အီၤကသ့လဲၣ်.) န့ၣ်ဘၣ်.

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.