မၤတၢ် 8:23 - Sgaw Karen Common Bible

²³ အဂ့ၢ်မ့ၢ်လၢယထံၣ်လၢနသးပှဲၤဒီးတၢ်သူၣ်က့ၣ်သးကါဒီးနတၢ် ဒဲးဘးအံၤဖီၣ်စၢဃာ်နၤဒ်ပှၤဃိာ်ဖိတဂၤအသိးအဃိလီၤ.”

မၤတၢ် 8:23 Iomraidhean Croise

လံာ်စီၤယိၤဘး 20:14

ဘၣ်ဆၣ်ဒီး တၢ်အီၣ်န့ၣ် ကကဲထီၣ်က့ၤတၢ်အခၣ်နးနးကလဲာ်လၢ အကဖုပူၤ, ခၣ်ဝဲဒ်ကယဲၢ်မ့ၢ်တၢ်စုၣ်တမံၤလၢ်လၢ်အသိးန့ၣ်လီၤ.

စံးထီၣ်ပတြၢၤ 116:16

ယွၤဧၢ, ယမ့ၢ်နခ့နပှၤလီၤ. ယမၤနတၢ်မၤဒ်ယမိၢ်မၤတ့ၢ်ဝဲအသိးန့ၣ်လီၤ. နအုၣ်က့ၤခီၣ်က့ၤတ့ၢ်လံယၤလၢတၢ်သံန့ၣ်လံ.

တၢ်ကတိၤဒိ. 5:22

ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ.

လံာ်ယၡါယၤ 28:22

နံၤဘၣ်ဖၣ်လဲတၢ်ဟ့ၣ်ပလီၢ်လၢယဟ့ၣ်လီၤနၤအံၤတဂ့ၤ. နမ့ၢ်မၤဒ်န့ၣ်ဒီး, နကပူၤဖျဲးအဂီၢ်ကမ့ၢ်တၢ်ကီဒိၣ်တက့ၢ်န့ၣ်လီၤ. ယနၢ်ဟူတ့ၢ်လံယွၤသ့တၢ်လၢာ်အတၢ်ပာ်လီၤအသးလၢကမၤ ဟးဂီၤထံကီၢ်ဒီဘ့ၣ်ညါန့ၣ်လီၤ.

လံာ်ယၡါယၤ 58:6

တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ.

လံာ်ယံးရမံယၤ 4:18

ကီၢ်ယူဒၤဧၢ, နဒုးလီၤဘၣ်က့ၤတၢ်အံၤဒၣ်နဲလၢနလိၤ, ခီဖျိကျဲလၢနအိၣ်မူတ့ၢ်ဒီးတၢ်တဖၣ်လၢနမၤတ့ၢ်နဲအဃိန့ၣ်လီၤ. နတၢ်ဒဲးဘးမ့ၢ်တၢ်အဂ့ၢ်လၢအဒုးအိၣ်ထီၣ်တၢ်နးတၢ်ဖှီၣ်အံၤလီၤ. တၢ်န့ၣ်မ့ၢ်တၢ်လၢအဆဲးဖျိတ့ၢ်နသးန့ၣ်လီၤ.

လံာ်ယံးရမံယၤ 9:15

လၢတၢ်န့ၣ်အဃိ, ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကမၤဝဲန့ၣ်တက့ၢ်. ယကဟ့ၣ် ယပှၤဂီၢ်မုၢ်တၢ်မုၢ်တၢ်ဘိအခၣ်တဖၣ်လၢကအီၣ်ဝဲအဂီၢ်, ဒီးစုၣ်လၢကအီဝဲအဂီၢ်န့ၣ်လီၤ.

လံာ်သးသယုၢ်တၢ် 3:19

တၢ်ဆိကမိၣ်ထီၣ်က့ၤယတၢ်ဆူးတၢ်ဆါဒီးဟံၣ်တအိၣ်ဃီ တအိၣ်ဘၣ်အဂ့ၢ်န့ၣ်လီၤဂာ်မးဒ်တၢ်စုၣ်တၢ်ပျၢ်အထံလၢအခၣ်ဒိၣ်မး အသိးလီၤ.

လံာ်သးသယုၢ်တၢ် 3:5

အဝဲဒုးဃာ်ယၤလၢတၢ်နးတၢ်ဖှီၣ်ဒီးတၢ်သူၣ်ကိၢ်သးဂီၤအဃိာ် ပူၤလီၤ.

လံာ်ယိၤဟၣ် 8:34

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်သုတီတီလိၤလိၤလီၤ. ပှၤတဂၤလၢ်လၢ်လၢအမၤတၢ်ဒဲးဘးန့ၣ်, မ့ၢ်တၢ်ဒဲးဘးအကုၢ် အပှၤလီၤ.”

အ့းဖ့းစူး 4:31

ပာ်တ့ၢ်ကွံာ်ကယဲၢ်မ့ၢ်တၢ်သးဆါ, တၢ်သူၣ်ထီၣ်သးထီၣ်, တၢ်သူၣ်ဒိၣ်သးဖျိး, တၢ်အ့ၣ်လိာ်ဆိးက့သီၣ်သီၣ်သဲသဲ, တၢ်ကတိၤဒုၣ်ဒွဲၣ်ဃုာ်ဒီးတၢ်သူၣ်ဟ့သးဟ့ကိးကလုာ်ဒဲး တက့ၢ်.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

ဧ့ၤဘြံၤ 12:15

ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.

၂ ပ့းတရူး 2:19

သရၣ်အဘျၣ်တဖၣ်အံၤအၢၣ်လီၤအဝဲသ့ၣ်လၢကဟ့ၣ် အီၤတၢ်သဘျ့, မ့မ့ၢ်အဝဲသ့ၣ်အကစၢ်ဒၣ်ဝဲတခီကဲကုၢ်လၢလုၢ်လၢ် အၢသီလၢအမၤဟးဂီၤတၢ်တဖၣ်အဖီလာ်, အဂ့ၢ်ဒ်လဲၣ်န့ၣ်, ပှၤတဂၤဂၤမ့ၢ်ဒိးမၢအသးလၢတၢ်တမံၤမံၤဒီးအဝဲဒၣ် ကဲထီၣ်တၢ်တမံၤန့ၣ်အကုၢ်လီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.