မၤတၢ် 8:20 - Sgaw Karen Common Bible

²⁰ စီၤပ့းတရူးစံးဆၢက့ၤအီၤ, “မ့ၢ်လၢနဆိကမိၣ်နဲလၢကစၢ်ယွၤ အတၢ်ဟ့ၣ်န့ၣ်နပှ့ၤအီၤလၢစ့ကန့ၢ်အဃိ, မ်နၤဒီးနစ့ကလီၤဒၣ်ဝဲဆူလရာ်ပူၤန့ၣ်တက့ၢ်.

မၤတၢ် 8:20 Iomraidhean Croise

တၢ်ကတိၤဒိ. 15:26

ယွၤသးဟ့တၢ်ဆိကမိၣ်အအၢအသီတဖၣ်လီၤ. မ့မ့ၢ်အဝဲဘၣ်အသးလၢတၢ်ဒီသိၣ်ဒီမှံၤအတၢ်ကတိၤအမုာ်တဖၣ်လီၤ.

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်ဒၤနံးယ့လး 5:17

ဒီးစီၤဒၤနံးယ့လးစံးဆၢတၢ်လၢစီၤပၤအမဲာ်ညါ, “ပာ်နတၢ်ဟ့ၣ်တဖၣ်လၢနဂီၢ်ဒၣ်နဲမ့တမ့ၢ်ဒီးဟ့ၣ်အီၤဆူပှၤအဂၤ တဂၤအအိၣ်တက့ၢ်. ယကဖးန့ၢ်နဲဒၣ်စီၤပၤလၢတၢ်ကွဲးတ့ၢ် အသးဒီးတဲဘၣ်နၤလၢအခီပညီတဖၣ်န့ၣ်လီၤ.

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

လံာ်မးသဲ 10:8

မၤဘျါပှၤဆူးပှၤဆါ, မၤမူထီၣ်က့ၤပှၤသံ, မၤကဆှီထီၣ်က့ၤပှၤလိၤတဂ့ၤတဖၣ်, ဒီးဟီထီၣ်ကွံာ်တၢ်နါတဖၣ်န့ၣ်တက့ၢ်. သုဒိးန့ၢ်ကလီလံတၢ်လံ, ဟ့ၣ်ကလီတၢ်သုဝဲတက့ၢ်.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

မၤတၢ် 1:18

(စ့လၢစီၤယူဒၤမၤန့ၢ်ဝဲခီဖျိအမၤတၢ်လၢအအၢတမံၤန့ၣ်, အဝဲဒၣ်ပှ့ၤန့ၢ်ဟီၣ်ခိၣ်တကဝီၤ, ဒီးလီၤတဲာ်ဆှိခိၣ်လၢအပူၤန့ၣ်လီၤ. အဟၢဖၢပိၢ်ဖးဒီးအပှံာ်အကဖုတဖၣ်လီၤလဲာ်ကွံာ်ခဲလၢာ်လီၤ.

မၤတၢ် 10:45

ပှၤယူဒၤဖိလၢအစူၢ်က့ၤနာ်က့ၤတၢ်လၢအဟဲဃုာ်ဒီးစီၤပ့းတရူး လၢဝ့ၢ်ယၤဖိၤတဖၣ်, ကမၢကမၣ်ဝဲလၢကစၢ်ယွၤလူလီၤဂၢ်လီၤအတၢ်ဟ့ၣ်ဘၣ်ဃးသး စီဆှံလၢပှၤကလုာ်ဂၤတဖၣ်အလိၤစ့ၢ်ကီးအဃိန့ၣ်လီၤ.

မၤတၢ် 11:17

အိၣ်ဖျါဝဲဒၣ်လၢကစၢ်ယွၤဟ့ၣ်ပှၤကလုာ်ဂၤသ့ၣ်တဖၣ်တၢ်ဟ့ၣ် တမံၤဃီလၢအဝဲဒၣ်ဟ့ၣ်ပှၤဖဲပအိၣ်ဒီးတၢ်နာ်လၢကစၢ်ယ့ၣ်ၡူးခရံာ်အပူၤန့ၣ်လီၤ. မ့မ့ၢ်ဒ်န့ၣ်ဒီး, ယမ့ၢ်မတၤတဂၤလၢကကျဲးစၢးတြီယွၤအကျဲန့ၣ်လဲၣ်.”

မၤတၢ် 2:38

စီၤပ့းတရူးစံးဘၣ်အဝဲသ့ၣ်, သုဝဲဒၣ်ကိးဂၤဒဲးသုဘၣ်ပီၢ်ယၢ်ဒီးဃၣ်လိၤက့ၤသုသးဆူယွၤ အအိၣ်, ဒီးသုဘၣ်ဒိးဘျၢသုသးလၢထံလၢယ့ၣ်ၡူးခရံာ်အမံၤအပူၤ, ဒ်သိးသုကဒိးန့ၢ်ဘၣ်တၢ်ပျၢ်သုတၢ်ဒဲးဘးဒီးကစၢ်ယွၤအတၢ်ဟ့ၣ် လၢအမ့ၢ်သးစီဆှံန့ၣ်လီၤ.

မၤတၢ် 8:19

ဒီးစံးဝဲ, “ဟ့ၣ်စ့ၢ်ကီးယၤတၢ်စိကမီၤတမံၤအံၤ, ဒ်သိးပှၤတဂၤလၢ်လၢ်လၢယပာ်ထီၣ်ယစုလၢအလိၤန့ၣ်, ကဒိးန့ၢ်ဘၣ်ဝဲသးစီဆှံအဂီၢ်န့ၣ်တက့ၢ်.”

မၤတၢ် 8:22

နအိၣ်ဒီးနတၢ်ကူၣ်အအၢတမံၤအံၤအဃိနဘၣ်ပီၢ်ယၢ်ဒီးဃၣ်လိၤ က့ၤနသး, ဒီးဃ့ထုကဖၣ်ကစၢ်လၢကပျၢ်နတၢ်ကမၣ်မ့ၢ်လၢ နဆိကမိၣ်ထီၣ်တၢ်ဒ်သိးအံၤအဃိန့ၣ်လီၤ.

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 7:26

က့ၤစိာ်တၢ်ဂီၤတၢ်ဖီၣ်တဖၣ်န့ၣ်နီတခါဆူသုဟံၣ်တဖၣ်အပူၤတ ဂ့ၤ. မ့တမ့ၢ်ဘၣ်ဒီးတၢ်ဆိၣ်အၢတမံၤဃီလၢအလီၤဘၣ်လၢအဝဲ သ့ၣ်အလိၤန့ၣ်ကလီၤဘၣ်လၢသုလိၤလီၤ. သုကဘၣ်သးဟ့ဒီးသးဘၣ်အၢတၢ်ဂီၤတၢ်ဖီၣ်တဖၣ်အံၤ မ့ၢ်လၢအဝဲသ့ၣ်အိၣ်လၢယွၤအတၢ်ဆိၣ်အၢအဖီလာ်အဃိန့ၣ်လီၤ.

၁ တံၤမသ့း 6:9

ဘၣ်ဆၣ်ဒီး, ပှၤလၢအသးအိၣ်ထူးထီၣ်တီၤထီၣ်တဖၣ်န့ၣ်, လီၤတဲာ်နုာ်လံဆူတၢ်လ့ပစီအပူၤဒီးဘၣ်တၢ်ဖီၣ်ဃာ်အီၤလၢ ပျံၤသကွီၤလၢအမ့ၢ်တၢ်သူၣ်လီသးကွံလၢအတဂိာ်တသီၣ် ဒီးမၤဘၣ်ဒိဘၣ်ထံးတၢ်တဖၣ်, လၢအထုးလီၤကွံာ်အဝဲသ့ၣ်ဆူတၢ်ဟးဂူာ်ဟးဂီၤဒီးတၢ်လီၤပှီၢ် န့ၣ်လီၤ.

ယၤကိာ် 5:3

သုထူဒီးစ့တဖၣ်ထီၣ်အ့ၣ်လံ, ဒီးတၢ်ထီၣ်အ့ၣ်အံၤကမ့ၢ်တၢ်အုၣ်သးထီဒါသုဒီးကအီၣ်ဂီၤကွံာ် သုညၣ်ဒ်မ့ၣ်အူအသိးလီၤ. သုပာ်ဖှိၣ်သုတၢ်ထူးတၢ်တီၤတဖၣ်လၢမုၢ်နံၤလၢခံကတၢၢ်တဖၣ် အံၤအဂီၢ်န့ၣ်လံ.

လံာ်လီၣ်ဖျါ 18:15

ပှၤပနံာ်တၢ်ကၤတၢ်ဖိလၢအထူးထီၣ်တီၤထီၣ်ခီဖျိအဖံး တၢ်မၤတၢ်ဖဲဝ့ၢ်တဖျၢၣ်န့ၣ်အပူၤတဖၣ်န့ၣ်, ကအိၣ်ဆၢထၢၣ် စီၤစိဝဲလၢအယံၤ, အဂ့ၢ်မ့ၢ်လၢအဝဲသ့ၣ်ဘၣ်ယိၣ်လၢအကတူၢ်ဘၣ်ဃုာ်တၢ်ဒီးအီၤ အဃိန့ၣ်လီၤ. အဝဲသ့ၣ်ကဟီၣ်ဒီးသူၣ်အုးသးအုးလၢအဃိ