မၤတၢ် 8:14 - Sgaw Karen Common Bible

¹⁴ တုၤပှၤတၢ်မၢဖိလၢဝ့ၢ်ယရူၤၡလ့ၣ်အပူၤတဖၣ်နၢ်ဟူဘၣ်ဝဲ လၢပှၤၡၤမရံဖိတဖၣ်တူၢ်လိာ်တ့ၢ်လံကစၢ်ယွၤကလုၢ်ကထါန့ၣ်ဒီး, ဆှၢလီၤစီၤပ့းတရူးဒီးစီၤယိၤဟၣ်လၢအကလဲၤဆူအဝဲသ့ၣ်အအိၣ်လီၤ.

မၤတၢ် 8:14 Iomraidhean Croise

လံာ်စီၤပၤအခီၣ်ထံးတဘ့ၣ် 13:32

တၢ်ကတိၤတဖၣ်လၢအဝဲကတိၤတ့ၢ်ဝဲဒ်ယွၤအတၢ်မၤလိာ်တ့ၢ်, ထီဒါတၢ်လုၢ်လီၢ်လၢဝ့ၢ်ဘ့ၤသ့လး, ဒီးထီဒါတၢ်ဘူၣ်တၢ်ဘါ ထီၣ်အလီၢ်တဖၣ်လၢကီၢ်ၡၤမရံအဝ့ၢ်တဖၣ်အပူၤန့ၣ်, ကလၢထီၣ်ပှဲၤထီၣ်သပှၢ်ကတၢၢ်န့ၣ်လီၤ.”

လံာ်မးသဲ 13:23

တၢ်ချံလၢအဘၣ်တၢ်ဖှံလီၤအီၤလၢဟီၣ်ခိၣ်လၢအဂ့ၤတဖၣ်, မ့ၢ်ပှၤလၢအနၢ်ဟူတၢ်ကစီၣ်ဒီးနၢ်ပၢၢ်ဝဲလီၤ. အဝဲသ့ၣ်သၣ်ထီၣ်ဝဲ, တနီၤအါန့ၢ်အလီၢ်အစးတကယၤ, တနီၤဃုဆံဒီးတနီၤသၢဆံလီၤ.”

လံာ်လူၤကၣ် 22:8

ယ့ၣ်ၡူးမၢလီၤစီၤပ့းတရူးဒီးစီၤယိၤဟၣ်ဒီးမၤလိာ်အဝဲသ့ၣ်ဒ်အံၤ, “လဲၤဒီးကတဲာ်ကတီၤပာ်ပဘူၣ်လဲၤကပာ်အတၢ်အီၣ်လၢ ပကအီၣ်အီၤအဂီၢ်န့ၣ်တက့ၢ်.”

လံာ်ယိၤဟၣ် 12:48

ပှၤတဂၤလၢ်လၢ်လၢအညိကွံာ်ယၤဒီးတတူၢ်လိာ်ယတၢ် ကစီၣ်ဘၣ်န့ၣ်, တၢ်လၢအကစံၣ်ညီၣ်အီၤအိၣ်ဝဲန့ၣ်လီၤ. တၢ်ကတိၤလၢယကတိၤတ့ၢ်လံတဖၣ်ကကဲထီၣ်တၢ်လၢ အကစံၣ်ညီၣ်အီၤလၢမုၢ်နံၤခံကတၢၢ်န့ၣ်လီၤ.

မၤတၢ် 11:1

ပှၤတၢ်မၢဖိဒီးပှၤစူၢ်က့ၤနာ်က့ၤတၢ်သကုၤကီၢ်ယူဒၤတဖၣ်, နၢ်ဟူဘၣ်ဝဲလၢပှၤကလုာ်ဂၤတဖၣ်စ့ၢ်ကီးဒိးန့ၢ်ဘၣ်လံကစၢ် ယွၤအကလုၢ်ကထါလံန့ၣ်လီၤ.

မၤတၢ် 15:4

ဖဲအဝဲသ့ၣ်လဲၤတုၤလၢဝ့ၢ်ယရူၤၡလ့ၣ်န့ၣ်, ဘၣ်တၢ်တူၢ်လိာ်ခီၣ်ဆၢအီၤလၢတၢ်အိၣ်ဖှိၣ်ဖိ, ပှၤတၢ်မၢဖိ, ဒီးပှၤသူၣ်က့သးပှၢ်တဖၣ်, ဒီးစံးဘၣ်တဲဘၣ်အဝဲသ့ၣ်ဘၣ်ဃးဒီး တၢ်ခဲလၢာ်လၢကစၢ်ယွၤမၤဝဲခီဖျိအဝဲသ့ၣ်န့ၣ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

မၤတၢ် 8:1

စီၤစီလူးအၢၣ်လီၤထွဲဝဲတၢ်မၤသံစီၤစတ့းဖၣ်န့ၣ်လီၤ. တနံၤဃီအဝဲန့ၣ်, တၢ်အိၣ်ဖှိၣ်လၢဝ့ၢ်ယရူၤၡလ့ၣ်အပူၤဘၣ်တၢ်စးထီၣ်မၤအၢမၤနး အီၤနးမးလီၤ. မ့တမ့ၢ်ဘၣ်လၢပှၤတၢ်မၢဖိတဖၣ်ဘၣ်ဒီး, ပှၤစူၢ်က့ၤနာ်က့ၤတၢ်ခဲလၢာ်လီၤပြံလီၤပြါဝဲသကုၤကီၢ်ယူဒၤ ဒီးကီၢ်ၡၤမရံန့ၣ်လီၤ.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၂ သ့းစၤလနံ 2:10

ဒီးကသူဝဲတၢ်အၢတၢ်သီအတၢ်လီန့ၢ်တၢ်လၢကျဲကိးဘိဒဲး ဒီးလီန့ၢ်ပှၤလၢအကတုၤဆူတၢ်ဟးဂီၤအပူၤခဲလၢာ်လီၤ. အဂ့ၢ်မ့ၢ်လၢ, အဝဲသ့ၣ်တသးခုတူၢ်လိာ်, ဒီးတပာ်လုၢ်ပာ်ပှ့ၤတၢ်မ့ၢ်တၢ်တီဒ်သိးကဘၣ်တၢ်အုၣ်က့ၤ ခီၣ်က့ၤအီၤအဂီၢ်ဘၣ်အဃိန့ၣ်လီၤ.