မၤတၢ် 8:11 - Sgaw Karen Common Bible

¹¹ အဝဲသ့ၣ်ဒိကနၣ်အီၤလၢတၢ်သးစၢၢ်ဆၢအပူၤ, အဂ့ၢ်မ့ၢ်လၢအဝဲဒၣ်ဒုးကမၢကမၣ်အဝဲသ့ၣ်ယံာ်တ့ၢ်မးခီဖျိ အတၢ်မၤကဒါပှၤမဲာ်န့ၣ်လီၤ.

မၤတၢ် 8:11 Iomraidhean Croise

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

မၤတၢ် 13:6

အဝဲသ့ၣ်လဲၤခီဂာ်ကီးဒီကီးညါပၢၢ်တုၤလၢဝ့ၢ်ပါပူး, ဖဲအဝဲသ့ၣ်ထံၣ်လိာ်အသးဒီးပှၤမၤကဒါပှၤမဲာ်, ပှၤယူဒၤဖိဝံအဘျၣ်တဂၤလၢအမံၤမ့ၢ်စီၤဘၢ်ယ့ၣ်ၡူးန့ၣ်လီၤ.

မၤတၢ် 8:9

ပှၤလၢတၢ်ကိးအမံၤလၢစီၤၡံမိၣ်တဂၤအိၣ်ဝဲဖဲဝ့ၢ်န့ၣ်အပူၤ, ဒီးအဝဲဒၣ်ဒုးကမၢကမၣ်တ့ၢ်ပှၤၡၤမရံဖိတဖၣ်ခီဖျိအတၢ်မၤ ကဒါပှၤမဲာ်န့ၣ်လီၤ. အဝဲဒၣ်စံးလီၤအသးလၢအမ့ၢ်ပှၤဖးဒိၣ်တဂၤလီၤ.

ကလၤတံ 3:1

ပှၤဟးဂီၤပှၤကလၤတံဖိသ့ၣ်ဧၢ, မ့ၢ်မတၤမၤကဒါသုမဲာ်တဂၤ လဲၣ်. သုဘၣ်တၢ်ပာ်ဖျါထီၣ်န့ၢ်သုဖျါဖျါဘၣ်ဃးဒီးယ့ၣ်ၡူးခရံာ် အတၢ်သံလၢထူၣ်စုညါအလိၤလီၤ.