မၤတၢ် 8:10 - Sgaw Karen Common Bible

¹⁰ ပှၤကိးဂၤဒဲး, စးထီၣ်လၢပှၤဒိၣ်ပှၤပှၢ်တုၤလီၤလၢပှၤပတီၢ်မုၢ်လၢဝ့ၢ်န့ၣ် အပူၤဒိကနၣ်အီၤလၢတၢ်သးစၢၢ်ဆၢအပူၤလီၤ. အဝဲသ့ၣ်တဖၣ်စံးဝဲလၢစီၤၡံမိၣ်မ့ၢ်ကစၢ်ယွၤအစိကမီၤလၢ အဘၣ်တၢ်ကိးအီၤလၢတၢ်စိကမီၤဖးဒိၣ်န့ၣ်လီၤ.

မၤတၢ် 8:10 Iomraidhean Croise

လံာ်ယံးရမံယၤ 31:34

ပှၤတလိၣ်လၢၤနီတဂၤလၢ ကသိၣ်လိအထံဖိကီၢ်ဖိ ကဒဲတဒဲလၢ ကသ့ၣ်ညါယွၤအဂီၢ်န့ၣ်ဘၣ်, အဂ့ၢ်ဒ်အံၤ ပှၤခဲလၢာ်, ပှၤအဆံးကတၢၢ်တုၤလၢ ပှၤအဒိၣ်ကတၢၢ်န့ၣ် ကသ့ၣ်ညါယၤလီၤ. ယကပျၢ်အဝဲသ့ၣ်အတၢ်ဒဲးဘးတဖၣ်ဒီး ယတသ့ၣ်နီၣ်လၢၤ အဝဲသ့ၣ် အတၢ်ကမၣ်တဖၣ်န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 42:1

အန့ၣ်ဒီး, သုးမုၢ်အခိၣ်အနၢ်ခဲလၢာ်, ဃုာ်ဒီးစီၤကါရ့ၤအဖိခွါ စီၤယိဃၤန့ၣ်, ဒီးစီၤဟိၤၡၤယၤအဖိခွါ စီၤယစါနယၤ ဟဲဝဲဒီး ပှၤဂီၢ်မုၢ်စးထီၣ်လၢ အဆံးကတၢၢ်ပၢၢ်တုၤလၢအဒိၣ်ကတၢၢ်,

လံာ်ယံးရမံယၤ 6:13

ပှၤကိးဂၤဒဲးဆံးမ့ၢ်ဂ့ၤ, ဒိၣ်မ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်လီၤ.

လံာ်ယံးရမံယၤ 8:10

လၢတၢ်န့ၣ်အဃိ, ယကဟ့ၣ်လီၤကွံာ်အဝဲသ့ၣ်အစံာ်ဧိၤပှဲၤဧိၤ တဖၣ်ဆူအကစၢ်အသီတဖၣ်အစုပူၤဒီးအဝဲသ့ၣ်အမါတဖၣ်ဆူ ပှၤပိာ်ခွါအဂၤတဖၣ်အအိၣ်န့ၣ်လီၤ. ပှၤကိးဂၤဒဲး, ဒိၣ်မ့ၢ်ဂ့ၤဆံးမ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်န့ၣ်လီၤ.

လံာ်ယိၤနါ 3:5

ဒီးပှၤနံၤနဝ့ဖိတဖၣ်နာ်ကစၢ်ယွၤအတၢ်ကစီၣ်လီၤ. လၢတၢ်န့ၣ်အဃိ, အဝဲသ့ၣ်ဘိးဘၣ်သ့ၣ်ညါတၢ်ဒုၣ်တၢ်အီၣ်, ဒီးပှၤခဲလၢာ်, ပှၤအဒိၣ်တုၤလၢပှၤအဆံးသိးထီၣ်ဆ့ကၤထၢၣ်သွ့ဒ်သိးကပာ်ဖျါ ထီၣ်ဝဲလၢအဝဲသ့ၣ်ပီၢ်ယၢ်လီၤက့ၤလံအသးန့ၣ်လီၤ.

မၤတၢ် 14:11

ဖဲပှၤဂီၢ်မုၢ်တဖၣ်ထံၣ်ဘၣ်တၢ်လၢစီၤပီလူးမၤတ့ၢ်ဝဲန့ၣ်, အဝဲသ့ၣ်ကိးပသူထီၣ်လၢပှၤလူၤကီၤနံဖိအကျိာ်ဒၣ်ဝဲဒီးစံး, “ယွၤတဖၣ်ဟဲလီၤဆူပအိၣ်, အိၣ်ဒီးပှၤကညီအက့ၢ်အဂီၤလီၤ.”

မၤတၢ် 28:6

အဝဲသ့ၣ်အိၣ်ခိးကွၢ်ဝဲလၢစီၤပီလူးကညိးထီၣ်မ့တမ့ၢ်ကလီၤ ဃံၤသံသတူၢ်ကလာ်လီၤ. ဘၣ်ဆၣ်ဒီးဖဲအခိးဝဲယံာ်ထီၣ်ဒီး တထံၣ်ဝဲတၢ်လီၤတိၢ်လီၤဆီမၤအသးဒီးအီၤနီတမံၤဘၣ်န့ၣ်, အဝဲသ့ၣ်အတၢ်ဆိကမိၣ်လဲလိာ်အသးဒီးစံးဝဲ, “အဝဲမ့ၢ်ယွၤတဂၤန့ၣ်လီၤ.”

1 ကရံၣ်သူး 1:24

ဘၣ်ဆၣ်ဒီးလၢပှၤလၢကစၢ်ယွၤကိးတ့ၢ်အီၤတဖၣ်, ပှၤယူဒၤဖိဒီးပှၤကလုာ်ဂၤခံဖုလၢာ်အဂီၢ်န့ၣ်, တၢ်ကစီၣ်အဝဲအံၤ မ့ၢ်ခရံာ်လၢအမ့ၢ်ကစၢ်ယွၤအစိကမီၤဒီးကစၢ်ယွၤအတၢ်ကူၣ်ဘၣ် ကူၣ်သ့န့ၣ်လီၤ.

၂ ကရံၣ်သူး 11:19

သုနီၢ်ကစၢ်ဒၣ်သုဝဲသုကူၣ်ဘၣ်ကူၣ်သ့ဒိၣ်မးဒီးလၢတၢ်န့ၣ် အဃိ, သုဝံသးစူၤပှၤအပျုၢ်တဖၣ်လၢတၢ်သးအိၣ်အပူၤလီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

၂ ပ့းတရူး 2:2

အန့ၣ်ဒၣ်လဲာ်, ပှၤအါဂၤကပိာ်ထွဲအဝဲသ့ၣ်အတၢ်ကလုာ်ကလိၤအကျဲ တဖၣ်အခံ, ဒီးလၢတၢ်လၢအဝဲသ့ၣ်မၤဝဲအဃိ, ပှၤဂၤတဖၣ်ကကတိၤအၢကတိၤသီတၢ်မ့ၢ်တၢ်တီအကျဲ န့ၣ်လီၤ.

လံာ်လီၣ်ဖျါ 13:3

တၢ်ဒူတၢ်ဃိၤအခိၣ်အကျါတဖျၢၣ်န့ၣ်အိၣ်ဖျါလၢအဘၣ်ဒိဘူးတ့ၢ်လၢ အကသံဘၣ်ဆၣ်အပူၤလီၢ်ဘျါက့ၤလံဝဲလံန့ၣ်လီၤ. ဟီၣ်ခိၣ်ဒီဘ့ၣ်ကမၢကမၣ်ဒီးပိာ်တၢ်ဒူတၢ်ဃိၤန့ၣ်အခံလီၤ.