မၤတၢ် 7:8 - Sgaw Karen Common Bible

⁸ အန့ၣ်ဝံၤကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်, ဒီးအပနီၣ်မ့ၢ်ဝဲ, တၢ်ကူးတရံးအလုၢ်အလၢ်န့ၣ်လီၤ. သတးဒီး, စီၤအၤဘြၤဟၣ်ကူးတရံးဝဲအဖိခွါစီၤအံၤစဲး, ဖဲအအိၣ်ဖျဲၣ်ထီၣ်ဝံၤဃိးသီတသီန့ၣ်လီၤ. စီၤအံၤစဲးမၤဝဲတၢ်တမံၤဃီန့ၣ်လၢအဖိခွါစီၤယၤကိာ် အဂီၢ်, ဒီးစီၤယၤကိာ်မၤစ့ၢ်ကီးဝဲတၢ်တမံၤဃီန့ၣ်လၢအဖိခွါ တဆံခံဂၤ, လၢအမ့ၢ်ပပှၤကလုာ်အပၢ်ဖးဒိၣ်, မံၤဟူသၣ်ဖျါလၢပျၢၤတဖၣ်အဂီၢ်န့ၣ်လီၤ.

မၤတၢ် 7:8 Iomraidhean Croise

လံာ်တၢ်ကဲထီၣ်အခီၣ်ထံး 29:31

ဒီးတုၤယွၤထံၣ်ဝဲဒၣ်လၢနီၢ်လ့ၤအၤဘၣ်တၢ်အဲၣ်အီၤစှၤန့ၢ် နီၢ်ရၤဃ့လးန့ၣ်မၤဝဲဒ်သိးနီၢ်လ့ၤအၤအိၣ်ဒီးအဖိကသ့ဝဲ အဂီၢ်န့ၣ်လီၤ. မ့မ့ၢ်, နီၢ်ရၤဃ့လးအိၣ်ဒံးဝဲဒ်ပှၤတူာ်ဖိအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 30:5

ဒီးနီၢ်ဘံၤလဟၤဒၢထီၣ်ဒီးဆံးစၢ်န့ၢ်အဖိခွါလၢစီၤယၤကိာ် အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:16

စီၤယၤကိာ်ဒီးအပှၤဟံၣ်ဖိဃီဖိတဖၣ်ဟးထီၣ်ကွံာ်လၢဝ့ၢ်ဘ့ၤ သ့လး, ဒီးဖဲအဝဲသ့ၣ်အိၣ်တယံၤကဲာ်ဆိးဒီးဝ့ၢ်ဖရၤသးဘၣ်အခါန့ၣ်, အဆၢကတီၢ်ဘၣ်ဝဲဒၣ်လၢနီၢ်ရၤဃ့လးကဆံးစၢ်အဖိ, ဒီးအဟုးကီဝဲလီၤ.

လံာ်တၢ်ကဲထီၣ်အခီၣ်ထံး 35:18

ဘၣ်ဆၣ်ဘူးလၢအကသံ, ဖဲအတၢ်သါလၢခံကတၢၢ်န့ၣ်, အဝဲယုၢ်န့ၢ်အဖိခွါအမံၤလၢစီၤဘံၣ်အိနံလီၤ. မ့မ့ၢ်အပၢ်ယုၢ်န့ၢ်အမံၤလၢစီၤဘံၣ်ယၤမံၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:34

စီၤအၤဘြၤဟၣ်အဖိခွါစီၤအံၤစဲးအိၣ်ဒီးအဖိခွါခံဂၤ, စီၤဧ့ၡီၤဒီးစီၤယၤကိာ်န့ၣ်လီၤ.

လံာ်မးသဲ 1:2

စးထီၣ်လၢစီၤအၤဘြၤဟၣ်တုၤလီၤလၢစီၤပၤဒၤဝံးန့ၣ်, ပှၤလၢအဟဲလီၤစၢၤတစိၤဘၣ်တစိၤမ့ၢ်ဒ်အဖီလာ်အသိးလီၤ. စီၤအၤဘြၤဟၣ်,

လံာ်ယိၤဟၣ် 7:22

စီၤမိၤၡ့မၢသုကူးတရံးသုဖိခွါတဖၣ်, အန့ၣ်ဒီးသုကူးတရံးဘၣ်ပိာ်ခွါဖိသၣ်လၢမုၢ်အိၣ်ဘှံးနံၤ န့ၣ်လီၤ. (ပှၤစးထီၣ်လုၢ်လၢ်အံၤမ့ၢ်သုပၢ်ဖးဒိၣ်လၢပျၢၤဒီး တမ့ၢ်စီၤမိၤၡ့ဘၣ်.)

မၤတၢ် 2:29

“ယဒီပုၢ်ဝဲၢ်သ့ၣ်ဧၢ, ယဘၣ်စံးဘၣ်သုလိၤလိၤဘၣ်ဃးပပၢ်ဖးဒိၣ်မံၤဟူသၣ်ဖျါစီၤပၤ ဒၤဝံးအဂ့ၢ်လီၤ. အဝဲဒၣ်သံဝဲဒီးဘၣ်တၢ်ခူၣ်လီၤကွံာ်အီၤ, ဒီးအသွၣ်ခိၣ်န့ၣ်အိၣ်ဒံးဒၣ်ဖဲအံၤတုၤမုၢ်မဆါတနံၤအံၤန့ၣ်လီၤ.

ရိမ့ၤ 4:10

တၢ်အံၤမၤအသးအခါဖဲလဲၣ်. မ့ၢ်အမၤအသးတချုးစီၤအၤဘြၤဟၣ်ဒိးတၢ်ကူးတရံးဧါ. မ့တမ့ၢ်လၢကူးတရံးအသးဝံၤအလီၢ်ခံဧါ. တချုးအဒိးတၢ်ကူး တရံး, ဒီးတမ့ၢ်လၢအကူးတရံးသးဝံၤအလီၢ်ခံန့ၣ်ဘၣ်.

ကလၤတံ 3:15

ယဒီပုၢ်ဝဲၢ်သ့ၣ်ဧၢ, ယကသူမုၢ်ဆ့ၣ်မုၢ်ဂီၤအတၢ်အဒိအတဲာ် တမံၤလီၤ. ဖဲပှၤခံဂၤအၢၣ်လီၤအီလီၤလိာ်အသးလၢတၢ်ဂ့ၢ် တမံၤဒီးဆဲးလီၤအမံၤလၢတၢ်အၢၣ်လီၤအီလီၤအဂီၢ်န့ၣ်, ပှၤမၤဟးဂီၤကွံာ်အီၤမ့ၢ်ဂ့ၤ, ပှၤဒၢနုာ်အါထီၣ်အီၤမ့ၢ်ဂ့ၤ တသ့နီတဂၤဘၣ်.

ကလၤတံ 3:17

တၢ်လၢယအဲၣ်ဒိးစံးန့ၣ်မ့ၢ်ဝဲ, ကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်ဒီး အၢၣ်လီၤအီလီၤလၢကမၤလၢပှဲၤဝဲလီၤ. တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤလၢခံ အနံၣ်လွံၢ်ကယၤသၢဆံန့ၣ်, မၤဟးဂီၤကွံာ်တၢ်အၢၣ်လီၤအီလီၤအဝဲန့ၣ်ဒီးကစၢ်ယွၤ အတၢ်စံးပာ်တသ့ဘၣ်.

ဧ့ၤဘြံၤ 7:4

အဝဲဒိၣ်ဝဲမုၢ်ဝဲဆံးအါလဲၣ်န့ၣ်သုသ့ၣ်ညါသ့ဝဲလီၤ. ပပၢ်ဖးဒိၣ်စီၤအၤဘြၤဟၣ်ဟ့ၣ်အီၤလၢတၢ်ခဲလၢာ်လၢ အဒိးန့ၢ်ဝဲလၢတၢ်ဒုးပျီပူၤအပူတဆံတပူန့ၣ်လီၤ.