မၤတၢ် 7:60 - Sgaw Karen Common Bible

⁶⁰ အန့ၣ်ဝံၤအဝဲဒၣ်ချံးလီၤအခီၣ်ဒီးကိးပသူထီၣ်လၢအကလုၢ်ဖးဒိၣ်, “ကစၢ်ဧၢ, ပျၢ်လၢ်အဝဲသ့ၣ်အတၢ်ကမၣ်အံၤတက့ၢ်.” အဝဲဒၣ်စံးတၢ်အံၤဝံၤအသးဟးထီၣ်ဝဲဒၣ်လီၤ.

မၤတၢ် 7:60 Iomraidhean Croise

လံာ်စီၤဧ့စြၤ 9:5

ဖဲဟါတၢ်လုၢ်တၢ်ပာ်အဆၢကတီၢ်တုၤဃီၤဝဲန့ၣ်, ယဆၢထၢၣ်လၢယတၢ်သူၣ်အုးသးအုးအလီၢ်, ဒီးလၢတၢ်ကူသိးဒံးဒၣ်ယဆ့ကၤတဖၣ်လၢအယာ်န့ၣ်, ယတီၤလီၤလၢတၢ်ထုကဖၣ်အပူၤဒီးယူာ်ထီၣ်ယစုတဖၣ်ဆူယွၤ, ယကစၢ်ယွၤအအိၣ်န့ၣ်လီၤ.

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်မးသဲ 27:52

တၢ်သွၣ်ခိၣ်အပူၤတဖၣ်အိးထီၣ်အသး, ဒီးကစၢ်ယွၤအပှၤဂီၢ်မုၢ်အါဒံ အါဂၤလၢအသံတ့ၢ်ဝဲတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤ အီၤလီၤ.

လံာ်မးသဲ 5:44

ဘၣ်ဆၣ်ဒီး အခဲအံၤယစံးဘၣ်သု, အဲၣ်သုဒုၣ်သုဒါဒီးဃ့ထုကဖၣ် ယွၤလၢပှၤလၢအမၤနးမၤဖှီၣ်သုတဖၣ်အဂီၢ်တက့ၢ်.

လံာ်လူၤကၣ် 22:41

အန့ၣ်ဝံၤဒီးအဝဲဒၣ်ဟးစီၤစုၤဒီးအဝဲသ့ၣ်ကဘၣ်တကွံာ်လၢၢ်, ဒီးတီၤလီၤဒီးဃ့ဘါထုကဖၣ်တၢ်လီၤ.

လံာ်လူၤကၣ် 23:34

ယ့ၣ်ၡူးစံးဝဲ, “ပၢ်ဧၢ, ပျၢ်အဝဲသ့ၣ်အတၢ်ကမၣ်တက့ၢ်. အဝဲသ့ၣ်မၤတၢ်မနုၤလဲၣ်န့ၣ်တသ့ၣ်ညါဝဲဘၣ်.” အဝဲသ့ၣ်နီၤဖးလီၤအဝဲဒၣ်အကူအသိးလၢအသကိးဒၣ်ဝဲ အကျါခီဖျိအဖီၣ်တၢ်ဖးလီၤ.

လံာ်လူၤကၣ် 6:28

ဆိၣ်ဂ့ၤပှၤသ့ၣ်တဖၣ်လၢအဆိၣ်အၢသု, ဒီးဃ့ဘါထုကဖၣ်တၢ်လၢ ပှၤမၤအၢမၤသီသုတဖၣ်အဂီၢ်တက့ၢ်.

လံာ်ယိၤဟၣ် 11:11

ယ့ၣ်ၡူးကတိၤတၢ်န့ၣ်တဖၣ်ဝံၤစံးကဒီးဝဲ, “ပတံၤသကိးစီၤလါစရူးတဂၤမံဘၣ်အသးလံ. ဘၣ်ဆၣ်ယကလဲၤဒီးထိၣ်ဂဲၤထၢၣ်အီၤန့ၣ်လီၤ.”

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

မၤတၢ် 20:36

ဖဲစီၤပီလူးကတိၤတၢ်ဝံၤန့ၣ်, အဝဲတီၤလီၤဃုာ်ဒီးအဝဲသ့ၣ်ကိးဂၤဒဲးဒီးဃ့ဘါထုကဖၣ် တၢ်လီၤ.

မၤတၢ် 21:5

ဘၣ်ဆၣ်ဒီးဖဲတၢ်ဆၢကတီၢ်ဘၣ်ဝဲန့ၣ်, ပဟးထီၣ်ဒီးလဲၤကဒီးတၢ်လီၤ. အဝဲသ့ၣ်ခဲလၢာ်ဃုာ်ဒီးအဖိအမါတဖၣ်လဲၤဆှၢလီၤပှၤဆူဝ့ၢ်အချၢ တုၤလၢထံကၢၢ်ခိၣ်ဒီးဖဲန့ၣ်, ပဝဲခဲလၢာ်ပတီၤလီၤဒီးဃ့ဘါထု ကဖၣ်တၢ်လီၤ.

မၤတၢ် 9:40

စီၤပ့းတရူးမၢပှၤကိးဂၤဒဲးဟးထီၣ်ကွံာ်ဆူတၢ်ချၢဝံၤ, ချံးလီၤအခီၣ်ဒီးဃ့ထုကဖၣ်ယွၤလီၤ. အန့ၣ်ဝံၤအဝဲဒၣ်ဃၣ်ဃီၤအသးဆူပှၤစိၣ်အအိၣ်ဒီးစံး, “နီၢ်တဘံၤသါဧၢ, ဂဲၤဆၢထၢၣ်တက့ၢ်.” ပိာ်မုၣ်န့ၣ်အိးထီၣ်အမဲာ်ဒီးတုၤအထံၣ်ဘၣ်စီၤပ့းတရူးန့ၣ်ဒီး, ဂဲၤထၢၣ်ဒီးဆ့ၣ်နီၤဝဲဒၣ်လီၤ.

1 ကရံၣ်သူး 11:30

လၢတၢ်ဂ့ၢ်အဝဲန့ၣ်အဃိ, သုဝဲအါဒံအါဂၤသုဂံၢ်စၢ်ဘါစၢ်, ဒီးဆူးဝဲဆါဝဲ, ဒီးတနီၤသံကွံာ်ဝဲဒၣ်န့ၣ်လီၤ.

1 ကရံၣ်သူး 15:18

အခီပညီကမ့ၢ်စ့ၢ်ကီးလၢပှၤစူၢ်က့ၤနာ်က့ၤခရံာ်လၢအသံ တ့ၢ်လံတဖၣ်န့ၣ်လီၤမၢ်ကွံာ်ဝဲဒၣ်လီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

1 ကရံၣ်သူး 15:51

ဒိကနၣ်တၢ်ဂ့ၢ်ဘၣ်ဃးတၢ်မ့ၢ်တၢ်တီလၢအမ့ၢ်တၢ်ခူသူၣ် တမံၤအံၤန့ၣ်တက့ၢ်. ပတသံပဝဲကိးဂၤဒဲးဘၣ်. မ့မ့ၢ်ဖဲကွဲၤသီၣ်ထီၣ်လၢခံကတၢၢ်န့ၣ်, ပကဘၣ်တၢ်လဲလိာ်ကွံာ်ပှၤလၢတစိၢ်ဖိအတီၢ်ပူၤ, ချ့သဒံးဒ်ပှၤဖျးပှၤမဲာ်ချံအသိးန့ၣ်လီၤ. အဂ့ၢ်ဒ်အံၤ, ဖဲကွဲၤသီၣ်ထီၣ်န့ၣ် ပှၤသံတဖၣ်ကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤ, ဒ်သိးအသုတသံလၢၤနီတဘျီတဂ့ၤ. ဒီးပဝဲကိးဒံကိးဂၤဒဲးပကဘၣ်တၢ်လဲလိာ်ကွံာ်ပှၤလီၤ.

1 ကရံၣ်သူး 15:6

အန့ၣ်ဝံၤအလီၢ်ခံအဝဲဒၣ်လီၣ်ဖျါထီၣ်အသးလၢအပျဲၢ်အဘီၣ် အါန့ၢ်အဂၤယဲၢ်ကယၤ, လၢတဘျီဃီအတီၢ်ပူၤဒီးပှၤသ့ၣ်တဖၣ် အံၤစှၤဂၤန့ၣ်, သံတ့ၢ်လံဝဲသနာ်က့အဝဲသ့ၣ်အါဒၣ်တၢ်တက့ၢ် အိၣ်မူအိၣ်ဂဲၤဒံးဝဲလီၤ.

၁ သ့းစၤလနံ 5:10

လၢအသံလၢပဂီၢ်ဒ်သိးဖဲအဝဲဒၣ်ဟဲက့ၤအခါန့ၣ်ပမူမ့ၢ်ဂ့ၤ, ပသံမ့ၢ်ဂ့ၤ, ပကအိၣ်ဘၣ်ဒီးအီၤတပူၤဃီအဂီၢ်န့ၣ်လီၤ.

၂ တံၤမသ့း 4:16

ဖဲယကတိၤဒီဒၣ်ယသးအဆိကတၢၢ်တဘျီန့ၣ်, ပှၤတဆၢထၢၣ်ဃုာ်ဒီးယၤနီတဂၤဘၣ်. ပှၤဟးသဒၣ်ကွံာ်ယၤခဲလၢာ်လီၤ. မ်ကစၢ်ယွၤအသုတပာ်တၢ်ကမၣ်လၢအဝဲသ့ၣ်အလိၤတဂ့ၤ.

၂ ပ့းတရူး 3:4

ဒီးကသံကွၢ်သု, “အဝဲအၢၣ်လီၤလၢကဟဲဝဲတမ့ၢ်ဘၣ်ဧါ. အဝဲအိၣ်ဖဲလဲၣ်. ပပၢ်တဖၣ်သံတ့ၢ်လံ, ဘၣ်ဆၣ်တၢ်ခဲလၢာ်မ့ၢ်ဒံးဒၣ်ဒ်တၢ်တ့လီၤဟီၣ်ခိၣ်လၢ အခီၣ်ထံးလံၤလံၤအသိးန့ၣ်လီၤ.”