မၤတၢ် 7:58 - Sgaw Karen Common Bible

⁵⁸ ဟီထီၣ်ကွံာ်အီၤဆူဝ့ၢ်အချၢ, ဒီးကွံာ်အီၤလၢလၢၢ်လီၤ. ပှၤအုၣ်အသးတဖၣ်ပာ်လီၤအဆ့ကၤဖီခိၣ်ဖဲပိာ်ခွါသးစၢ်လၢ အမံၤမ့ၢ်စီၤစီလူးတဂၤအခီၣ်ထံးလၢအကကွၢ်ထွဲပာ်ဝဲအဂီၢ် လီၤ.

မၤတၢ် 7:58 Iomraidhean Croise

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

လံာ်တၢ်ဂံၢ် 15:35

အန့ၣ်ဒီးယွၤစံးဘၣ်စီၤမိၤၡ့, “ပှၤတဂၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကမျၢၢ်အိၣ်သကိးတပူၤဃီတဖုကဘၣ်ကွံာ်သံအီၤလၢလၢၢ်ဖဲတၢ်သူၣ် ဒဲလီၢ်အချၢန့ၣ်လီၤ.”

လံာ်လူၤကၣ် 4:29

အဝဲသ့ၣ်ဂဲၤဆၢထၢၣ်, တွံၢ်ထီၣ်ကွံာ်ယ့ၣ်ၡူးဆူဝ့ၢ်အချၢ, ဒီးဆှၢအီၤဆူတၢ်လူၢ်ဖဲအဝဲသ့ၣ်အဝ့ၢ်အိၣ်သူၣ်ထီၣ်အသးလၢ အလိၤန့ၣ်အဒီခိၣ်လီၤ. အဝဲသ့ၣ်ပာ်လီၤအသးလၢအကတ့ၢ်လီၤဆှိခိၣ်အီၤလၢလ့အလိၤ,

မၤတၢ် 22:20

ဒီးဖဲပှၤအုၣ်အသးလၢနဂ့ၢ် စီၤစတ့းဖၣ်ဘၣ်တၢ်မၤသံ အီၤန့ၣ်, ယနီၢ်ကစၢ်ဒၣ်ယဲယအိၣ်ဖဲန့ၣ်, ယအၢၣ်လီၤထွဲပှၤ အတၢ်မၤသံအီၤ, ဒီးကွၢ်ထွဲပှၤမၤသံအီၤတဖၣ်အဆ့ကၤ ဖီခိၣ်န့ၣ်လီၤ.’

မၤတၢ် 22:23

အဝဲသ့ၣ်ကိးပသူကိးပသီ, ဝံၢ်ဝၢ်အကူအသိး ဒီးဖှံထီၣ်ဟီၣ်ခိၣ်ကမူၣ်ဆူမူခိၣ်လီၤ.

မၤတၢ် 22:4

ပှၤလၢအပိာ်ယ့ၣ်ၡူးခရံာ်အကျဲတဖၣ်န့ၣ်, ယမၤအၢမၤနးအီၤတုၤတၢ်မၤသံဒၣ်လဲာ်န့ၣ်လီၤ. ယဖီၣ်ဒီးဒၢနုာ်ပိာ်မုၣ်ပိာ်ခွါတဖၣ်ဆူဃိာ်ပူၤလီၤ.

မၤတၢ် 26:10

အဝဲအံၤမ့ၢ်တၢ်လၢယမၤတ့ၢ်ယဲဖဲဝ့ၢ်ယရူၤၡလ့ၣ်န့ၣ်လီၤ. ယဒိးန့ၢ်ဘၣ်တၢ်စိတၢ်ကမီၤလၢပှၤလုၢ်တၢ်အခိၣ်အဒိၣ်တဖၣ် အအိၣ်, ဒီးဒၢနုာ်ကစၢ်ယွၤအပှၤစီဆှံအါဂၤဆူဃိာ်ပူၤလီၤ. ဒီးဖဲအဝဲသ့ၣ်ဘၣ်တၢ်စံၣ်ညီၣ်သံအီၤန့ၣ်, ယပာ်ဖျါယတၢ်ဘၣ် ယသးစ့ၢ်ကီးန့ၣ်လီၤ.

မၤတၢ် 6:11

အန့ၣ်ဒီး, အဝဲသ့ၣ်သဆၣ်ထီၣ်ပှၤတနီၤအခံလၢတၢ်ခူသူၣ်ခူလံာ် အပူၤလၢအကအုၣ်အသးကဘျံးကဘျၣ်ဒီးစံး, “ပနၢ်ဟူဘၣ်တ့ၢ်လံအဝဲဒၣ်အတၢ်ကတိၤတရီတပါထီဒါစီၤမိၤၡ့ ဒီးကစၢ်ယွၤန့ၣ်လီၤ.”

မၤတၢ် 6:13

အန့ၣ်ဝံၤအဝဲသ့ၣ်ကိးနုာ်ဝဲပှၤတနီၤလၢကအုၣ်အသးကဘျံး ကဘျၣ်ထီဒါစီၤစတ့းဖၣ်ဒီးပှၤတဖၣ်န့ၣ်စံးဝဲ, “ပှၤတဂၤအံၤထီဘိန့ၣ်စံးကတိၤတၢ်ထီဒါပတၢ်လုၢ်ဟံၣ်စီ ဆှံဒီးတၢ်သိၣ်တၢ်သီလၢပန့ၢ်ဘၣ်ခီဖျိစီၤမိၤၡ့န့ၣ်လီၤ.

မၤတၢ် 7:57

အန့ၣ်ဒီးပှၤလၢအမ့ၢ်ကီၣ်ကးဖိတဖၣ်န့ၣ်ကိးပသူထီၣ်လၢ အကလုၢ်ဖးဒိၣ်ဒီးကးတံာ်ဃာ်အနၢ်လၢအစုဝံၤ, ဃ့ၢ်သဖှိဃီၤဝဲတဘျီဃီဆူအဝဲဒၣ်အအိၣ်,

မၤတၢ် 8:1

စီၤစီလူးအၢၣ်လီၤထွဲဝဲတၢ်မၤသံစီၤစတ့းဖၣ်န့ၣ်လီၤ. တနံၤဃီအဝဲန့ၣ်, တၢ်အိၣ်ဖှိၣ်လၢဝ့ၢ်ယရူၤၡလ့ၣ်အပူၤဘၣ်တၢ်စးထီၣ်မၤအၢမၤနး အီၤနးမးလီၤ. မ့တမ့ၢ်ဘၣ်လၢပှၤတၢ်မၢဖိတဖၣ်ဘၣ်ဒီး, ပှၤစူၢ်က့ၤနာ်က့ၤတၢ်ခဲလၢာ်လီၤပြံလီၤပြါဝဲသကုၤကီၢ်ယူဒၤ ဒီးကီၢ်ၡၤမရံန့ၣ်လီၤ.

လံာ်သိၣ်လီၤသီလီၤတၢ် 17:7

ပှၤအုၣ်အသးတဖၣ်ကဘၣ်တၢ်ကွံာ်ဆိအီၤလၢလၢၢ်တဖၣ်ဝံၤဒီးပှၤဂီၢ်မုၢ် အဂၤလၢအအိၣ်လီၤတဲာ်တဖၣ်ကကွံာ်အီၤလၢလၢၢ်န့ၣ်လီၤ. လၢကျဲအံၤန့ၣ်, သုကမၤပူၤဖျဲးသုသးဒီးတၢ်အၢတၢ်သီ တမံၤအံၤန့ၣ်လီၤ.