မၤတၢ် 7:49 - Sgaw Karen Common Bible

⁴⁹ ‘ကစၢ်ကစၢ်ယွၤစံးဝဲ, မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ်ယခီၣ်ယီၢ်လီၤတၢ်အလီၢ်လီၤ. သုကဘှီထီၣ်န့ၢ်ယၤလၢဟံၣ်ဒ်လဲၣ်တကလုာ်လဲၣ်. တၢ်လီၢ်လၢယကအိၣ်ကဆိးအဂီၢ်အိၣ်ဖဲလဲၣ်.

မၤတၢ် 7:49 Iomraidhean Croise

လံာ်စီၤပၤအခီၣ်ထံးတဘ့ၣ် 22:19

စီၤမံၤကါယၤစံးအါထီၣ်ကဒီးဝဲ, “ခဲအံၤဒိကနၣ်တၢ်လၢယွၤ စံးဝဲန့ၣ်တက့ၢ်. ယထံၣ်တ့ၢ်ယွၤဆ့ၣ်နီၤဝဲလၢအလီၢ်ပစိာ်အဖီခိၣ်လၢမူခိၣ်, အိၣ်ဒီးကယဲၢ်ကလူးခဲလၢာ်ဆၢထၢၣ်လၢအကပၤလီၤ.

လံာ်စီၤပၤအခီၣ်ထံးတဘ့ၣ် 8:27

ဘၣ်ဆၣ်ဒီးကစၢ်ယွၤဧၢ, မ့ၢ်နအိၣ်နဆိးနီၢ်နီၢ်လၢဟီၣ်ခိၣ်အံၤ ကသ့စ့ၢ်ကီးဧါ. ကယဲၢ်မူခိၣ်အလီၢ်ဒၣ်လဲာ်တလဲၢ်ဝဲလၢနကအိၣ်ကဆိးဘၣ်အဃိ, ယွၤအတၢ်လုၢ်ဟံၣ်လၢယဘှီ ထီၣ်အံၤတြီၢ်ဝဲလၢလၢလီၣ်လီၣ်လၢနဂီၢ်ကသ့ဒ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:18

ဘၣ်ဆၣ်ဒီး, အိကစၢ်ယွၤဧၢ, နအိၣ်နဆိးလၢဟီၣ်ခိၣ်ချၢလၢပှၤပိာ် ခွါတဖၣ်ဒီးပှၤပိာ်မုၣ်တဖၣ်အကျါ, ဘၣ်ကသ့နီၢ်နီၢ်ဧါ. ကယဲၢ်မူခိၣ်အလီၢ်ခဲလၢာ်ဒၣ်လဲာ်န့ၣ်, တလဲၢ်ဝဲတုၤကလၢဝဲလၢနကအိၣ်ကဆိးအဂီၢ်န့ၣ်ဘၣ်. လၢတၢ်န့ၣ်အဃိ, ယွၤအတၢ်လုၢ်ဟံၣ်လၢယသူၣ်ထီၣ်တ့ၢ်အီၤအံၤ, လဲၢ်ဝဲလၢလၢလီၣ်လီၣ်ကသ့ဒ်လဲၣ်.

စံးထီၣ်ပတြၢၤ 11:4

ယွၤအိၣ်ဝဲလၢအတၢ်လုၢ်ဟံၣ်စီဆှံအပူၤ, အိၣ်ဒီးအလီၢ်ပစိာ်လၢမူခိၣ်လီၤ. အဝဲကွၢ်လီၤဝဲပှၤဟီၣ်ခိၣ်ဖိခဲလၢာ် ဒီးကွၢ်ထံကွၢ်ဆးအတၢ်မၤတဖၣ်န့ၣ်လီၤ.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မးသဲ 23:22

ဖဲပှၤတဂၤဆိၣ်လီၤအသးလၢမူခိၣ်အမံၤန့ၣ်, အဝဲဆိၣ်လီၤအသးလၢကစၢ်ယွၤအလီၢ်ပစိာ်, ဒီးလၢယွၤလၢအဆ့ၣ်နီၤလၢအဖီခိၣ်အမံၤန့ၣ်လီၤ.

လံာ်မးသဲ 24:2

ဒီးယ့ၣ်ၡူးစံးဘၣ်အဝဲသ့ၣ်, “တၢ်တဖၣ်အံၤသုထံၣ်သုဝဲတမ့ၢ်ဘၣ်ဧါ. ယစံးဘၣ်တဲဘၣ်သုတၢ်မ့ၢ်တၢ်တီ, တၢ်သူၣ်ထီၣ်အလၢၢ်တဖၣ်အံၤကဘၣ်တၢ်မၤလီၤပှီၢ်ကွံာ်အီၤခဲလၢာ်, ဒီးတအိၣ်လၢၤလၢအလီၢ်ဒၣ်ဝဲနီတဖျၢၣ်လၢၤဘၣ်.”

လံာ်ယိၤဟၣ် 4:21

ယ့ၣ်ၡူးစံးဘၣ်အီၤ, “နာ်ယၤတက့ၢ်ပိာ်မုၣ်ဧၢ, တၢ်ဆၢကတီၢ် ကတုၤဝဲဖဲပှၤတဘူၣ်ထီၣ်ဘါထီၣ်ဘၣ်ပၢ်ယွၤလၢကစၢၢ်အံၤ အလိၤမ့ၢ်ဂ့ၤ, လၢဝ့ၢ်ယရူၤၡလ့ၣ်အပူၤမ့ၢ်ဂ့ၤန့ၣ်လၢၤဘၣ်.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.