မၤတၢ် 7:46 - Sgaw Karen Common Bible

⁴⁶ အဝဲဒၣ်ဒိးန့ၢ်ကစၢ်ယွၤအတၢ်ဘၣ်သူၣ်ဘၣ်သးသတးဒီး, ဃ့ဝဲလၢကစၢ်ယွၤကပျဲအဝဲဒၣ်ဘှီထီၣ်န့ၢ်တၢ်အိၣ်တၢ်ဆိး အလီၢ်တဖျၢၣ်လၢကစၢ်ယွၤလၢစီၤယၤကိာ်ဘါဝဲတဂၤန့ၣ် အဂီၢ်လီၤ.

မၤတၢ် 7:46 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:21

စီၤဒၤဝံးစံးဆၢဝဲဒၣ်, “ယဂဲၤကလံာ်ဒ်သိးယကမၤလၤကပီၤယွၤ, ပှၤလၢအဃုထၢထီၣ်ယၤလၢနပၢ်ဒီးအဟံၣ်ဖိ ဃီဖိအလီၢ်, ဒ်သိးကဒုးကဲထီၣ်ယၤအပှၤဂီၢ်မုၢ်အခိၣ်အနၢ်တဂၤ န့ၣ်လီၤ. ဒီးယကဂဲၤကလံာ်ဒံးဆူညါလၢတၢ်မၤလၤကပီၤယွၤအဂီၢ်,

စံးထီၣ်ပတြၢၤ 132:11

နမၤတ့ၢ်တၢ်အၢၣ်လီၤအီလီၤ သမှံၤသပှၢ်တမံၤဒီး စီၤဒၤဝံး တၢ်အၢၣ်လီၤတမံၤလၢ နတထုးကွံာ်အီၤဘၣ်န့ၣ်လီၤ. “ယကဒုးကဲထီၣ်နဖိခွါတဖၣ်အကျါ တဂၤလၢ စီၤပၤ, ဒီးအဝဲကပၢတၢ်လၢ နလီၢ်န့ၣ်လီၤ.

မၤတၢ် 13:22

ဒီးကစၢ်ယွၤထုးထီၣ်ကွံာ်အီၤလၢစီၤပၤအလီၢ်ဝံၤအလီၢ်ခံ, ဒုးကဲထီၣ်စီၤဒၤဝံးလၢအဝဲသ့ၣ်အစီၤပၤလီၤ. လၢစီၤဒၤဝံးအဂ့ၢ်န့ၣ်, ကစၢ်ယွၤစံးတ့ၢ်ဝဲဒ်အံၤ, ‘ယထံၣ်ဘၣ်တ့ၢ်ယဲလၢစီၤယံးၡဲအဖိခွါစီၤဒၤဝံးမ့ၢ်ပှၤလၢ အဘၣ်သူၣ်ဘၣ်သးယၤတကလုာ်, ပှၤတဂၤလၢအကမၤတၢ်လၢအဘၣ်ယသးခဲလၢာ်န့ၣ်လီၤ.’

လံာ်စီၤၡမူၤအ့လးအခီၣ်ထံးတဘ့ၣ် 13:14

မ့မ့ၢ်ခဲကနံၣ်အံၤနတၢ်ပၢတၢ်ပြးတလဲၤဆူညါတပယူာ်ဃီဘၣ်. အဂ့ၢ်ဒ်အံၤနတစူၢ်အီၤဘၣ်အဃိလီၤ. ယွၤကဃုန့ၢ်ပှၤတဂၤလၢအဝဲသးလီဝဲဒီးဒုးကဲထီၣ်အီၤလၢပှၤပၢဘၣ်အပှၤဂီၢ်မုၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:28

စီၤၡမူၤအ့လးစံးဘၣ်အီၤ, “ယွၤဖှီယာ်ကွံာ်ကီၢ်အံၣ်စရ့လး အဘီအမုၢ်ယံၤဒီးနၤလၢတနံၤအံၤဒီးဟ့ၣ်လီၤအီၤဆူပှၤအဂ့ၤ ဒိၣ်န့ၢ်အါန့ၢ်နၤတဂၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”