မၤတၢ် 7:44 - Sgaw Karen Common Bible

⁴⁴ ဖဲပမိၢ်ပၢ်ဖံဖုလၢပျၢၤတဖၣ်အိၣ်ဝဲလၢပှၢ်မုၢ်ကနၢအကတီၢ်န့ၣ်, အဝဲသ့ၣ်အိၣ်ဒီးတၢ်အုၣ်အသးအဒဲတဖျၢၣ်လီၤ. ဒဲအံၤဘၣ်တၢ်တ့တ့ၢ်အီၤဒ်ကစၢ်ယွၤစံးဘၣ်စီၤမိၤၡ့အသိး ဒီးဒ်အဒိလၢယွၤဒုးနဲၣ်တ့ၢ်စီၤမိၤၡ့အသိးန့ၣ်လီၤ.

မၤတၢ် 7:44 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:11

စီၤဒၤဝံးဟ့ၣ်ဃီၤစီၤၡလိၤမိၤလၢကယဲၢ်တၢ်တိာ်ကျဲၤတဖၣ်လၢ တၢ်သူၣ်ထီၣ်ယွၤအတၢ်လုၢ်ဟံၣ်ဒီးအဂၢၤတဖၣ်အဂီၢ်, လၢတၢ်ပာ်ဖှိၣ်အဒၢးတဖၣ်ဒီးကယဲၢ်ဒၢးအဂၤခဲလၢာ်အဂီၢ်ဒီးလၢ တၢ်အလီၢ်စီဆှံကတၢၢ်, ဖဲတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤအလီၢ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:19

စီၤပၤဒၤဝံးစံးဝဲ, “ကယဲၢ်တၢ်ခဲလၢာ်အံၤအိၣ်လၢတၢ်တိာ် ကျဲၤလၢတၢ်ကွဲးလီၤအီၤဒ်ယွၤအနီၢ်ကစၢ်ဒၣ်ဝဲသိၣ်လီၤမၤလိာ် ဒီးဟ့ၣ်လီၤယၤလၢယကမၤထွဲအီၤအပူၤအသိးန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 24:6

လၢတၢ်န့ၣ်အဃိ, အဝဲကိးနုာ်အဝဲသ့ၣ်အပှၤအခိၣ်စီၤယဟိယဒါဒီး ဃ့ဆူၣ်တၢ်စံးဝဲ, တၢ်ခိတၢ်သွဲလၢယွၤအခ့အပှၤစီၤမိၤၡ့ မၢပှၤဂီၢ်မုၢ်ဟ့ၣ်အီၤလၢတၢ်မၤစၢၤယွၤအိၣ်ဝဲဆိးဝဲအဒဲ အဂီၢ်န့ၣ်, ဘၣ်မနုၤလၢနတမၢပှၤလ့ၤဝံဖိတဖၣ်ထၢဖှိၣ်အီၤလၢကီၢ်ယူဒၤ ဒီးဝ့ၢ်ယရူၤရှလ့ၣ်အပူၤလဲၣ်.”

လံာ်တၢ်ဟးထီၣ်ကွံာ် 25:40

ပာ်သူၣ်ပာ်သးလၢသုကမၤအီၤဒ်တၢ်တိာ်ကျဲၤလၢယဒုးနဲၣ်တ့ၢ်သု လၢကစၢၢ်အလိၤန့ၣ်တက့ၢ်.

လံာ်တၢ်ဟးထီၣ်ကွံာ် 26:30

သူၣ်ထီၣ်ယွၤအဒဲစီဆှံဒ်တၢ်တိာ်ကျဲၤလၢယဒုးနဲၣ်သုလၢကစၢၢ် အလိၤအသိးန့ၣ်တက့ၢ်.

လံာ်တၢ်ဟးထီၣ်ကွံာ် 27:8

မၤတၢ်လုၢ်လီၢ်န့ၣ်လၢသ့ၣ်ဘ့ၣ်ဘၣ်တဖၣ်ဒီးပာ်လီၤကအိအီၤဒ်တၢ် တိာ်ကျဲၤလၢယဒုးနဲၣ်သုလၢကစၢၢ်ဒီခိၣ်အသိးန့ၣ်တက့ၢ်.

လံာ်တၢ်ဟးထီၣ်ကွံာ် 38:21

အအံၤမ့ၢ်တၢ်ကွဲးနီၣ်တမံၤဘၣ်ဃးဒီးစ့ဃါဃုာ်အနီၣ်ဂံၢ်တဖၣ် လၢဘၣ်တၢ်သူအီၤလၢယွၤအိၣ်ဝဲဆိးဝဲအဒဲစီဆှံအပူၤတၢ်လီၢ် ဖဲတၢ်ပာ်လၢၢ်ဘ့ၣ်ဘၣ်ခံဘ့ၣ်လၢတၢ်မၤလိာ်အထံၣ်တဆံအိၣ်ကွဲး အသိးလၢအလိၤန့ၣ်လီၤ. ဒ်စီၤမိၤၡ့ဟ့ၣ်လီၤအကလုၢ်အသိးတၢ်ကွဲးနီၣ်အံၤဘၣ်တၢ်မၤအီၤ လၢပှၤလ့ၤဝံဖိတဖၣ်လၢအမၤတၢ်လၢပှၤလုၢ်တၢ်အခိၣ်စီၤအၤဟရိၣ် အဖိခွါစီၤအံသမၢ်အတၢ်နဲၣ်ကျဲအဖီလာ်န့ၣ်လီၤ.

လံာ်တၢ်ဂံၢ် 10:11

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢကီၢ်အဲၤကူပတူး ဝံၤအလီၢ်ခံ, ခံနံၣ်တနံၣ်, လါခံလါတလါထီၣ်အသီခံဆံအနံၤန့ၣ်, တၢ်အၢၣ်လၢယွၤအိၣ်ဝဲဆိးဝဲအဒဲစီဆှံအဖီခိၣ်န့ၣ်သုးထီထီၣ်အသး,

လံာ်တၢ်ဂံၢ် 18:2

ဟဲကိးနုာ်နဘူးနတံၢ်တဖၣ်, ပှၤလ့ၤဝံဖိအဒူၣ်, လၢအကမၤတၢ်ဒီးနၤဒီးမၤစၢၤနၤဖဲနၤဒီးနဖိခွါတဖၣ်မၤတၢ် လၢဒဲစီဆှံအပူၤအခါတက့ၢ်.

လံာ်တၢ်ဂံၢ် 9:15

မုၢ်တနံၤဖဲယွၤအိၣ်ဝဲဆိးဝဲအဒဲစီဆှံဘၣ်တၢ်ထီထီၣ်အီၤ န့ၣ်, တၢ်အၢၣ်တလိၣ်ဟဲလီၤဒီးကျၢၢ်ဘၢဒဲစီဆှံန့ၣ်လီၤ.

ဧ့ၤဘြံၤ 8:2

အဝဲဒၣ်မၤတၢ်အခ့အပှၤအတၢ်မၤလၢတၢ်လီၢ်စီဆှံကတၢၢ်ဒီး လၢဒဲစီဆှံနီၢ်နီၢ်လၢအဘၣ်တၢ်သူၣ်ထီၣ်အီၤလၢကစၢ်ဒီး တမ့ၢ်ဘၣ်လၢပှၤကညီဘၣ်အပူၤန့ၣ်လီၤ.

ဧ့ၤဘြံၤ 8:5

အဝဲသ့ၣ်မၤတၢ်အခ့အပှၤအတၢ်မၤဒ်ပှၤလုၢ်တၢ်အခိၣ်တဖၣ် အသိးန့ၣ်, နီၢ်နီၢ်တခီမ့ၢ်ဒၣ်တၢ်လၢအမၤအသးလၢမူခိၣ်တၢ်လီၢ် စီဆှံအဒိဒီးအကဒုန့ၣ်လီၤ. တၢ်အဝဲအံၤဒ်သိးဒၣ်ဒီးတၢ်လၢအမၤအသးဒီးစီၤမိၤၡ့လီၤ. ဖဲစီၤမိၤၡ့ကဘှီထီၣ်တၢ်အၢၣ်လီၤအီလီၤအဒဲစီဆှံန့ၣ်ကစၢ်ယွၤ စံးဘၣ်အီၤဒီးစံးဝဲ, “ပလီၢ်နသးလၢနကသူၣ်ထီၣ်ဘှီထီၣ်တၢ်ခဲလၢာ်ဒ်တၢ်အဒိ လၢနဘၣ်တၢ်ဒုးနဲၣ်နၤလၢကစၢၢ်ဒီခိၣ်အသိးန့ၣ်တက့ၢ်.”

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်စီၤယိၤၡူ 3:14

မ့ၢ်ကူးဘုအကတီၢ်ဒီးထံကျိယၢ်ဒ့ၣ်အထံလုၣ်ဘၢအကၢၢ်နံၤန့ၣ်လီၤ. ဖဲပှၤဂီၢ်မုၢ်ဟးထီၣ်လၢသူၣ်ဒဲအလီၢ်လၢကခီဂာ်ယၢ်ဒ့ၣ်န့ၣ်, ပှၤလုၢ်တၢ်အခိၣ်တဖၣ်လဲၤလၢအဝဲ သ့ၣ်အမဲာ်ညါစိာ်ဃုာ်ဒီးတၢ်အၢၣ်လီၤအီလီၤအတလါန့ၣ်လီၤ.