မၤတၢ် 7:43 - Sgaw Karen Common Bible

⁴³ တၢ်လၢသုယိးန့ၣ်မ့ၢ်ကစၢ်မိၤလးအဒဲ ဒီး ရၣ်ဖၣ်ကစၢ်အဆၣ်လီၤ. တၢ်တဖၣ်န့ၣ်မ့ၢ်တၢ်ဂီၤတၢ်ဖီၣ်လၢသုမၤကဲထီၣ် လၢသုကဘါထီၣ်အီၤအဂီၢ်လီၤ. အန့ၣ်သတးဒီး, ယကမၢပှၤစိာ်ဖျိးကွံာ်သုဆူ တခီထံတခီကီၢ်, ယံၤန့ၢ်ကီၢ်ဘၤဘူၤလိၣ်တက့ၢ်လီၤ.’

မၤတၢ် 7:43 Iomraidhean Croise

လံာ်စီၤပၤအခီၣ်ထံးတဘ့ၣ် 11:7

လၢဝ့ၢ်ယရူၤၡလ့ၣ်မုၢ်ထီၣ်အကစၢၢ်ဒီခိၣ်န့ၣ်အဝဲမၤထီၣ်တၢ်လီၢ် တတီၤလၢကဘူၣ်ထီၣ်ဘါထီၣ်ကီၢ်မိၤအးအကစၢ်တဖၣ်လၢအလီၤသးဘၣ် အၢ, ကမိၣ်အဂီၢ်, ဒီးတၢ်လီၢ်တတီၤလၢကဘူၣ်ထီၣ်ဘါထီၣ်ကီၢ်ဧၣ်မိၣ်အကစၢ်လၢတၢ်လီၤ သးဘၣ်အၢမိလးအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:11

ကီၢ်အၤၡူၢ်အစီၤပၤဖးဒိၣ်က့ၤကိးပှၤအံၣ်စရ့လးဖိတဖၣ်ဆူ ကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤန့ၢ်ပှၤတနီၤအလီၢ်အိၣ်လီၢ်ဆိးလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကိစၣ်အကီၢ်ဆၣ်အပူၤ, ဒီးပှၤတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:6

အဝဲလုၢ်ထီၣ်အဖိခွါဒ်တၢ်လုၢ်မ့ၣ်အူအသိးန့ၣ်လီၤ. အဝဲမၤတၢ်ဒုၣ်တၢ်အဆၢအကတီၢ်, ဒီးတၢ်မၤကဒါမဲာ်ဒီးသံကွၢ်တၢ် လၢပှၤဖးတၢ်ဟဲဝံဟဲစိာ်တဖၣ်ဒီးပှၤသံအကလၤတဖၣ်, န့ၣ်လီၤ. အဝဲမၤဒဲးဘးတၢ်ထီဒါယွၤဒိၣ်မးဒီးထိၣ်ဂဲၤထီၣ် ယွၤအတၢ်သးကဲၤထီၣ်န့ၣ်လီၤ.

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်တၢ်ဘူၣ်ထီၣ်ဘါထီၣ် 18:21

ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်ဧၤမိၣ် 5:25

ကီၢ်အံၣ်စရ့လးအပှၤဂီၢ်မုၢ်ဧၢ, ယတဃ့သုလၢတၢ်လုၢ်တၢ်ပာ် တဖၣ်ဒီးတၢ်မၤဘူၣ်တဖၣ်, ဖဲယဆှၢတ့ၢ်သုခီဖျိပှၢ်မုၢ်ကနၢလၢအနံၣ်လွံၢ်ဆံအတီၢ်ပူၤ န့ၣ်ဘၣ်.