မၤတၢ် 7:42 - Sgaw Karen Common Bible

⁴² အန့ၣ်ဒီးကစၢ်ယွၤဃၣ်ကွံာ်အသးလၢအဝဲသ့ၣ်ဒီးဟ့ၣ်လီၤ ကွံာ်အီၤဆူတၢ်ဘူၣ်ထီၣ်ဘါထီၣ်ဆၣ်တဖၣ်လၢမူကပိာ်လိၤန့ၣ် အပူၤ, ဒ်တၢ်အိၣ်ကွဲးအသးလၢဝံတဖၣ်အလံာ်အပူၤအသိး, ‘ပှၤအံၣ်စရ့လးဖိသ့ၣ်ဧၢ, လၢအနံၣ်လွံၢ်ဆံအတီၢ်ပူၤ, ဖဲသုအိၣ်လၢပှၢ်မုၢ်ကနၢအကတီၢ်န့ၣ်, မ့ၢ်သုမၤသံဆၣ်ဖိကီၢ်ဖိ, ဒီးလုၢ်ထီၣ်ပာ်ထီၣ်အီၤဆူယအိၣ်စ့ၢ်ကီးဧါ.

မၤတၢ် 7:42 Iomraidhean Croise

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအဝဲအပၢ်စီၤဃံးစကံယၤမၤဟးဂီၤတ့ၢ်အီၤန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ် ဒီးမၤထီၣ်ကစၢ်မုၣ်အၡ့ရၤအဂီၤတခါ, ဒ်ကီၢ်အံၣ်စရ့လးအစီၤပၤအၤဃာ်မၤတ့ၢ်ဝဲအသိးန့ၣ်လီၤ. စီၤမနၤၡ့ၤဘါထီၣ်စ့ၢ်ကီးဆၣ်ဧိၤဖီဧိၤန့ၣ်လီၤ.

စံးထီၣ်ပတြၢၤ 95:10

ယသးဘၣ်အၢတ့ၢ်ပှၤတစိၤန့ၣ်လၢအနံၣ်လွံၢ်ဆံ အတီၢ်ပူၤလီၤ. ယစံး “အဝဲသ့ၣ်အကလုၢ်တတီဘၣ်ထဲလဲၣ် အဝဲသ့ၣ်ဂ့ၢ်လိာ်လၢ ကစူၢ်ယတၢ်မၤလိာ်တဖၣ်လီၤ.”

လံာ်ယၡါယၤ 43:23

နတဟဲစိာ်န့ၢ်ယၤသိဖိတဖၣ်လၢနတၢ်လုၢ်မ့ၣ်အူတဖၣ်အဂီၢ်န့ၣ်ဘၣ်. နတမၤလၤကပီၤယၤလၢနတၢ်လုၢ်တၢ်ပာ် တဖၣ်န့ၣ်ဘၣ်. ယတပာ်တၢ်ဝံတၢ်ယိးလၢနဖီခိၣ်ဒီးဃ့ဆူၣ်နၤ တၢ်မၤဘူၣ်တဖၣ်မ့ၢ်ဂ့ၤ, ယတမၤလီၤဘှံးလီၤတီၤကွံာ်နၤဒီးဃ့တၢ်ဆိၣ်ကဲၤနၢမူ မ့ၢ်ဂ့ၤန့ၣ်ဘၣ်.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယၡါယၤ 66:4

လၢတၢ်န့ၣ်အဃိ, ယကဟဲစိာ်တၢ်တတၢးတနါလၢအဝဲသ့ၣ် အဖီခိၣ်, တၢ်သ့ၣ်တဖၣ်လၢအဝဲသ့ၣ်ပျံၤဘၣ်ဝဲန့ၣ်လီၤ. မ့ၢ်လၢ, ဖဲယကိးထီၣ်န့ၣ်ပှၤတစံးဆၢနီတဂၤဘၣ်မ့ၢ်ဂ့ၤ, ဖဲယကတိၤတၢ်န့ၣ်, ပှၤတဒိကနၣ်နီတဂၤဘၣ်မ့ၢ်ဂ့ၤအဃိလီၤ. အဝဲသ့ၣ်ဃုထၢတ့ၢ်တၢ်တစူၢ်ယၤဒီးမၤတၢ်အၢတၢ်သီလီၤ.”

လံာ်ယံးရမံယၤ 19:13

ဝ့ၢ်ယရူၤၡလ့ၣ်အဟံၣ်တဖၣ်, ကီၢ်ယူဒၤအစီၤပၤတဖၣ်အဟံၣ်တဖၣ်, ဒီးသပှၢ်ကတၢၢ်ကယဲၢ်ဟံၣ်တဖၣ်လၢပှၤဆိၣ်ကဲၤတ့ၢ်တၢ်နၢမူလၢ အခိၣ်ဒုးအလိၤဆူဆၣ်တဖၣ်အအိၣ်, ဒီးတၢ်လီၢ်ဖဲစပံးထံဘၣ်တၢ် လူလီၤအီၤဒ်တၢ်လုၢ်တၢ်ပာ်တမံၤဆူကစၢ်အဂၤတဖၣ်အအိၣ်, အဝဲသ့ၣ်ခဲလၢာ်ကကဲထီၣ်တၢ်တကဆှီဘၣ်ဒ်တိဖ့းအသိးန့ၣ်လီၤ.”

လံာ်ယံးရမံယၤ 8:2

လၢတၢ်ကပာ်ဖှိၣ်ဒီးခူၣ်လီၤကွံာ်အီၤအလီၢ်န့ၣ်, အဝဲသ့ၣ်အဃံတဖၣ် ကအိၣ်ဒါလီၤအသးလၢဟီၣ်ခိၣ်အလိၤဒ်တၢ်အ့ၣ်တၢ်ဆံၣ်အသိး န့ၣ်လီၤ. ကအိၣ်ပြၤလီၤအသးလၢမုၢ်, လါ, ဒီးဆၣ်တဖၣ်, လၢပှၤဂီၢ်မုၢ်တဖၣ်အံၤအဲၣ်အီၤဒီးမၤအတၢ်မၤ, ဒီးမ့ၢ်တၢ်သ့ၣ်တဖၣ်လၢအဝဲသ့ၣ်ဃ့တၢ်ဟ့ၣ်ကူၣ်ဒီး ဘူၣ်ထီၣ်ဘါထီၣ်အီၤအမဲာ်ညါန့ၣ်လီၤ.

လံာ်ယဃ့းစက့လး 20:25

အန့ၣ်ဝံၤဒီးယဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါ အတၢ်သိၣ်တၢ်သီတဖၣ်လၢအတဂ့ၤ, ဒီးတၢ်မၤလိာ်တဖၣ်လၢအတဟဲစိာ်ဘၣ်တၢ်မူဘၣ်န့ၣ်လီၤ.

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.

လံာ်ဟိၤၡ့ 4:17

ကီၢ်အံၣ်စရ့လးအပှၤဂီၢ်မုၢ်အိၣ်လၢတၢ်ဂီၤတၢ်ဖီၣ်တဖၣ်အတၢ်ရဲၣ်သံ အဖီလာ်န့ၣ်လီၤ. ပျဲအဝဲသ့ၣ်လဲၤလၢအကျဲဒၣ်ဝဲန့ၣ်တက့ၢ်.

လံာ်ယိၤဟၣ် 6:45

ဝံတဖၣ်ကွဲးတ့ၢ်ဝဲ, ‘ပှၤခဲလၢာ်ကဘၣ်တၢ်သိၣ်လိအီၤလၢ ကစၢ်ယွၤလီၤ’ (ၡါ. ၅၄:၁၃). ကယဲၢ်ပှၤတဂၤလၢ်လၢ်လၢ အနၢ်ဟူပၢ်အတၢ်သိၣ်လိသီလိအီၤဒီးမၤလိတၢ်လၢ အီၤန့ၣ်, ဟဲဆူယအိၣ်လီၤ.

မၤတၢ် 13:40

လၢတၢ်န့ၣ်အဃိ, ပလီၢ်သုသးဒ်သိးတၢ်လၢဝံတဖၣ်စံးတ့ၢ်ဝဲန့ၣ်, အသုတမၤအသးဒီးသုတဂ့ၤအဂီၢ်န့ၣ်တက့ၢ်.

မၤတၢ် 7:36

အဝဲဒၣ်ထုးထီၣ်ကွံာ်ပှၤအံၣ်စရ့လးဖိတဖၣ်လၢကီၢ်အဲၤကူပတူး အပူၤဒီးမၤဝဲတၢ်လီၤလးဒီးတၢ်ပနီၣ်လီၤလးတဖၣ်လၢကီၢ် အဲၤကူပတူးအပူၤ, ဖဲပီၣ်လဲၣ်ဂီၤ, ဒီးလၢအနံၣ်လွံၢ်ဆံအတီၢ်ပူၤလၢပှၢ်မုၢ်ကနၢန့ၣ်လီၤ.

လံာ်သိၣ်လီၤသီလီၤတၢ် 17:3

ခီဖျိတၢ်ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်မ့ၢ်ဂ့ၤ, မုၢ်မ့ၢ်ဂ့ၤ, လါမ့ၢ်ဂ့ၤ, ဆၣ်တဖၣ်မ့ၢ်ဂ့ၤအတၢ်, တၢ်လၢအထီဒါလိာ်အသးဒီးယွၤအတၢ်မၤလိာ်န့ၣ်လီၤ.

လံာ်သိၣ်လီၤသီလီၤတၢ် 4:19

ပျဲသုဒိးဘၣ်တၢ်လ့ပစီသုလၢသုကဘူၣ်ထီၣ်ဘါထီၣ်ဒီးမၤတၢ် တဖၣ်လၢသုထံၣ်ဘၣ်အီၤလၢမူကပိာ်လိၤလၢအမ့ၢ်, မုၢ်, လါဒီးဆၣ်တဖၣ်, အတၢ်န့ၣ်တဂ့ၤ. ယွၤဟ့ၣ်လီၤတၢ်တဖၣ်အံၤ လၢကယဲၢ်ပှၤဂီၢ်မုၢ်အဂၤတဖၣ်အဂီၢ်ဒ်သိးကဘူၣ်ထီၣ်ဘါထီၣ်ဝဲန့ၣ်လီၤ.

ဧ့ၤဘြံၤ 3:9

ကစၢ်ယွၤစံးဝဲဒၣ်, အဝဲသ့ၣ်ထံၣ်တ့ၢ်လံတၢ်လၢယမၤတ့ၢ် လၢအနံၣ်လွံၢ်ဆံအတီၢ်ပူၤ နာ်သက့အဝဲသ့ၣ်မၤကွၢ်ဒံးယၤဖဲန့ၣ်လီၤ.

လံာ်စီၤယိၤၡူ 24:20

ဒီးသုမ့ၢ်လဲၤသဒၣ်အီၤလၢသုကမၤကစၢ်အဂၤတဖၣ်အတၢ်ဒီး, အဝဲကဃၣ်အသးထီဒါသုဒီးမၤအၢမၤနးသုလီၤ. လၢအပူၤကွံာ်အဝဲမ့ၢ်ဂ့ၤလၢသုဂီၢ်ဒၣ်လဲာ်, ကမၤဟးဂီၤသုန့ၣ်လီၤ.”