မၤတၢ် 7:34 - Sgaw Karen Common Bible

³⁴ ယထံၣ်ဘၣ်လံယပှၤဂီၢ်မုၢ်တဖၣ်တူၢ်ဘၣ်တၢ်နးတၢ်ဖှီၣ်လၢ ကီၢ်အဲၤကူပတူးပူၤနးဆံးဒိၣ်လဲၣ်န့ၣ်လီၤ. ယနၢ်ဟူတ့ၢ်အတၢ် ကအုကစွါဒီး ယဟဲလီၤလၢယကမၤထူၣ်ဖျဲးထီၣ်အဝဲသ့ၣ် အဂီၢ်လီၤ. ခဲကနံၣ်အံၤဟဲဃီၤဒီးယကမၢလီၤနၤဆူကီၢ် အဲၤကူပတူးအပူၤလီၤ.’

မၤတၢ် 7:34 Iomraidhean Croise

လံာ်တၢ်ကဲထီၣ်အခီၣ်ထံး 11:5

တုၤနုၤတစုယွၤဟဲလီၤဒ်သိးအကကွၢ်ဝ့ၢ်ဒီးတၢးထီခၢၣ်သနၢၣ် န့ၣ်လၢပှၤတဖၣ်န့ၣ်ဘှီထီၣ်တ့ၢ်ဝဲ,

လံာ်တၢ်ကဲထီၣ်အခီၣ်ထံး 11:7

မ်ပလဲၤလီၤသကိးဒီးမၤဃါဃုာ်ကွံာ်အကျိာ်ဒ်သိးတဖုဒီးတဖု အသုတနၢ်ပၢၢ်လိာ်အသးတဂ့ၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 18:21

ယကဘၣ်လဲၤလီၤဒီးဃုထံၣ်သ့ၣ်ညါလၢတၢ်ဆှိးထီၣ်တဖၣ်လၢယနၢ်ဟူ တ့ၢ်အံၤတီတတီန့ၣ်လီၤ.”

လံာ်စီၤနဃ့မယၤ 9:9

နထံၣ်တ့ၢ်လံပမိၢ်ပၢ်ဖံဖုလၢပျၢၤတဖၣ်တူၢ်ဘၣ်တၢ်လၢကီၢ်အဲၤ ကူပတူးအပူၤ, ဒီးနနၢ်ဟူတ့ၢ်လံအဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လၢ ပီၣ်လဲၣ်ဂီၤန့ၣ်လီၤ.

စံးထီၣ်ပတြၢၤ 105:26

အန့ၣ်ဒီး, အဝဲမၢလီၤအခ့အပှၤစီၤမိၤၡ့ ဒီးစီၤအၤဟရိၣ်လၢအဃုထၢတ့ၢ်ဝဲန့ၣ်လီၤ.

စံးထီၣ်ပတြၢၤ 106:44

အန့ၣ်ဒၣ်လဲာ်, ဖဲအဝဲသ့ၣ်ကိးထီၣ်န့ၣ် ယွၤနၢ်ဟူအဝဲသ့ၣ်ဒီး အဝဲပာ်သူၣ်ပာ်သးလၢ အဝဲသ့ၣ်အတၢ်ကိၢ်တၢ်ဂီၤန့ၣ်လီၤ.

စံးထီၣ်ပတြၢၤ 144:5

ယွၤဧၢ, မၤသကူးလီၤနမူခိၣ်ဒီးဟဲလီၤတက့ၢ်. ထိးကစၢၢ်ကလိတက့ၢ်. ဒီးမ့ၣ်အူလုၣ်ကခုၣ်ထီၣ်ဝဲလီၤ.

လံာ်တၢ်ဟးထီၣ်ကွံာ် 3:14

ဒီးကစၢ်ယွၤစံးဘၣ်စီၤမိၤၡ့, “ယမ့ၢ်တၢ်လၢယမ့ၢ်လီၤ. နကဘၣ်တဲဘၣ်အဝဲသ့ၣ်, ပှၤတဂၤလၢအကိးလီၤအသးလၢ ‘ယမ့ၢ်’ န့ၣ်ဆှၢလီၤယၤဆူသုအိၣ်န့ၣ်လီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

လံာ်ယၡါယၤ 64:1

နတအိးထီၣ်မူကပိာ်လိၤဒီးဟဲလီၤန့ၣ်ဘၣ်မနုၤအဃိလဲၣ်. ကစၢၢ်တဖၣ်ကထံၣ်ဘၣ်နၤဒီးကဟူးဝးဝဲလၢတၢ်ပျံၤတၢ်ဖုး အပူၤလီၤ.

လံာ်ဟိၤၡ့ 12:13

ယွၤဆှၢလီၤဝံတဂၤဒ်သိးကမၤထူၣ်ဖျဲးကီၢ် အံၣ်စရ့လးအပှၤဂီၢ်မုၢ်လၢတၢ်ကဲကုၢ်အလီၢ်လၢကီၢ်အဲၤ ကူပတူးအပူၤဒီးလၢကအံးထွဲကွၢ်ထွဲအဝဲသ့ၣ်အဂီၢ်လီၤ.

လံာ်မံကၤ 6:4

ယထုးထီၣ်ကွံာ်သုလၢကီၢ်အဲၤကူပတူးအပူၤဒီးပှ့ၤက့ၤသုလၢတၢ်မၢကဲကုၢ်, ယမၢလီၤစီၤမိၤၡ့, စီၤအၤဟရိၣ်ဒီးနီၢ်မံးရယၣ်လၢကဆှၢသုလီၤ.

လံာ်တၢ်ဂံၢ် 11:17

ယကဟဲလီၤဒီးကတိၤတၢ်ဒီးနၤဖဲန့ၣ်ဒီးယကဟံးန့ၢ်သးလၢယဟ့ၣ် လီၤတ့ၢ်နၤတနီၤဒီးဟ့ၣ်လီၤအီၤဆူအဝဲသ့ၣ်အအိၣ်န့ၣ်လီၤ. အန့ၣ်ဒီးအဝဲသ့ၣ်ကမၤစၢၤနၤလၢတၢ်စိာ်ထီၣ်မူဒါလၢပှၤဂီၢ် မုၢ်တဖၣ်အံၤအဂီၢ်, ဒီးနတဝံဘၣ်ယိးဘၣ်ထဲတဂၤဧိၤလၢၤဘၣ်.

လံာ်ယိၤဟၣ် 3:13

မ့တမ့ၢ်ဘၣ်လၢပှၤကညီဖိခွါယၤအံၤလၢအဟဲလီၤလၢမူခိၣ် ဘၣ်ဒီး, ပှၤတလဲၤထီၣ်ဘၣ်ဆူမူခိၣ်နီတဂၤဒံးဘၣ်.

လံာ်ယိၤဟၣ် 6:38

အဂ့ၢ်ဒ်လဲၣ်န့ၣ်, ယဟဲလီၤလၢမူခိၣ် ဒ်သိးယကမၤပှၤလၢအမၢလီၤယၤတဂၤအတၢ်ဘၣ်အသး ဒီးတမ့ၢ်တၢ်ဘၣ်ယသးဒၣ်ယဲအဂီၢ်န့ၣ်ဘၣ်.

လံာ်ပှၤစံၣ်ညီၣ်ကွီၢ် 2:18

ဖဲယွၤဟ့ၣ်လီၤပှၤအံၣ်စရ့လးဖိလၢခိၣ်နၢ်တဘျီလၢ်လၢ်န့ၣ်, ယွၤမၤစၢၤအီၤဒီးအုၣ်က့ၤခီၣ်က့ၤပှၤဂီၢ်မုၢ်လၢအဒုၣ်အဒါတဖၣ်အစုပူၤဖဲခိၣ်နၢ်တဂၤန့ၣ်အိၣ်မူဒံးဝဲအဆၢကတီၢ်န့ၣ်လီၤ. ယွၤသးကညီၤအဝဲသ့ၣ်မ့ၢ်လၢအဝဲသ့ၣ်ကအုကစွါဝဲလၢ အတၢ်နးတၢ်ဖှီၣ်ဒီးတၢ်မၤအၢမၤနးအပူၤအဃိန့ၣ်လီၤ.