မၤတၢ် 7:33 - Sgaw Karen Common Bible

³³ ကစၢ်ယွၤစံးဘၣ်အီၤ, ‘ဘ့ၣ်လီၤကွံာ်နခီၣ်ဖံးန့ၣ်တက့ၢ်. တၢ်လီၢ်လၢနအိၣ်ဆၢထၢၣ်လၢအဖီခိၣ်ခဲအံၤန့ၣ်မ့ၢ်ဝဲတၢ်လီၢ် စီဆှံအဃိလီၤ.

မၤတၢ် 7:33 Iomraidhean Croise

လံာ်တၢ်ဟးထီၣ်ကွံာ် 3:5

ဒီးကစၢ်ယွၤစံးဝဲဒၣ်, “သုးဘူးနသးဖဲအံၤတဂ့ၤ, ဃ့ၣ်လီၤကွံာ်နခီၣ်ဖံးတက့ၢ်. အဂ့ၢ်ဒ်အံၤ, တၢ်လီၢ်လၢနဆၢထၢၣ်လၢအဖီခိၣ်အံၤမ့ၢ်ဟီၣ်ခိၣ်စီဆှံလီၤ.

လံာ်ပှၤစံၣ်တဲၤတဲလီၤတၢ် 5:1

ပလီၢ်နသးလၢနတၢ်လဲၤဆူယွၤအတၢ်လုၢ်ဟံၣ်န့ၣ်တက့ၢ်. ဂ့ၤတက့ၢ်လၢနကလဲၤဖဲန့ၣ်လၢနကမၤလိန့ၢ်တၢ်အဂီၢ်အါန့ၢ်ဒံး တၢ်လဲၤလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဒ်ပှၤဟးဂီၤဖိတဖၣ်မၤ ဝဲအသိး, ပှၤတဖၣ်လၢအတသ့ၣ်ညါနီၤဖးတၢ်အဘၣ်ဒီးတၢ်အကမၣ်ဘၣ်န့ၣ်လီၤ.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်စီၤယိၤၡူ 5:15

ဒီးယွၤအသုးမုၢ်အခိၣ်စံးဘၣ်အီၤ, “ဘ့ၣ်လီၤကွံာ်နခီၣ်ဖံးတက့ၢ်. နဆၢထၢၣ်လၢတၢ်လီၢ်စီဆှံလီၤ.” ဒီးစီၤယိၤၡူမၤဝဲဒ်တၢ်စံးဘၣ်အီၤအသိးလီၤ.

၂ ပ့းတရူး 1:18

ပကစၢ်ဒၣ်ပဝဲပနၢ်ဟူတၢ်အကလုၢ်အံၤဟဲလီၤလၢမူခိၣ်, ဖဲပအိၣ်ဒီးအီၤလၢကစၢၢ်စီဆှံအဖီခိၣ်အဆၢကတီၢ်န့ၣ်လီၤ.