မၤတၢ် 7:30 - Sgaw Karen Common Bible

³⁰ စီၤမိၤၡ့အိၣ်ဝဲဖဲတၢ်လီၢ်န့ၣ်ပှဲၤထီၣ်အနံၣ်လွံၢ်ဆံဝံၤအလီၢ်ခံ, ဘၣ်တနံၤလၢပှၢ်မုၢ်ကနၢဘူးဒီးကစၢၢ်စံၤနါန့ၣ်, ကလူးတဂၤအိၣ်ဖျါထီၣ်လၢအမဲာ်ညါလၢမ့ၣ်အူလၣ် အပူၤ, ဖဲမ့ၣ်အူအီၣ်ထီၣ်တပှီာ်တလိၣ်အကတီၢ်န့ၣ်လီၤ.

မၤတၢ် 7:30 Iomraidhean Croise

လံာ်စီၤပၤအခီၣ်ထံးတဘ့ၣ် 19:8

စီၤအ့ၤလံယၤဂဲၤဆၢထၢၣ်, အီၣ်တၢ်အီတၢ်, ဒီးတၢ်အီၣ်တၢ်အီ ဟ့ၣ်ဂံၢ်ဟ့ၣ်ဘါအီၤလၢဝဲလၢကလဲၤတၢ်အသီလွံၢ်ဆံဆူကစၢၢ်စီ ဆှံစံၤနါန့ၣ်လီၤ.

စံးထီၣ်ပတြၢၤ 66:12

နပျဲပဒုၣ်ပဒါတဖၣ်ယီၢ်တံၢ်ပှၤ, ပလဲၤခီဖျိမ့ၣ်အူဒီးထံ, ဘၣ်ဆၣ်ခဲအံၤနဟဲစိာ်ပှၤဆူ တၢ်ပူၤဖျဲးအလီၢ်န့ၣ်လီၤ.

လံာ်တၢ်ဟးထီၣ်ကွံာ် 3:6

ယမ့ၢ်နပၢ်တဖၣ်အကစၢ်ယွၤ, စီၤအၤဘြၤဟၣ်အကစၢ်ယွၤ, စီၤအံၤစဲးအကစၢ်ယွၤဒီး, စီၤယၤကိာ်အကစၢ်ယွၤလီၤ.” ဒီးစီၤမိၤၡ့ကးဘၢအမဲာ်မ့ၢ်လၢအပျံၤဝဲဒၣ်လၢကကွၢ်ထီၣ်ဘၣ် ယွၤအဃိန့ၣ်လီၤ.

လံာ်တၢ်ဟးထီၣ်ကွံာ် 7:7

ဒီးဖဲအဝဲသ့ၣ်ကတိၤတၢ်ဒီးအဲၤကူပတူးအစီၤပၤအကတီၢ်န့ၣ်, စီၤမိၤၡ့အသးအိၣ်ဝဲဃိးဆံ, ဒီးစီၤအၤဟရိၣ်အသးအိၣ်ဝဲ ဃိးဆံသၢနံၣ်န့ၣ်လီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်ဒၤနံးယ့လး 3:27

ဒီးကီၢ်ဆၣ်အပဒိၣ်ပပှၢ်တဖၣ်, ကီၢ်စဲၣ်အပဒိၣ်ပပှၢ်တဖၣ်, ပှၤပၢတၢ်တဖၣ်, ဒီးစီၤပၤအပှၤကူၣ်လိာ်တၢ်အဂၤတဖၣ်ပာ်ဖှိၣ်ထီၣ်အသးလၢအက ကွၢ်ပှၤသၢဂၤလၢမ့ၣ်အူတမၤဆါဘၣ်အီၤဘၣ်န့ၣ်လီၤ. ဒီးထံၣ်ဝဲလၢအခိၣ်သူတကိၢ်ဃိာ်ဘၣ်နီတဘိဘၣ်. အတၢ်ကူတၢ်သိးတဖၣ်မ့ၣ်အူတအီၣ်ကွံာ်ဘၣ်ဒီး မ့ၣ်အူလုၢ်တနၢဘၣ်လၢအလိၤဘၣ်န့ၣ်လီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မၢ်ကူး 12:26

မ့မ့ၢ်တခီန့ၣ်, ပှၤကအိၣ်မူဒ်မူခိၣ်ကလူးတဖၣ်အသိးန့ၣ်လီၤ. တၢ်ဂ့ၢ်ဘၣ်ဃးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤန့ၣ်, မ့ၢ်သုတဖးဘၣ်လၢလံာ်မိၤၡ့အပူၤတၢ်ကွဲးတတီၤလၢအစံး တၢ်ဘၣ်ဃးတၤဆှုၣ်တပှီာ်တလိၣ် လၢမ့ၣ်အူအီၣ်အီၤအဂ့ၢ်န့ၣ်နီတဘျီဘၣ်ဧါ. လၢတၢ်ကွဲးဖဲန့ၣ်အပူၤကစၢ်ယွၤစံးဘၣ်စီၤမိၤၡ့, ‘ယမ့ၢ်စီၤအၤဘြၤဟၣ်အကစၢ်ယွၤ, စီၤအံၤစဲး အကစၢ်ယွၤဒီးစီၤယၤကိာ်အကစၢ်ယွၤလီၤ.’

လံာ်လူၤကၣ် 20:37

ဒီးစီၤမိၤၡ့အုၣ်အသးဖျါဖျါလၢပှၤသံတဖၣ်ဘၣ် တၢ်ဒုးဂဲၤဆၢထၢၣ်သမူထီၣ်က့ၤအီၤလီၤ. ဖဲတၢ်ကွဲးတတီၤလၢအ ဘၣ်ဃးဒီးသ့ၣ်တၤဆှုၣ်တခိၣ်လၢမ့ၣ်အူအီၣ်အီၤအပူၤန့ၣ်, အဝဲဒၣ်ကတိၤတၢ်ဘၣ်ဃးဒီးကစၢ်ဒ်အမ့ၢ်ဝဲ စီၤအၤဘြၤဟၣ် အကစၢ်ယွၤ, စီၤအံၤစဲးအကစၢ်ယွၤ, ဒီးစီၤယၤကိာ်အကစၢ်ယွၤလီၤ.

မၤတၢ် 7:17

တုၤအကတီၢ်ဘူးထီၣ်လၢကစၢ်ယွၤကမၤလၢထီၣ်ပှဲၤထီၣ်တၢ် အၢၣ်လီၤအီလီၤလၢအမၤတ့ၢ်ဝဲဒီးစီၤအၤဘြၤဟၣ်န့ၣ်, ပပှၤကလုာ်အိၣ်လၢကီၢ်အဲၤကူပတူးပူၤတဖၣ်အနီၣ်ဂံၢ်အါ ထီၣ်ဝဲဂီၢ်မုၢ်လီၤ.

မၤတၢ် 7:31

တၢ်လၢအထံၣ်ဘၣ်ဝဲန့ၣ်ဒုးလီၤကတုၤစီၤမိၤၡ့အသး, ဒီးတုၤအလဲၤဃီၤဘူးထီၣ်ဒီးတပှီာ်တလိၣ်လၢအကကွၢ်ထံကွၢ် ဆးတၢ်အဂီၢ်န့ၣ်ဒီး, နၢ်ဟူကစၢ်ယွၤအကလုၢ်လၢအစံးဝဲ,

မၤတၢ် 7:32

‘ယမ့ၢ်ယဲသုမိၢ်ပၢ်ဖံဖုလၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အကစၢ်ယွၤလီၤ.’ စီၤမိၤၡ့ပျံၤတၢ်ဒီးကနိးကစုာ်ဝဲ, ဒီးကွၢ်ဝဲတဘူၣ်လၢၤဘၣ်.

မၤတၢ် 7:35

စီၤမိၤၡ့မ့ၢ်ပှၤတဂၤဃီလၢအဘၣ်တၢ်ညိကွံာ်အီၤလၢပှၤ အံၣ်စရ့လးဖိခီဖျိတၢ်ကတိၤလၢအစံးဝဲ, ‘မ့ၢ်မတၤတဂၤဟ့ၣ်စိဟ့ၣ်ကမီၤနၤလၢနကပၢဘၣ်ဒီးစံၣ်ညီၣ်ပဝဲ ဒၣ်အံၤန့ၣ်လဲၣ်’ လီၤ. အဝဲမ့ၢ်ပှၤတဂၤဃီလၢကစၢ်ယွၤမၢလီၤအီၤလၢအကပၢဘၣ်ပှၤဂီၢ် မုၢ်ဒီးမၤထူၣ်ဖျဲးထီၣ်အီၤခီဖျိကလူးလၢအလီၣ်ဖျါထီၣ်အသး လၢတပှီာ်လၢမ့ၣ်အူအီၣ်အီၤတလိၣ်အပူၤတဂၤအတၢ်မၤစၢၤအီၤန့ၣ် လီၤ.

ကလၤတံ 4:25

နီၢ်ဟၤကၢ်, လၢအဘၣ်ထိၣ်သတြီၤအီၤဒီးကစၢၢ်စံၤနါလၢကီၢ်ဧ့ရ့းန့ၣ်, မ့ၢ်တၢ်ဒိတၢ်တဲာ်ဘၣ်ဃးမုၢ်မဆါတနံၤအံၤအဝ့ၢ် ယရူၤၡလ့ၣ်လီၤ. အဂ့ၢ်ဒ်အံၤအဝဲကဲကုၢ်ဒီးအဖိတဖၣ်လီၤ.

လံာ်သိၣ်လီၤသီလီၤတၢ် 33:16

မ်အဝဲသ့ၣ်အကီၢ်ကပှဲၤဝဲဒီးကယဲၢ်တၢ်လၢအဂ့ၤခဲလၢာ်, ဘၣ်တၢ်ဆိၣ်ဂ့ၤလၢယွၤ လၢအကတိၤလီၤတၢ်လၢသ့ၣ်တၤဆှုၣ် လၢမ့ၣ်အူအီၣ်အီၤအပူၤတဂၤအတၢ်ဂ့ၤတၢ်ဝါတက့ၢ်. မ်တၢ်ဆိၣ်ဂ့ၤတဖၣ်အံၤကလီၤဘၣ်လၢယိၤသး အဒူၣ်အလိၤ, မ့ၢ်လၢအဝဲမ့ၢ်ပှၤခိၣ်ပှၤနၢ်လၢအဒီပုၢ်ဝဲၢ်ခွါတဖၣ်အကျါအဃိန့ၣ်တက့ၢ်.

လံာ်သိၣ်လီၤသီလီၤတၢ် 4:20

မ့မ့ၢ်, သုမ့ၢ်ပှၤဂီၢ်မုၢ်လၢအဝဲအုၣ်က့ၤခီၣ်က့ၤဝဲလၢကီၢ် အဲၤကူပတူးတခီ, လၢဖၣ်ကပူၤလၢအကဲၤကပျီၤအပူၤန့ၣ်လီၤ. အဝဲထုးထီၣ်ကွံာ်သုဒ်သိးကဒုးကဲထီၣ်သုလၢအပှၤဂီၢ်မုၢ်ဒ်သု မ့ၢ်တၢ်တနံၤအံၤအသိးန့ၣ်လီၤ.