မၤတၢ် 7:26 - Sgaw Karen Common Bible

²⁶ လၢခံတနံၤအဝဲဒၣ်ထံၣ်ဘၣ်ပှၤအံၣ်စရ့လးဖိခံဂၤအ့ၣ်လိာ် အသး, ဒီးဂုာ်မၤဃူမၤဖိးက့ၤအဝဲသ့ၣ်န့ၣ်လီၤ. အဝဲဒၣ်စံးဝဲ, ‘တံၤသကိးသ့ၣ်ဧၢ, ကနၣ်တက့ၢ်. သုမ့ၢ်ဒီပုၢ်ဝဲၢ်တဖၣ်လီၤ. ဘၣ်မနုၤသုဘၣ်မၤဆူးမၤဆါလိာ်သုသးန့ၣ်လဲၣ်.’

မၤတၢ် 7:26 Iomraidhean Croise

လံာ်တၢ်ကဲထီၣ်အခီၣ်ထံး 13:8

ဒီးစီၤအၤဘြၣ်စံးဘၣ်စီၤလိာ်, “ပမ့ၢ်ပှၤဒီဘူးဒီတံၢ်လီၤ. နပှၤဒီးယပှၤတဖၣ်တကြၢးအ့ၣ်လိာ်ဆိးက့လိာ်အသးဘၣ်.

လံာ်တၢ်ကဲထီၣ်အခီၣ်ထံး 45:24

အဝဲဆှၢလီၤအဒီပုၢ်ဝဲၢ်ခွါတဖၣ်ဖဲအဟးထီၣ်န့ၣ်, ဒီးအဝဲစံးဘၣ်အဝဲသ့ၣ် “အ့ၣ်လိာ်သုသးလၢကျဲတဂ့ၤ.”

စံးထီၣ်ပတြၢၤ 133:1

ဒီပုၢ်ဝဲၢ်အိၣ်ဝဲဆိးဝဲလၢအသးတဖျၢၣ်ဃီအံၤ, ဂ့ၤဆံးဒိၣ်လဲၣ်, ဒီးမုာ်ဆံးဒိၣ်လဲၣ်ဆံးဒိၣ်လဲၣ်န့ၣ် ကွၢ်ကွၢ်တက့ၢ်.

တၢ်ကတိၤဒိ. 18:19

မၤစၢၤနဒီပုၢ်ဝဲၢ်ဒီးအဝဲဒၣ်ကကဟုကယာ်နၤဒ်ဝ့ၢ်အခိၣ်ဒူလၢ အအိၣ်ခၢၣ်သနၢၣ်တခါအသိးန့ၣ်လီၤ. ဘၣ်ဆၣ်နမ့ၢ်အ့ၣ်လိာ်ဆိးက့ လိာ်နသးဒီးအီၤဒီး, အဝဲဒၣ်ကကးတံာ်အတြဲၤတဖၣ်လၢနၤလီၤ.

လံာ်မးသဲ 14:22

အန့ၣ်ဝံၤဒီး, ယ့ၣ်ၡူးမၢအပျဲၢ်အဘီၣ်တဖၣ်ဒိးထီၣ်ချံ, ဒီးလဲၤဆိလၢအမဲာ်ညါဆူဝၢ်ဘးခီ, ဖဲအဝဲပျၢ်ကွံာ်ပှၤဂီၢ်မုၢ်တဖၣ်အခါန့ၣ်လီၤ.

မၤတၢ် 7:25

(အဝဲဒၣ်ဆိကမိၣ်ဝဲလၢအပှၤကလုာ်ဒၣ်ဝဲတဖၣ်ကနၢ်ပၢၢ်အီၤဒ် အမ့ၢ်ပှၤတဂၤလၢကစၢ်ယွၤကသူဝဲလၢအကမၤထူၣ်ဖျဲးထီၣ် အဝဲသ့ၣ်လၢတၢ်ကဲကုၢ်အလီၢ်အဂီၢ်, ဘၣ်ဆၣ်ဒီးအဝဲသ့ၣ်တနၢ်ပၢၢ်ဝဲဒ်န့ၣ်အသိးဘၣ်.)

ဖံလံးပံၤ 2:1

သုတၢ်အိၣ်မူလၢခရံာ်အပူၤမ့ၢ်တၢ်လၢအဟ့ၣ်ဂံၢ်ဟ့ၣ်ဘါသု, ဒီးအတၢ်အဲၣ်တၢ်ကွံမၤမုာ်ထီၣ်က့ၤသုလီၤ. သုအိၣ်ဒီးတၢ်ရ့လိာ်မုာ်လိာ်လၢယွၤအသး, ဒီးသုအိၣ်ဒီးတၢ်သး ကညီၤဒီးတၢ်သးအိၣ်မၤစၢၤတၢ်လၢတဂၤဒီးတဂၤအဂီၢ်န့ၣ်လီၤ.

ဖံလံးပံၤ 2:3

သုသုတမၤတၢ်နီတမံၤလၢသုသးဆူၣ်မၤန့ၢ်တၢ်လၢသုဘျုး အဂီၢ်ဒၣ်ဝဲမ့ၢ်ဂ့ၤ, သုကပာ်ကဖၢလၢသုသးအဂီၢ်မ့ၢ်ဂ့ၤန့ၣ်တဂ့ၤ. မ့မ့ၢ်ဆီၣ်လီၤသုသးလၢတဂၤဒီးတဂၤအဖီလာ်, ဒီးထီဘိန့ၣ်အိၣ်ဒီးတၢ်ဆိကမိၣ်လၢပှၤဂၤတဖၣ်ဂ့ၤန့ၢ်သု န့ၣ်တက့ၢ်.