မၤတၢ် 7:16 - Sgaw Karen Common Bible

¹⁶ အဝဲသ့ၣ်အစိၣ်တဖၣ်န့ၣ်ဘၣ်တၢ်က့ၤစိာ်အီၤဆူဝ့ၢ်ၡက့ၣ်, ဒီးဘၣ်တၢ်ခူၣ်လီၤအီၤလၢတၢ်သွၣ်ခိၣ်အပူၤ, လၢစီၤအၤဘြၤဟၣ်ပှ့ၤန့ၢ်တ့ၢ်လၢစ့နီၢ်လၢစီၤဃမိၢ်အဒူၣ်ဖိ ထၢဖိတဖၣ်အအိၣ်န့ၣ်လီၤ.

မၤတၢ် 7:16 Iomraidhean Croise

လံာ်တၢ်ကဲထီၣ်အခီၣ်ထံး 23:16

စီၤအၤဘြၤဟၣ်ဘၣ်သူၣ်ဘၣ်သးဒီးစီၤဝဲစ့ညၣ်အတယၢၢ်လၢစီၤဧ့ၤဖရိၣ် ယၢၤထီၣ်တ့ၢ်ဝဲဒ်ပှၤဂီၢ်မုၢ်နၢ်ဟူတ့ၢ်, စ့ညၣ်နီၢ်နီၢ်လွံၢ်ကယၤဒ်ပှၤကူၣ်တၢ်ကၤတၢ်တဖၣ်ပာ်ဝဲနီၣ်ထိၣ် နီၣ်တယၢၢ်အတီၤလၢအဝဲသ့ၣ်သူဝဲဒၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 23:4

“ယဲဒၣ်အံၤယမ့ၢ်ပှၤတခီဘီမုၢ်ဖိတဂၤလၢအအိၣ်ဆိးဖဲအံၤလၢ သုကျါလီၤ. ဆါန့ၢ်ယၤတၢ်လီၢ်တနီၤဒ်သိးယ ခူၣ်လီၤယမါကသ့အဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 35:19

ဖဲနီၢ်ရၤဃ့လးသံဝဲန့ၣ်, ဘၣ်တၢ်ခူၣ်လီၤအီၤဖဲကျဲလဲၤဆူ ဝ့ၢ်အ့ဖရးသးအကပၤလၢခဲအံၤဘၣ်တၢ်သ့ၣ်ညါအီၤလၢဝ့ၢ်ဘ့ၤသလ့ ဃ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:30

ယအဲၣ်ဒိးလၢယကဘၣ်တၢ်ခူၣ်လီၤယၤဖဲယပၢ်တဖၣ်ဘၣ်တၢ်ခူၣ်လီၤကွံာ် အီၤအလီၢ်န့ၣ်လီၤ. စိာ်ထီၣ်ကွံာ်ယၤလၢကီၢ်အဲၤကူပတူးအပူၤ, ဒီးခူၣ်လီၤယၤဖဲအဝဲသ့ၣ်ဘၣ်တၢ်ခူၣ်လီၤတ့ၢ်အီၤအလီၢ်န့ၣ်တက့ၢ်.” စီၤယိၤသးစံးဆၢဝဲ, “ယကမၤဒ်နစံးဘၣ်ယၤအသိးလီၤ.”

လံာ်တၢ်ကဲထီၣ်အခီၣ်ထံး 50:12

ဒီးစီၤယၤကိာ်အဖိခွါတဖၣ်မၤတ့ၢ်တၢ်ဒ်အပၢ်မၤလိာ်တ့ၢ်အ ဝဲသ့ၣ်အသိး,

လံာ်တၢ်ကဲထီၣ်အခီၣ်ထံး 50:13

အဝဲသ့ၣ်လဲၤစိာ်အစိၣ်ဆူကီၢ်ကနၤဧၣ်ဒီးခူၣ်လီၤကွံာ်အီၤလၢ လၢၢ်ကအိပူၤလၢအအိၣ်လၢမးကပ့လၤ, လၢဝ့ၢ်မးမရ့အမုၢ်ထီၣ်စံာ်ပျီအပူၤန့ၣ်လီၤ. တၢ်လီၢ်န့ၣ်မ့ၢ်စံာ်ပျီလၢစီၤအၤဘြၤဟၣ်ပှ့ၤတ့ၢ်ဝဲလၢပှၤဃ့ၤ သးဖိစီၤဧ့ၤဖရိၣ်အအိၣ်ဒ်တၢ်ခူၣ်လီၤကွံာ်ပှၤသံအဟီၣ်ခိၣ်န့ၣ် လီၤ.

လံာ်တၢ်ဟးထီၣ်ကွံာ် 13:19

ဒီးစီၤမိၤၡ့ဟံးထီၣ်စီၤယိၤသးအဃံတဖၣ်ဃုာ်ဒီးအီၤ, ဒ်စီၤယိၤသးမၤလိာ်တ့ၢ်ပှၤအံၣ်စရ့လးဖိတဖၣ်လၢကအၢၣ် လီၤအီၤသပှၢ်တၢၢ်လၢကမၤဝဲအသိးန့ၣ်လီၤ. စီၤယိၤသးစံးတ့ၢ်ဝဲဒၣ်, “တုၤကစၢ်ယွၤမၤပူၤဖျဲးသုန့ၣ်သုကဘၣ်စိာ်ကွံာ်ယနီၢ်ခိဃုာ်ဒီး သုလၢတၢ်လီၢ်အံၤန့ၣ်လီၤ.”

လံာ်စီၤယိၤၡူ 24:32

စီၤယိၤသးအစိၣ်လၢပှၤအံၣ်စရ့လးဖိဟဲစိာ်ထီၣ်ဝဲလၢကီၢ်အဲၤကူပတူးန့ၣ် ဘၣ်တၢ်ခူၣ်လီၤအီၤဖဲဝ့ၢ်ၡက့ၣ်, လၢဟီၣ်ခိၣ်တကဝီၤလၢစီၤယၤကိာ်ပှ့ၤန့ၢ်ဝဲလၢစ့ ညၣ်အဘ့ၣ်တကယၤလၢစီၤၡက့ၣ်အပၢ်, စီၤဃမိၢ်အဖိခွါတဖၣ်အစုပူၤန့ၣ်လီၤ. ဟီၣ်ခိၣ်အံၤကဲထီၣ်ဝဲ တၢ်န့ၢ်သါလၢစီၤယိၤသးအဖိတဖၣ်အဂီၢ်န့ၣ်လီၤ.