မၤတၢ် 7:15 - Sgaw Karen Common Bible

¹⁵ အန့ၣ်တစု, စီၤယၤကိာ်ဒီးအဒူၣ်ဖိထၢဖိခဲလၢာ်လဲၤလီၤဝဲဆူကီၢ် အဲၤကူပတူး, ဒီးအဝဲဒၣ်ဒီးပပၢ်ဖးဒိၣ်တဖၣ်သံဝဲဒၣ်ဖဲကီၢ်န့ၣ်အပူၤလီၤ.

မၤတၢ် 7:15 Iomraidhean Croise

လံာ်တၢ်ကဲထီၣ်အခီၣ်ထံး 46:1

စီၤယၤကိာ်ဘိၣ်ထီၣ်စှၢၤထီၣ်ကယဲၢ်တၢ်အိၣ်ဒီးအီၤခဲလၢာ်ဒီး လဲၤဝဲဆူဝ့ၢ်ဘ့ၢ်ၡဘၤ, ဖဲတၢ်လီၢ်လၢအလုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူအပၢ်စီၤအံၤ စဲးအကစၢ်ယွၤအအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:30

ယအဲၣ်ဒိးလၢယကဘၣ်တၢ်ခူၣ်လီၤယၤဖဲယပၢ်တဖၣ်ဘၣ်တၢ်ခူၣ်လီၤကွံာ် အီၤအလီၢ်န့ၣ်လီၤ. စိာ်ထီၣ်ကွံာ်ယၤလၢကီၢ်အဲၤကူပတူးအပူၤ, ဒီးခူၣ်လီၤယၤဖဲအဝဲသ့ၣ်ဘၣ်တၢ်ခူၣ်လီၤတ့ၢ်အီၤအလီၢ်န့ၣ်တက့ၢ်.” စီၤယိၤသးစံးဆၢဝဲ, “ယကမၤဒ်နစံးဘၣ်ယၤအသိးလီၤ.”

လံာ်တၢ်ကဲထီၣ်အခီၣ်ထံး 49:33

ဖဲစီၤယၤကိာ်ဟ့ၣ်လီၤအတၢ်သိၣ်လီၤသီလီၤတဖၣ်ဆူအဖိခွါတဖၣ် အအိၣ်ဝံၤန့ၣ်အဝဲမံလီၤကဒါက့ၤဒီးသံဝဲဒၣ်လီၤ.

စံးထီၣ်ပတြၢၤ 105:23

တုၤစီၤယၤကိာ်လဲၤဆူ ကီၢ်အဲၤကူပတူး ဒီးအိၣ်ဝဲဆိးဝဲဖဲ ကီၢ်န့ၣ်အပူၤလီၤ.

လံာ်တၢ်ဟးထီၣ်ကွံာ် 1:6

ဒီးလၢအကတီၢ်အါနံၣ်အါလါအပူၤန့ၣ်, စီၤယိၤသး, ဒီးအဒီပုၢ်ဝဲၢ်တဖၣ်, ဒီးကယဲၢ်ပှၤလၢအအိၣ်လီၤတဲာ်တစိၤဃီ ဒီးအဝဲသ့ၣ်ခဲလၢာ်န့ၣ်သံဝဲဒၣ်လီၤ.

လံာ်တၢ်ဟးထီၣ်ကွံာ် 13:19

ဒီးစီၤမိၤၡ့ဟံးထီၣ်စီၤယိၤသးအဃံတဖၣ်ဃုာ်ဒီးအီၤ, ဒ်စီၤယိၤသးမၤလိာ်တ့ၢ်ပှၤအံၣ်စရ့လးဖိတဖၣ်လၢကအၢၣ် လီၤအီၤသပှၢ်တၢၢ်လၢကမၤဝဲအသိးန့ၣ်လီၤ. စီၤယိၤသးစံးတ့ၢ်ဝဲဒၣ်, “တုၤကစၢ်ယွၤမၤပူၤဖျဲးသုန့ၣ်သုကဘၣ်စိာ်ကွံာ်ယနီၢ်ခိဃုာ်ဒီး သုလၢတၢ်လီၢ်အံၤန့ၣ်လီၤ.”

လံာ်တၢ်ဂံၢ် 20:15

ပမိၢ်ပၢ်ဖံဖုလၢပျၢၤတဖၣ်လဲၤနုာ်ဆူကီၢ်အဲၤကူပတူးဒ်လဲၣ်, တၢ်လီၢ်ဖဲပအိၣ်ဆိးတ့ၢ်လၢအါနံၣ်အါလါအတီၢ်ပူၤန့ၣ်လီၤ. ပှၤအဲၤကူပတူးဖိတဖၣ်မၤအၢမၤနးတ့ၢ်ပမိၢ်ပၢ်ဖံဖုတဖၣ်, ဒီးပဝဲဒၣ်

လံာ်သိၣ်လီၤသီလီၤတၢ် 10:22

ဖဲသုမိၢ်ပၢ်ဖံဖုလၢပျၢၤတဖၣ်လဲၤဆူကီၢ်အဲၤကူပတူးန့ၣ်, အဝဲသ့ၣ်အိၣ်ဒၣ်ထဲပှၤအဂၤနွံဆံဧိၤလီၤ. မ့မ့ၢ်ခဲကနံၣ်အံၤ ယွၤ, သုကစၢ်ယွၤမၤအါထီၣ်တ့ၢ်သုအါအါကလဲာ်ဒ်ဆၣ်ဧိၤဖီဧိၤလၢ မူကပိာ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 26:5

တုၤနုၤတစုလၢယွၤအမဲာ်ညါသုကဘၣ်ရူးထီၣ်တၢ်ကတိၤတဖၣ်ဒ်အံၤလီၤ. ‘ယပၢ်ဖးဒိၣ်လၢပျၢၤတဂၤလၢအမ့ၢ်ပှၤစူၤရံဖိလၢအဟးဝ့ၤဝီၤ န့ၣ်လဲၤကိးအဟံၣ်ဖိဃီဖိဆူကီၢ်အဲၤကူပတူးဒ်သိးကအိၣ်ဆိးဝဲလီၤ. အဝဲသ့ၣ်လဲၤဖဲန့ၣ်အခါအနီၣ်ဂံၢ်အိၣ်ထဲစှၤဂၤ, ဘၣ်ဆၣ်အဝဲသ့ၣ်ကဲထီၣ်ပှၤဖးဒိၣ်တကလုာ်လၢအဒိၣ်ဒီးအဂံၢ်အဘါဆူၣ်ဝဲန့ၣ်လီၤ.

လံာ်စီၤယိၤၡူ 24:32

စီၤယိၤသးအစိၣ်လၢပှၤအံၣ်စရ့လးဖိဟဲစိာ်ထီၣ်ဝဲလၢကီၢ်အဲၤကူပတူးန့ၣ် ဘၣ်တၢ်ခူၣ်လီၤအီၤဖဲဝ့ၢ်ၡက့ၣ်, လၢဟီၣ်ခိၣ်တကဝီၤလၢစီၤယၤကိာ်ပှ့ၤန့ၢ်ဝဲလၢစ့ ညၣ်အဘ့ၣ်တကယၤလၢစီၤၡက့ၣ်အပၢ်, စီၤဃမိၢ်အဖိခွါတဖၣ်အစုပူၤန့ၣ်လီၤ. ဟီၣ်ခိၣ်အံၤကဲထီၣ်ဝဲ တၢ်န့ၢ်သါလၢစီၤယိၤသးအဖိတဖၣ်အဂီၢ်န့ၣ်လီၤ.

လံာ်စီၤယိၤၡူ 24:4

ဒီးယဟ့ၣ်လီၤစီၤအံၤစဲးန့ၣ်လၢစီၤယၤကိာ်ဒီးစီၤဧ့ၡီၤ လီၤ. ယဟ့ၣ်လီၤစီၤဧ့ၡီၤလၢကစၢၢ်စ့ဧၢ်လၢအတၢ်န့ၢ်သါအဂီၢ်, မ့မ့ၢ်စီၤယၤကိာ်ဒီးအဖိအလံၤခဲလၢာ်လဲၤလီၤဆူအဲၤကူပတူး န့ၣ်လီၤ.