မၤတၢ် 7:14 - Sgaw Karen Common Bible

¹⁴ သတးဒီး, စီၤယိၤသးဆှၢလီၤတၢ်ကစီၣ်ဆူအပၢ်စီၤယၤကိာ် အအိၣ်ဒီးမၤလိာ်ဝဲလၢအဝဲဒၣ်ဒီးအဒူၣ်ဖိထၢဖိခဲလၢာ်ကဟဲ ဆူကီၢ်အဲၤကူပတူးလီၤ. ပှၤခဲလၢာ်အိၣ်ဝဲနွံဆံယဲၢ်ဂၤလီၤ.

မၤတၢ် 7:14 Iomraidhean Croise

လံာ်တၢ်ကဲထီၣ်အခီၣ်ထံး 45:13

တဲဘၣ်ယပၢ်လၢယမ့ၢ်ပှၤလၢအန့ၢ်စိန့ၢ်ကမီၤဖဲအံၤလၢကီၢ်အဲၤ ကူပတူးအပူၤထဲလဲၣ်, ဒီးတဲဘၣ်အီၤဘၣ်ဃးတၢ်ကိးမံၤဒဲးလၢသုထံၣ်တ့ၢ်တက့ၢ်. ဒီးမၤချ့ချ့ဒီးဟဲကိးအီၤဖဲအံၤတက့ၢ်.”

လံာ်တၢ်ကဲထီၣ်အခီၣ်ထံး 46:12

စီၤယူဒၤအိၣ်ဒီးအဖိခွါတဖၣ်လၢအမ့ၢ်ဝဲ, စီၤၡ့လၤ, စီၤဖ့ၤရ့းဒီးစီၤစ့ရၤလီၤ. (စီၤယူဒၤအဖိခွါအဂၤတဖၣ်လၢအမ့ၢ်ဝဲ, စီၤအ့ၢ်ဒီးစီၤအိၤနၣ်န့ၣ်သံလၢကီၢ်ကနၤဧၣ်အပူၤလီၤ.) ဒီးစီၤဖ့ၤရ့းအဖိခွါတဖၣ်မ့ၢ်ဝဲ, စီၤဃ့းစရိၣ်ဒီးစီၤဃမူ လီၤ.

စံးထီၣ်ပတြၢၤ 105:23

တုၤစီၤယၤကိာ်လဲၤဆူ ကီၢ်အဲၤကူပတူး ဒီးအိၣ်ဝဲဆိးဝဲဖဲ ကီၢ်န့ၣ်အပူၤလီၤ.

လံာ်တၢ်ဟးထီၣ်ကွံာ် 1:5

ဒီးကယဲၢ်ပှၤလၢအဟဲလီၤစၢၤလီၤသွဲၣ်တံၢ်နီၢ်လၢစီၤယၤကိာ် န့ၣ်အနီၣ်ဂံၢ်ခဲလၢာ်မ့ၢ်ဝဲအဂၤနွံဆံန့ၣ်လီၤ. မ့မ့ၢ်စီၤယိၤသးတခီအိၣ်ပာ်စၢၤလံလၢကီၢ်အဲၤကူပတူးအပူၤ န့ၣ်လီၤ.

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

လံာ်သိၣ်လီၤသီလီၤတၢ် 10:22

ဖဲသုမိၢ်ပၢ်ဖံဖုလၢပျၢၤတဖၣ်လဲၤဆူကီၢ်အဲၤကူပတူးန့ၣ်, အဝဲသ့ၣ်အိၣ်ဒၣ်ထဲပှၤအဂၤနွံဆံဧိၤလီၤ. မ့မ့ၢ်ခဲကနံၣ်အံၤ ယွၤ, သုကစၢ်ယွၤမၤအါထီၣ်တ့ၢ်သုအါအါကလဲာ်ဒ်ဆၣ်ဧိၤဖီဧိၤလၢ မူကပိာ်လိၤအသိးန့ၣ်လီၤ.