မၤတၢ် 7:10 - Sgaw Karen Common Bible

¹⁰ ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.

မၤတၢ် 7:10 Iomraidhean Croise

လံာ်တၢ်ကဲထီၣ်အခီၣ်ထံး 39:21

ဘၣ်ဆၣ်ယွၤအိၣ်ဒီးစီၤယိၤသးဒီးဆိၣ်ဂ့ၤအီၤလီၤ. ဒီးဃိာ်ဒိၣ်ဘၣ်သူၣ်ဘၣ်သးအီၤလီၤ.

လံာ်တၢ်ကဲထီၣ်အခီၣ်ထံး 42:6

ဒ်ကီၢ်အဲၤကူပတူးအပဒိၣ်ဖးဒိၣ်တဂၤအသိး, စီၤယိၤသးဆါလီၤဘုဧိၤဟုဧိၤဆူပှၤဂီၢ်မုၢ်လၢအအိၣ်လၢဟီၣ် ခိၣ်ချၢခဲလၢာ်န့ၣ်လီၤ. လၢတၢ်န့ၣ်အဃိစီၤယိၤသးအဒီပုၢ်ဝဲၢ်ခွါတဖၣ်ဟဲဒီးသကူးလီၤ အသးတုၤအကျးလီၤအမဲာ်လၢဟီၣ်ခိၣ်လိၤလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 44:18

စီၤယူဒၤလဲၤဆူစီၤယိၤသးအအိၣ်ဒီးစံးဝဲ, “ကစၢ်ဧၢ, ဝံသးစူၤပျဲယကတိၤတၢ်ဒီးနၤလၢတၢ်သဘျ့အပူၤတက့ၢ်. တဘၣ်သးထီၣ်ယၤတဂ့ၤ. နမ့ၢ်ပှၤဒ်စီၤပၤအကစၢ်ဒၣ်ဝဲ အသိးလီၤ.

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 8:50

ပျၢ်လၢ်အဝဲသ့ၣ်အတၢ်ဒဲးဘးဒီးအဝဲသ့ၣ်အတၢ်ပူထီၣ်ထီဒါနၤခဲ လၢာ်, ဒီးပျဲအဝဲသ့ၣ်အဒုၣ်အဒါတဖၣ်မၤဘၣ်အီၤလၢတၢ်သူၣ်ကညီၤသး ကညီၤအပူၤန့ၣ်တက့ၢ်.

စံးထီၣ်ပတြၢၤ 22:24

အဝဲတမ့ၢ်ပှၤလၢအကွၢ်ယပာ်ကွံာ်ပှၤဖှီၣ်ဖိယာ်ဖိ မ့တမ့ၢ်တပာ်သ့ၣ်ညါအသးလၢအဝဲသ့ၣ် အတၢ်နးတၢ်ဖှီၣ်န့ၣ်ဘၣ်. အဝဲတဃၣ်ဒူချၢအသးလၢအဝဲသ့ၣ်ဘၣ်, ဘၣ်ဆၣ်ဖဲအဝဲသ့ၣ်ကိးထီၣ်လၢ တၢ်မၤစၢၤအဂီၢ်န့ၣ်, အဝဲစံးဆၢဝဲဒၣ်လီၤ.”

စံးထီၣ်ပတြၢၤ 37:40

ယွၤမၤစၢၤအဝဲသ့ၣ်ဒီးမၤပူၤဖျဲးအဝဲသ့ၣ်လီၤ. ယွၤမၤပူၤဖျဲးအဝဲသ့ၣ်လၢပှၤအၢပှၤသီအစုပူၤ, အဂ့ၢ်မ့ၢ်လၢအဝဲသ့ၣ်ဟံးန့ၢ်တၢ်အိၣ်တဒၢအလီၢ် လၢအပူၤအဃိန့ၣ်လီၤ.

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

တၢ်ကတိၤဒိ. 2:6

ယွၤမ့ၢ်ဝဲပှၤလၢအဟ့ၣ်တၢ်ကူၣ်သ့, ဒီးတၢ်သ့ၣ်ညါဒီး တၢ်သူၣ်ဆးသးဆးဟဲလၢအအိၣ်လီၤ.

တၢ်ကတိၤဒိ. 3:4

နမ့ၢ်မၤတၢ်အံၤဒီး, ကစၢ်ယွၤဒီးပှၤကညီကသးမုာ်သးခုလၢနဃိ လီၤ.

လံာ်ယံးရမံယၤ 39:12

လဲၤဒီး ဃုထံၣ်န့ၢ် စီၤယံးရမံယၤဒီး ကွၢ်ထွဲအီၤဂ့ၤဂ့ၤတက့ၢ်. တဘၣ်မၤဆူးမၤဆါအီၤတဂ့ၤ. ဒီးတၢ်လၢအသးလီဝဲန့ၣ် မၤန့ၢ်အီၤခဲ လၢာ်တက့ၢ်.”

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

ယၤကိာ် 5:11

ပှၤလၢအသ့တူၢ်တၢ်န့ၣ်, ပကိးအီၤလၢပှၤဘၣ်ဆိၣ်ဂ့ၤလီၤ. သုနၢ်ဟူတ့ၢ်လံစီၤယိၤဘးအတၢ်သးစူၤအဂ့ၢ်, ဒီးသုသ့ၣ်ညါကစၢ်အတၢ်တိာ်ဒီးအတၢ်ဆိၣ်ဂ့ၤအီၤလၢခံ ကတၢၢ်ဒ်လဲၣ်အဂ့ၢ်န့ၣ်လီၤ. အဂ့ၢ်ဒ်လဲၣ်န့ၣ်ကစၢ်ပှဲၤဝဲဒီးတၢ်သးကညီၤဒီးတၢ်သူၣ်အိၣ်သး အိၣ်န့ၣ်လီၤ.

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.