မၤတၢ် 6:9 - Sgaw Karen Common Bible

⁹ ဘၣ်ဆၣ်ဒီးပှၤအိၣ်ဝဲတနီၤလၢအဂဲၤဆၢထၢၣ်ထီဒါအီၤလီၤ. အဝဲသ့ၣ်မ့ၢ်ပှၤကရၢဖိဘၣ်ဃးဒီးပှၤသဘျ့ဖိအဘူၣ်ဘျီၣ် (ဒ်အဘၣ်တၢ်ကိးအီၤအသိး) ဒီးမ့ၢ်ပှၤယူဒၤဖိအိၣ်လၢဝ့ၢ်ကူၤ ရ့ၤန့ဒီးဝ့ၢ်အလ့းစၣ်ဒြ့းတဖၣ်အပူၤလီၤ. အဝဲသ့ၣ်အံၤဒီးပှၤယူဒၤဖိအဂၤတဖၣ်လၢအအိၣ်လၢကီၢ်ကံၤလံၤ ကံဒီးကီၢ်အၤစံန့ၣ်, ကတိၤဂ့ၢ်လိာ်တၢ်ဒီးစီၤစတ့းဖၣ်လီၤ.

မၤတၢ် 6:9 Iomraidhean Croise

လံာ်မးသဲ 10:17

ပလီၢ်သုသးတက့ၢ်. အဂ့ၢ်ဒ်အံၤ ပှၤကအိၣ်ဝဲတနီၤလၢကဖီၣ်န့ၢ်သု ဒီးဆှၢထီၣ်သုဆူတၢ်ဘူၣ်တၢ်ဘါခိၣ်နၢ်တဖၣ်အကီၣ်ကးဒီးပှၤတဖၣ် န့ၣ်ကတီၢ်သုလၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤလီၤ.

လံာ်မးသဲ 23:34

လၢတၢ်န့ၣ်အဃိ, ယစံးဘၣ်သုလၢယကဆှၢလီၤန့ၢ်သုလၢဝံ တဖၣ်, ပှၤကူၣ်ဘၣ်ကူၣ်သ့တဖၣ်, ဒီးသရၣ်သိၣ်လိတၢ်တဖၣ်လီၤ. တနီၤန့ၣ်သုကမၤသံအီၤ, ဒီးတနီၤန့ၣ်သုကပျၤထီအီၤလၢထူၣ်စုညါ အလိၤ, ဒီးအဂၤတနီၤန့ၣ်သုကတီၢ်အီၤလၢဘူၣ်ဘျီၣ်လၢ အမ့ၢ်တၢ်ဘါလီၢ်အပူၤဒီးလူၤမၤနးမၤဖှီၣ်အီၤလၢတဝ့ၢ်ဘၣ်တဝ့ၢ် အပူၤလီၤ.

လံာ်မးသဲ 27:32

ဖဲအဝဲသ့ၣ်ဟးထီၣ်ဆူဝ့ၢ်အချၢအဖၢမုၢ်န့ၣ်, အဝဲသ့ၣ်ထံၣ်န့ၢ်ပှၤကူၤရ့ၤန့ဖိတဂၤလၢအမံၤမ့ၢ်ဝဲစီၤၡံမိၣ်, ဒီးပှၤသုးဖိတဖၣ်မၢဆူၣ်အီၤလၢအကယိးယ့ၣ်ၡူးအထူၣ်စုညါ န့ၣ်လီၤ.

လံာ်မၢ်ကူး 13:9

ကစၢ်ဒၣ်သုဝဲ, သုဘၣ်ပလီၢ်သုသးလီၤ. တၢ်ကဖီၣ်သုဒီးတၢ် ကဆှၢထီၣ်သုဆူသူၣ်က့သးပှၢ်အခိၣ်အနၢ်တဖၣ်အမဲာ်ညါလီၤ. သုကဘၣ်တၢ်ဒိတၢ်တီၢ်သုလၢဘူၣ်ဘျီၣ်လၢအမ့ၢ်တၢ်ဘါ အလီၢ်တဖၣ်အပူၤလီၤ. လၢယဃိသုကဘၣ်အိၣ်ဆၢထၢၣ်လၢကီၢ် ပဒိၣ်ဖးဒိၣ်ဒီးစီၤပၤတဖၣ်အမဲာ်ညါလၢတၢ်ကစံၣ်ညီၣ်သုအဂီၢ်, ဒီးသုကကဲထီၣ်ပှၤအုၣ်အသးတဖၣ်လၢအဝဲသ့ၣ်အမဲာ်ညါလီၤ.

လံာ်လူၤကၣ် 21:12

ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ.

မၤတၢ် 11:20

မ့မ့ၢ်ပှၤစူၢ်က့ၤနာ်က့ၤတၢ်အဂၤတနီၤလၢကီးကူပြူးဒီးကီၢ်ကူၤရ့ၤန့ တဖၣ်, လဲၤဝဲတုၤလၢဝ့ၢ်အၣ်တံၤအီာ်ဒီးစံၣ်တဲၤတဲလီၤတၢ်ကစီၣ်လၢ ပှၤကလုာ်ဂၤတဖၣ်စ့ၢ်ကီး, ဒီးစံးဘၣ်တဲဘၣ်အဝဲသ့ၣ်တၢ်သးခုအကစီၣ်ဘၣ်ဃးကစၢ်ယ့ၣ်ၡူး အဂ့ၢ်န့ၣ်လီၤ.

မၤတၢ် 13:1

ဖဲအၣ်တံၤအီာ်အတၢ်အိၣ်ဖှိၣ်န့ၣ်, ဝံဒီးသရၣ်အိၣ်ဝဲဒၣ်တနီၤလၢအမံၤမ့ၢ်ဝဲစီၤဘၢ်နါဘၤ, စီၤစူၤမ့းအိၣ် (လၢပှၤကိးလၢပှၤသူဖံး), စီၤလူကံၤ (ပှၤကူၤရ့ၤန့ဖိ), စီၤမနၤအ့ၣ် (လၢအဘၣ်တၢ်လုၢ်ဒုးဒိၣ်ထီၣ်ဃုာ်အီၤဒီးပဒိၣ်ဖးဒိၣ်စီၤဟ့ၤရိာ်) ဒီးစီၤစီလူးန့ၣ်လီၤ.

မၤတၢ် 13:45

ဖဲပှၤယူဒၤဖိတဖၣ်ထံၣ်ဘၣ်ပှၤဂီၢ်မုၢ်တဖၣ်န့ၣ်, အဝဲသ့ၣ်ပှဲၤဒီးတၢ်သူၣ်က့ၣ်သးကါ, ဒီးကတိၤထီဒါတၢ်လၢစီၤပီလူးစံးကတိၤဝဲဒီးကတိၤဒုၣ် ဒွဲၣ်အီၤန့ၣ်လီၤ.

မၤတၢ် 15:23

အဝဲသ့ၣ်ဆှၢလီၤလံာ်ပရၢလၢလာ်အံၤခီဖျိပှၤသ့ၣ်တဖၣ်န့ၣ်လီၤ. “ပဝဲဒၣ်လၢအမ့ၢ်သုဒီပုၢ်ဒီဝဲၢ်, ပှၤတၢ်မၢဖိဒီးတၢ်အိၣ်ဖှိၣ်အသူၣ်က့သးပှၢ်တဖၣ်ဆှၢလီၤ တၢ်ဆၢဂ့ၤဆၢဝါဆူပဒီပုၢ်ဝဲၢ်ကလုာ်ဂၤခဲလၢာ်လၢအအိၣ် ဝဲဆိးဝဲဖဲဝ့ၢ်အၣ်တံၤအီာ်, ကီၢ်စူၤရံ, ဒီးကီၢ်ကံၤလံၤကံတဖၣ်အအိၣ်န့ၣ်လီၤ.

မၤတၢ် 15:41

အဝဲဒၣ်ဒီးစီၤစံလၤလဲၤခီဂာ်ကီၢ်စူၤရံဒီးကီၢ်ကံၤလံၤကံ ဒီးဟ့ၣ်ဂံၢ်ဟ့ၣ်ဘါမၤဂၢၢ်မၤကျၢၤတၢ်အိၣ်ဖှိၣ်ဖဲန့ၣ်တဖၣ်လီၤ.

မၤတၢ် 16:6

မ့ၢ်လၢသးစီဆှံတပျဲအဝဲသ့ၣ်စံၣ်တဲၤတဲလီၤတၢ်ကစီၣ်ဖဲ ကီၢ်အၤစံဘၣ်အဃိ, အဝဲသ့ၣ်လဲၤခီဂာ်ကီၢ်ဖြူၤကံဒီး ကီၢ်ကလၤတံန့ၣ်လီၤ.

မၤတၢ် 18:24

ပှၤယူဒၤဖိလၢအမံၤမ့ၢ်စီၤအပီးလိၤဒီးအိၣ်ဖျဲၣ်ထီၣ်ဖဲဝ့ၢ် အလ့းစၣ်ဒြူးတဂၤန့ၣ်, ဟဲဆူဝ့ၢ်အ့းဖ့းစူးလီၤ. အဝဲဒၣ်မ့ၢ်ပှၤစံးသ့ကတိၤဘၣ်တဂၤဒီးတၢ်ဂ့ၢ်အိၣ်လၢ တၢ်ကွဲးအသးစီဆှံအပူၤတဖၣ်န့ၣ်နၢ်ပၢၢ်ဝဲဂ့ၤဂ့ၤလီၤ.

မၤတၢ် 19:10

အဝဲမၤဒ်အံၤလၢခံနံၣ်အတီၢ်ပူၤ, တုၤဒၣ်လဲာ်ပှၤအိၣ်လၢကီၢ်အၤစံ အပူၤခဲလၢာ်, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, နၢ်ဟူဘၣ်ကစၢ်အကလုၢ်ကထါန့ၣ်လီၤ.

မၤတၢ် 19:26

သုကထံၣ်ဘၣ်ဒီးနၢ်ဟူဘၣ်လၢသုနီၢ်ကစၢ်ဒၣ်သုဝဲတၢ်လၢ စီၤပီလူးမၤဝဲန့ၣ်လီၤ. အဝဲဒၣ်စံးလၢယွၤတဖၣ်လၢပှၤကညီဘှီလၢအစုန့ၣ်, တမ့ၢ်ယွၤနီၢ်နီၢ်ဘၣ်. ဒီးပှၤအါဒံအါဂၤဖဲအံၤလၢဝ့ၢ်အ့းဖ့းစူးဒီး လၢကီၢ်အၤစံဒီဘ့ၣ်ဃၣ်ဃၣ်အပူၤစ့ၢ်ကီးနာ်အဝဲအတၢ်ကတိၤလံ.

မၤတၢ် 21:27

ဖဲနွံသီဘူးကပှဲၤထီၣ်န့ၣ်, ပှၤယူဒၤဖိလၢကီၢ်အၤစံတနီၤထံၣ်စီၤပီလူးလၢတၢ်လုၢ်ဟံၣ် အပူၤလီၤ. အဝဲသ့ၣ်မၤတၢထီၣ်တၢလီၤပှၤဂီၢ်မုၢ်ဒီဖုညါဒီးပှၤစှီၤ ဃာ်စီၤပီလူးလီၤ.

မၤတၢ် 21:39

စီၤပီလူးစံးဆၢဝဲ, “ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃးဒီးကီၢ်ကံၤလံၤကံ, ဝ့ၢ်လၢအမံၤဟူသၣ်ဖျါတဖျၢၣ်အပှၤဝ့ၢ်ဖိတဂၤန့ၣ်လီၤ. ဝံသးစူၤဟ့ၣ်ယၤအခွဲးလၢယကကတိၤတၢ်ဒီးပှၤဂီၢ်မုၢ်တဖၣ် တက့ၢ်.”

မၤတၢ် 22:19

ယစံးဆၢယဲ, ‘ကစၢ်ဧၢ, အဝဲသ့ၣ်အနီၢ်ကစၢ်ဒၣ်ဝဲသ့ၣ်ညါဂ့ၤဂ့ၤလၢယလဲၤဆူဘူၣ်ဘျီၣ် တဖၣ်ဒီးမၢပှၤဖီၣ်ဒီးတီၢ်ပှၤလၢအစူၢ်က့ၤနာ်က့ၤနၤတဖၣ်လီၤ.

မၤတၢ် 22:3

“ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃး ဒီးကီၢ်ကံၤလံၤကံ, ဘၣ်ဆၣ်တၢ်လုၢ်ဒုးဒိၣ်ထီၣ်ယၤဖဲအံၤလၢဝ့ၢ် ယရူၤရှလ့ၣ်ဒီးမၤလိဘၣ်တၢ်လၢစီၤကမၤလ့လးအစုပူၤလီၤ. ယဘၣ်တၢ်သိၣ်လိတ့ၢ်ယၤဃံးဃံးလၢတၢ်သိၣ်တၢ်သီလၢအဘၣ် တၢ်ပိာ်ထွဲတ့ၢ်အီၤလၢမိၢ်ပၢ်ဖံဖုလၢပျၢၤတဖၣ်, ဒီးယသူၣ်ဆူၣ်သးဂဲၤလၢကစၢ်ယွၤအတၢ်ဖံးတၢ်မၤအပူၤလၢ ယသးဒီဖျၢၣ်ညါဒ်သုဝဲကိးဂၤလၢမုၢ်မဆါတနံၤအံၤဖဲတၢ် လီၢ်တပူၤအံၤန့ၣ်လီၤ.

မၤတၢ် 23:34

ပဒိၣ်ဖးဒိၣ်ဖးကွၢ်တၢ်ပရၢ, ဒီးသံကွၢ်စီၤပီလူးလၢအဟဲလၢကီၢ်မတၤလဲၣ်န့ၣ်လီၤ. ဖဲအဝဲသ့ၣ်ညါဘၣ်ဝဲလၢအဟဲလၢကီၢ်ကံၤလံၤကံန့ၣ်,

မၤတၢ် 24:18

အဝဲသ့ၣ်ထံၣ်န့ၢ်ယၤလၢတၢ်လုၢ်ဟံၣ်အပူၤဖဲယမၤကဆှီထီၣ် က့ၤယသးဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးဝံၤ အလီၢ်ခံန့ၣ်လီၤ. ပှၤကမျၢၢ်တအိၣ်ဒီးယၤဖဲန့ၣ်ဘၣ်. ဒီးတၢ်တၢထီၣ်တၢလီၤတအိၣ်ဘၣ်.

မၤတၢ် 26:11

အဆၢကတီၢ်အိၣ်ဝဲအါဘျီဖဲယဒုးဘၣ်အဝဲသ့ၣ်တၢ်စံၣ်ညီၣ် လၢဘူၣ်ဘျီၣ်တဖၣ်အပူၤဒီးဂုာ်ကျဲးစၢးမၤယဲဒ်သိးအဝဲသ့ၣ် ကညိကွံာ်အတၢ်စူၢ်တၢ်နာ်န့ၣ်လီၤ. ယသးထီၣ်ဘၣ်အဝဲသ့ၣ်တုၤဒၣ်လဲာ်ယလဲၤဆူဝ့ၢ်အဂၤတဖၣ် ဒ်သိးယကမၤအၢမၤနးအဝဲသ့ၣ်န့ၣ်လီၤ.

မၤတၢ် 6:10

ဘၣ်ဆၣ်ဒီးယွၤအသးဒုးကတိၤအီၤတၢ်ကတိၤပှဲၤဒီးတၢ်ကူၣ် သ့သတးဒီး, တုၤအဝဲဒၣ်ကတိၤထီၣ်တၢ်တစုန့ၣ်, အဝဲသ့ၣ်ကတိၤဂ့ၢ်လိာ်ဆၢအီၤတသ့ဘၣ်န့ၣ်လီၤ.

1 ကရံၣ်သူး 1:20

မ့မ့ၢ်ဒ်န့ၣ်ဒီး, ပှၤကူၣ်ဘၣ်ကူၣ်သ့မ့ၢ်ဂ့ၤ, ပှၤသ့လံာ်သ့လဲၢ်မ့ၢ်ဂ့ၤ, မ့တမ့ၢ်ဘၣ်ဒီးပှၤသ့ဂ့ၢ်လိာ်ဘှီလိာ်တၢ်လၢဟီၣ်ခိၣ်တဘ့ၣ်အံၤ အပူၤန့ၣ်အိၣ်ဝဲဖဲလဲၣ်ပူၤလဲၣ်. ကစၢ်ယွၤဒုးနဲၣ်တ့ၢ်ဝဲဒၣ်လၢဟီၣ်ခိၣ်တဘ့ၣ်အံၤအတၢ်ကူၣ်ဘၣ်ကူၣ် သ့မ့ၢ်ဒၣ်တၢ်သူၣ်တဆးသးတဆးန့ၣ်လီၤ.

ကလၤတံ 1:21

တၢ်န့ၣ်ဝံၤအလီၢ်ခံယလဲၤဆူတၢ်လီၢ်တဖၣ်လၢကီၢ်စူၤရံဒီးကီၢ် ကံၤလံၤကံအပူၤန့ၣ်လီၤ.