မၤတၢ် 6:7 - Sgaw Karen Common Bible

⁷ အန့ၣ်သတးဒီးကစၢ်ယွၤအကလုၢ်ကထါရၤလီၤအသးအါထီၣ်ဝဲကွ့ၢ် ကွ့ၢ်လီၤ. အပျဲၢ်အဘီၣ်အနီၣ်ဂံၢ်လၢဝ့ၢ်ယရူၤၡလ့ၣ်အပူၤအါထီၣ်ဂီၢ် ထီၣ်ဒိၣ်ဒိၣ်ကလဲာ်, ဒီးပှၤလုၢ်တၢ်အခိၣ်တဘျုးဒံတဘျုးဂၤစူၢ် က့ၤနာ်က့ၤတၢ်လီၤ.

မၤတၢ် 6:7 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:34

မ့ၢ်လၢပှၤလုၢ်တၢ်အခိၣ်တဖၣ်တအိၣ်လၢလၢလီၣ်လီၣ်လၢကမၤသံကယဲၢ် ဆၣ်ဖိကီၢ်ဖိတဖၣ်အံၤအဃိ, ပှၤလ့ၤဝံဖိတဖၣ်မၤစၢၤအဝဲသ့ၣ်, တုၤလၢတၢ်မၤဝံၤဝဲတစု န့ၣ်လီၤ. တုၤလီၤလၢအကတီၢ်အဝဲန့ၣ်, ပှၤလုၢ်တၢ်အခိၣ်တဖၣ်လၢ အမၤကဆှီထီၣ်အသးဒ်အလုၢ်အလၢ်အိၣ်ဝဲအသိးန့ၣ်, အနီၣ်ဂံၢ်အါထီၣ်ဝဲလီၤ. (ပှၤလ့ၤဝံဖိတဖၣ်သူၣ်တီသးရၤလၢတၢ် မၤကဆှီထီၣ်သးအလုၢ်အလၢ်အါန့ၢ်ဒံးပှၤလုၢ်တၢ်အခိၣ်တဖၣ်မၤဝဲ တက့ၢ်န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 30:24

စီၤပၤဃံးစကံယၤမၤဘူၣ်လီၤဂီၤဖံးဖါအဒုတကထိဒီးသိအဒု နွံကထိလၢပှၤဂီၢ်မုၢ်ကမၤသံဒီးအီၣ်ဝဲအဂီၢ်, ဒီးပဒိၣ်ပပှၢ်တဖၣ်ဟ့ၣ်အဝဲသ့ၣ်ဂီၤဖံးအဂၤအဒုတကထိဒီးသိအဒု တကလးန့ၣ်လီၤ. ပှၤလုၢ်တၢ်အခိၣ်အါဂၤမၤကဆှီထီၣ်က့ၤအသးဒ်တၢ်အလုၢ်အလၢ်အိၣ် ဝဲအသိးန့ၣ်လီၤ.

စံးထီၣ်ပတြၢၤ 132:16

ယကဆိၣ်ဂ့ၤအပှၤလုၢ်တၢ်အခိၣ်တဖၣ် လၢအတၢ်မၤခဲလၢာ်အပူၤ, ဒီးအပှၤဂီၢ်မုၢ်ကသးဝံၣ်တၢ်ဒီး ကိးထီၣ်လၢတၢ်သးခုအပူၤလီၤ.

စံးထီၣ်ပတြၢၤ 132:9

မ်နပှၤလုၢ်တၢ်အခိၣ်တဖၣ် မၤတၢ်အဘၣ်ထီဘိတထံၣ်ဃီတက့ၢ်. မ်နပှၤဂီၢ်မုၢ်ကိးထီၣ်လၢ တၢ်သးခုအပူၤတက့ၢ်.

လံာ်မးသဲ 19:30

ဘၣ်ဆၣ်ဒီး, ပှၤအိၣ်ဝဲလၢညါကတၢၢ်ခဲအံၤအါဂၤ, ကအိၣ်က့ၤလၢခံကတၢၢ်, ဒီးပှၤအိၣ်လၢခံကတၢၢ်ခဲအံၤအါဂၤ, ကအိၣ်က့ၤလၢညါကတၢၢ်လီၤ.

လံာ်လူၤကၣ် 2:34

စီၤစူၤမ့းအိၣ်ဆိၣ်ဂ့ၤအဝဲသ့ၣ်ဒီးစံးဘၣ်ဖိသၣ်အမိၢ်, နီၢ်မၤရံ, “ဖိသၣ်အဝဲအံၤဘၣ်တၢ်ဃုထၢတ့ၢ်အီၤလၢကစၢ်ယွၤ လၢတၢ်မၤဟးဂီၤဒီးတၢ်အုၣ်က့ၤခီၣ်က့ၤပှၤအါဒံအါဂၤလၢ အံၣ်စရ့လးအပူၤအဂီၢ်န့ၣ်လီၤ. အဝဲဒၣ်ကမ့ၢ်တၢ်ပနီၣ်တခါလၢ ကစၢ်ယွၤအအိၣ်လၢပှၤအါဒံအါဂၤကကတိၤထီဒါဝဲ,

လံာ်ယိၤဟၣ် 12:42

အန့ၣ်ဒၣ်လဲာ်, ပှၤယူဒၤဖိအခိၣ်အနၢ်အါဂၤစူၢ် က့ၤနာ်က့ၤယ့ၣ်ၡူးဘၣ်ဆၣ်ဒီးမ့ၢ်လၢအပျံၤဘၣ်ပှၤဖၤရံၤၡဲ တဖၣ်အဃိ, ဒ်သိးဒီးအဝဲသ့ၣ်အသုတဘၣ်တၢ်ဟီထီၣ်ကွံာ်အီၤလၢ ဘူၣ်ဘျီၣ်လၢအမ့ၢ်တၢ်ဘါလီၢ်တဂ့ၤဒီး, အဝဲသ့ၣ်တအၢၣ်လီၤ အီလီၤတၢ်စူၢ်တၢ်နာ်လၢပှၤဂၤအမဲာ်ညါဘၣ်.

မၤတၢ် 12:24

မ့မ့ၢ်ကစၢ်ယွၤအကလုၢ်ကထါဘၣ်တၢ်ရၤလီၤအီၤဆူညါကွ့ၢ်ကွ့ၢ်, ဒီးပှၤစူၢ်က့ၤနာ်က့ၤတၢ်ဖိအနီၣ်ဂံၢ်အါထီၣ်ဝဲဒၣ်န့ၣ်လီၤ.

မၤတၢ် 13:8

ဘၣ်ဆၣ်ဒီးပှၤမၤကဒါပှၤမဲာ်စီၤအ့းလူမၤ (အဝဲအံၤမ့ၢ်စီၤဘၢ်ယ့ၣ်ၡူးအမံၤလၢကြံးခ်အကျိာ်) မၤတံာ်တာ်အဝဲသ့ၣ်ခီဖျိအဂုာ်ကျဲးစၢးဃၣ်ကွံာ်ပဒိၣ်ဖးဒိၣ် တဂၤန့ၣ်အသးယံၤထီၣ်ဒီးပှၤခရံာ်ဖိအတၢ်စူၢ်တၢ်နာ်န့ၣ်လီၤ.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

မၤတၢ် 19:20

လၢတၢ်စိတၢ်ကမီၤအကျဲဒ်သိးအံၤအပူၤန့ၣ်, ကစၢ်အကလုၢ်ကထါရၤလီၤအသးလဲၢ်ထီၣ်ဒီးဆူၣ်ထီၣ်ကွ့ၢ်ကွ့ၢ် န့ၣ်လီၤ.

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

မၤတၢ် 21:20

အဝဲသ့ၣ်နၢ်ဟူအဝဲအတၢ်စံးတၢ်ကတိၤဝံၤဒီး, စံးထီၣ်ပတြၢၤကစၢ်ယွၤကိးဂၤဒဲးလီၤ. အန့ၣ်ဝံၤဒီးစံးဝဲ, “ဒီပုၢ်ဝဲၢ်စီၤပီလူးဧၢ, နကထံၣ်လၢပှၤယူဒၤဖိလၢအကဲထီၣ် ပှၤစူၢ်က့ၤနာ်က့ၤတၢ်အိၣ်ဝဲလၢအကထိဒီးအကထိတဖၣ်, ဒီးအဝဲသ့ၣ်ခဲလၢာ်ပာ်ဒိၣ်ပှၤယူဒၤဖိအတၢ်သိၣ်တၢ်သီလီၤ.

မၤတၢ် 6:1

လၢခံက့ၤဖဲအပျဲၢ်အဘီၣ်တဖၣ်အနီၣ်ဂံၢ်အါထီၣ်ဝဲကွ့ၢ်ကွ့ၢ်န့ၣ်, ပှၤယူဒၤဖိလၢအကတိၤထဲကြံးခ်အကျိာ်တဖၣ်ကဒူးကဒ့ၣ်ထီဒါ ပှၤယူဒၤဖိလၢအကတိၤအကျိာ်ဒၣ်ဝဲတဖၣ်န့ၣ်လီၤ. အဝဲသ့ၣ်စံးဝဲလၢဖဲအဘၣ်ဃးဒီးတၢ်ဟ့ၣ်နီၤလီၤလၢတနံၤဂီၢ် တနံၤဂီၢ်န့ၣ်, ပှၤတကနၣ်ဃုာ်အဝဲသ့ၣ်အပှၤမုၣ်ကမဲတဖၣ်ဘၣ် န့ၣ်လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 16:26

ဘၣ်ဆၣ်ခဲအံၤ, တၢ်မ့ၢ်တၢ်တီအဝဲန့ၣ်ဘၣ်တၢ်ထုးထီၣ်ပာ်ဖျါ အီၤခီဖျိဝံအတၢ်ကွဲးတဖၣ်, ဒီးခီဖျိကစၢ်ယွၤအထူအယိာ်တဂၤ အတၢ်မၤလိာ်န့ၣ်, ဘၣ်တၢ်ဒုးသ့ၣ်ညါအီၤလၢပှၤကိးကလုာ်ဒဲး, ဒ်သိးပှၤခဲလၢာ်ကစူၢ်က့ၤနာ်က့ၤတၢ်အဂီၢ်န့ၣ်လီၤ.

ကလၤတံ 1:23

အဝဲသ့ၣ်, သ့ၣ်ညါထဲဒၣ်တၢ်လၢပှၤဂၤတဖၣ်စံးဝဲ, “ပှၤလၢအမၤအၢမၤနးတ့ၢ်ပှၤတဂၤန့ၣ်, ခဲကနံၣ်အံၤစံၣ်တဲၤတဲလီၤတၢ်ဘၣ်ဃးတၢ်စူၢ်တၢ်နာ်ခရံာ် လၢအဝဲဒၣ်ဂုာ်ကျဲးစၢးမၤဟးဂီၤကွံာ်တ့ၢ်လံဝဲတဘျီန့ၣ် လီၤ.”

ကလၤတံ 6:10

လၢတၢ်န့ၣ်အဃိ, ဒ်ပအိၣ်ဒီးတၢ်အခွဲးအယာ်အသိးန့ၣ်, ပကြၢးမၤဂ့ၤပှၤကိးဂၤဒဲးဒီးလီၤဆီဒၣ်တၢ်ပှၤသ့ၣ်တဖၣ် လၢအဘၣ်ဃးဒီးပဒူၣ်ဖိထၢဖိလၢတၢ်စူၢ်တၢ်နာ်အပူၤလီၤ.

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

၂ တံၤမသ့း 2:9

မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

ယူဒၤ 1:20

ဘၣ်ဆၣ်ဒီးယတံၤသကိးသးဘိသ့ၣ်ဧၢ, သူၣ်ထီၣ်ဘှီထီၣ်သုသးလၢသုတၢ်စူၢ်တၢ်နာ်စီဆှံကတၢၢ် အဖီခိၣ်န့ၣ်တက့ၢ်. ဘါထုကဖၣ်လၢသးစီဆှံအစိကမီၤအပူၤ,

ယူဒၤ 1:3

ယတံၤသကိးသးဘိသ့ၣ်ဧၢ, ဖဲယကျဲးစၢးအဂ့ၤကတၢၢ်ဒ်သိးယကကွဲးတၢ်ဆူသုအိၣ် ဘၣ်ဃးဒီးတၢ်အုၣ်က့ၤခီၣ်က့ၤလၢအမ့ၢ်ပဝဲခဲလၢာ်အတၢ် အခါန့ၣ်, ယထံၣ်လၢအလီၢ်အိၣ်ဝဲတဘျီဃီလၢယကကွဲး ဟ့ၣ်ဆူၣ်ထီၣ်သုဂံၢ်သုဘါ, ဒ်သိးသုကဒုးတၢ်လၢတၢ်စူၢ်တၢ်နာ်လၢတဘျီကစၢ်ယွၤ ဟ့ၣ်လီၤတ့ၢ်ဝဲအပှၤဂီၢ်မုၢ်ခဲလၢာ်အဂီၢ်န့ၣ်လီၤ.