မၤတၢ် 6:4 - Sgaw Karen Common Bible

⁴ ပဝဲဒၣ်ပကစၢ်ဒၣ်ပဝဲတခီ, ပကဟ့ၣ်လီၤပဆၢကတီၢ်လၢာ်လၢာ်ဆ့ဆ့လၢတၢ်ထု ကဖၣ်ဒီးတၢ်စံၣ်တဲၤတဲလီၤယွၤကလုၢ်ကထါအဂီၢ်လီၤ.”

မၤတၢ် 6:4 Iomraidhean Croise

လံာ်လူၤကၣ် 1:23

ဒီးဖဲစီၤစဃၤရံအတၢ်ဖံးတၢ်မၤအဆၢကတီၢ်လၢတၢ်လုၢ်ဟံၣ်အပူၤ ကတၢၢ်န့ၣ်, အဝဲဒၣ်က့ၤက့ၤဆူအဟံၣ်လီၤ.

မၤတၢ် 1:14

အဝဲသ့ၣ်ပာ်ဖှိၣ်ထီၣ်အသးတလီၢ်လီၢ်ဒ်သိးအကဘါထု ကဖၣ်သကိးတၢ်ဃုာ်ဒီးပိာ်မုၣ်တဖၣ်, ဒီးယ့ၣ်ၡူးအမိၢ်နီၢ်မၤရံ, ဒီးယ့ၣ်ၡူးအပုၢ်ပိာ်ခွါတဖၣ်န့ၣ်လီၤ.

မၤတၢ် 2:42

အဝဲသ့ၣ်ဟံးန့ၢ်တၢ်ဆၢကတီၢ်လၢကမၤလိန့ၢ်တၢ်လၢ ပှၤတၢ်မၢဖိတဖၣ်အအိၣ်, ကရ့လိာ်မုာ်လိာ်သကိးအသး, ကအီၣ်သကိးအီသကိး, ဒီးကဘါထုကဖၣ်သကိးတၢ်အဂီၢ်န့ၣ်လီၤ.

ရိမ့ၤ 1:9

အဂ့ၢ်ဒ်အံၤ, ကစၢ်ယွၤလၢယမၤအတၢ်လၢယသးဒီဖျၢၣ်ညါ ခီဖျိတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီးအဖိခွါန့ၣ်, မ့ၢ်ပှၤအုၣ်အသးလၢတၢ်လၢယစံးတဖၣ်မ့ၢ်ဝဲတီဝဲန့ၣ်လီၤ. ကစၢ်ယွၤသ့ၣ်ညါလၢယသ့ၣ်နီၣ်ထီၣ်သုထီဘိလၢယတၢ် ထုကဖၣ်အပူၤန့ၣ်လီၤ.

1 ကရံၣ်သူး 9:16

ယတအိၣ်ဒီးတၢ်အခွဲးအယာ်လၢယကပာ်ကဖၢလၢယသး, မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိဘၣ်. နီၢ်နီၢ်တခီန့ၣ်တၢ်ဟ့ၣ်လီၤယၤတၢ်ကလုၢ်လၢယကမၤတၢ်မၤ တမံၤအံၤန့ၣ်လီၤ. ဒီးယမ့ၢ်တစံၣ်တဲၤတဲလီၤတၢ်သးခုကစီၣ်န့ၣ်, တၢ်ကနးကဖှီၣ်မးလၢယဂီၢ်ဆံးဒိၣ်လဲၣ်.

ဖံလံးပံၤ 1:4

ဒီးတဘျီလၢ်လၢ်ဖဲယဃ့ဘါထုကဖၣ်တၢ်လၢသုဂီၢ်န့ၣ်, ယဘါထုကဖၣ်လၢတၢ်သးခုအပူၤ,

ကလီးစဲ 2:1

ပျဲယဒုးသ့ၣ်ညါသုလၢယကျဲးစၢးတၢ်ဆူၣ်ဆူၣ်လၢ သုဂီၢ်, ပှၤအိၣ်လၢဝ့ၢ်လီၤဒံၤကံတဖၣ်အဂီၢ်, ဒီးပှၤလၢအတထံၣ်ဘၣ်တသ့ၣ်ညါဘၣ်ယၤလၢနီၢ် ခိနီၢ်ခီတဖၣ်ခဲလၢာ်အဂီၢ်ထဲလဲၣ်ထဲလဲၣ်န့ၣ်တက့ၢ်.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

ကလီးစဲ 4:17

ဒီးတဲဘၣ်စီၤအၢ်ဃံးပူးလၢအကပာ်လီၤအသးသပှၢ်ကတၢၢ်လၢ အကမၤတၢ်မၤလၢအဒိးန့ၢ်ဝဲလၢကစၢ်အအိၣ်န့ၣ်တုၤအဝံၤ, ဒီးလၢထီၣ်ပှဲၤထီၣ်တစုတက့ၢ်.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.