မၤတၢ် 6:14 - Sgaw Karen Common Bible

¹⁴ ပနၢ်ဟူဘၣ်တ့ၢ်လံအဝဲဒၣ်အတၢ်ကတိၤလၢအစံးဝဲလၢပှၤ နစၤရ့းဖိယ့ၣ်ၡူးတဂၤအံၤကမၤလီၤပှီၢ်ကွံာ်တၢ်လုၢ်ဟံၣ်စီဆှံ တဖျၢၣ်အံၤ, ဒီးလဲလိာ်ကွံာ်ပလုၢ်ပလၢ်တဖၣ်လၢစီၤမိၤၡ့ ဟ့ၣ်လီၤတ့ၢ်လံပှၤန့ၣ်လီၤ.”

မၤတၢ် 6:14 Iomraidhean Croise

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ယံးရမံယၤ 26:12

အန့ၣ်ဒီးယစံး, “ကယဲၢ်တၢ်ခဲလၢာ်လၢ သုနၢ်ဟူတ့ၢ်ယစံးကတိၤ ထီဒါတၢ်လုၢ်ဟံၣ်အံၤဒီး ထီဒါဝ့ၢ်အံၤန့ၣ်, မ့ၢ်တၢ်လၢယွၤမၢ ယတဲဖျါအီၤန့ၣ်လီၤ.

လံာ်ယံးရမံယၤ 26:18

“ဖဲစီၤဃံးစကံယၤမ့ၢ် ကီၢ်ယူဒၤအစီၤပၤအဆၢကတီၢ်န့ၣ်, ပှၤမိရၤၡးဖိဝံ မံကၤတဲဘၣ်တ့ၢ် ပှၤဂီၢ်မုၢ်ခဲလၢာ်လၢယွၤသ့တၢ်လၢာ်စံးတ့ၢ်ဝဲဒ်အံၤ, ‘ဝ့ၢ်စံယိၣ်ကဘၣ်တၢ်ထဲၣ်အီၤဒ် စံာ်ပျီတဘ့ၣ်အသိး, ဝ့ၢ်ယရူၤၡလ့ၣ် ကကဲထီၣ်တၢ်ဟးဂီၤတဖၣ် အတၢ်ပူၣ်ထီၣ်အသး, ဒီးယွၤအတၢ်လုၢ်ဟံၣ် အတၢ်လူၢ်ကကဲထီၣ်ပှၢ်လၢ်ကျါတတီၤ န့ၣ်လီၤ.’

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.

လံာ်စကၤရယၤ 11:1

ကီၢ်လဘၤနိၣ်ဧၢ, အိးထီၣ်နတြဲၤတဖၣ်ဒ်သိးမ့ၣ်အူကအီၣ်ကွံာ်နသ့ၣ်ဆှိအ့ရ့း တဖၣ်တက့ၢ်.

လံာ်စကၤရယၤ 14:2

ယွၤကဒုးဟဲဖှိၣ်ပှၤကလုာ်ခဲလၢာ်လၢကဒုး တၢ်ထီဒါဝ့ၢ်ယရူၤၡလ့ၣ်န့ၣ်လီၤ. ဝ့ၢ်န့ၣ်ကဘၣ်တၢ်မၤန့ၢ်အီၤ, ဟံၣ်တဖၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးပိာ်မုၣ်တဖၣ်ကဘၣ်တၢ်မၤဆူၣ်မၤစိးအီၤန့ၣ်လီၤ. ဒီးပှၤဂီၢ်မုၢ်တဝာ်န့ၣ်ကလဲၤလီၤဆူတၢ်စိာ်မၢကဲကုၢ်အလီၢ်, မ့မ့ၢ်ပှၤဂီၢ်မုၢ်လၢအအိၣ်လီၤတဲာ်န့ၣ်ကအိၣ်တ့ၢ်ဝဲဒၣ်ဖဲဝ့ၢ်ပူၤလီၤ.

လံာ်မးသဲ 26:61

ဒီးစံး, “ပှၤအံၤစံးဝဲ, ‘ယမၤလီၤပှီၢ်ကွံာ်ကစၢ်ယွၤအတၢ် လုၢ်ဟံၣ်ဒီးလၢသၢသီအတီၢ်ပူၤန့ၣ် ယဘှီထီၣ်က့ၤအီၤသ့လီၤ.’ ”

လံာ်မၢ်ကူး 14:58

“ပနၢ်ဟူအဝဲဒၣ်စံးဝဲ, ‘ယကမၤလီၤပှီၢ်ကွံာ်တၢ်လုၢ်ဟံၣ်လၢအဘၣ်တၢ်ဘှီထီၣ်အီၤလၢပှၤ ကညီအစုတဖျၢၣ်အံၤ, ဒီးလၢသၢသီတသီန့ၣ်ယကဘှီထီၣ်အဂၤတဖျၢၣ်လၢအတဘၣ် တၢ်မၤအီၤလၢပှၤကညီအစုဘၣ်န့ၣ်လီၤ.’ ”

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်လူၤကၣ် 21:6

“တၢ်သ့ၣ်တဖၣ်အံၤခဲလၢာ်န့ၣ်, သုထံၣ်ဘၣ်သုဝဲလီၤ. တၢ်ဆၢကတီၢ်ကဟဲတုၤအိၣ်ဝဲဖဲလၢၢ်ထဲတဖျၢၣ်ဧိၤဒၣ်လဲာ် တဘၣ်တၢ်ပာ်လီၤတဲာ်တ့ၢ်အီၤလၢအလီၢ်လၢၤဘၣ်. လၢၢ်ကိးဖျၢၣ်ဒဲးကဘၣ်တၢ်တ့ၢ်လီၤကွံာ်အီၤလၢအလီၢ်န့ၣ်လီၤ.”

လံာ်ယိၤဟၣ် 2:19

ယ့ၣ်ၡူးစံးဆၢဝဲ, “မၤလီၤပှီၢ်ကွံာ်တၢ်လုၢ်ဟံၣ်အံၤ တက့ၢ်. ဒီးလၢသၢသီအတီၢ်ပူၤန့ၣ်ယကသူၣ်ထီၣ်ကဒါ က့ၤအီၤန့ၣ်လီၤ.”

လံာ်ယိၤဟၣ် 4:21

ယ့ၣ်ၡူးစံးဘၣ်အီၤ, “နာ်ယၤတက့ၢ်ပိာ်မုၣ်ဧၢ, တၢ်ဆၢကတီၢ် ကတုၤဝဲဖဲပှၤတဘူၣ်ထီၣ်ဘါထီၣ်ဘၣ်ပၢ်ယွၤလၢကစၢၢ်အံၤ အလိၤမ့ၢ်ဂ့ၤ, လၢဝ့ၢ်ယရူၤၡလ့ၣ်အပူၤမ့ၢ်ဂ့ၤန့ၣ်လၢၤဘၣ်.

မၤတၢ် 15:1

အန့ၣ်ဝံၤအလီၢ်ခံ, ပှၤတနီၤဟဲလၢကီၢ်ယူဒၤဆူဝ့ၢ်အၣ်တံၤအီာ်ဒီး သိၣ်လီၤသီလီၤပှၤစူၢ်က့ၤနာ်က့ၤတၢ်တဖၣ်ဒီးစံး, “သုမ့ၢ်တဒိးတၢ်ကူးတရံးဒ်စီၤမိၤၡ့အတၢ်သိၣ်တၢ်သီ အိၣ်ဝဲအသိးဘၣ်န့ၣ်, သုဒိးန့ၢ်တၢ်အုၣ်က့ၤခီၣ်က့ၤတသ့ဘၣ်.”

မၤတၢ် 21:21

အဝဲသ့ၣ်ဘၣ်တၢ်စံးဘၣ်တဲဘၣ်အီၤလၢနဂ့ၢ်, လၢနသိၣ်လိတ့ၢ်ပှၤယူဒၤဖိအိၣ်ဖဲထံဂၤကီၢ်ဂၤတဖၣ်ဒ်သိး အကညိကွံာ်စီၤမိၤၡ့အတၢ်သိၣ်တၢ်သီ, ဒီးလၢအသုတကူးတရံးအဖိတဖၣ်ဒီးအသုတမၤထွဲပိာ်ထွဲ ယူဒၤအလုၢ်အလၢ်တဖၣ်, တဂ့ၤအဂီၢ်န့ၣ်လီၤ.

မၤတၢ် 25:8

မ့မ့ၢ်စီၤပီလူးတခီကတိၤဒီဒၣ်အသးဒီးစံးဝဲ, “ယတမၤတ့ၢ်တၢ်ကမၣ်ထီဒါပှၤယူဒၤဖိအတၢ်သိၣ်တၢ်သီမ့ၢ်ဂ့ၤ, တၢ်လုၢ်ဟံၣ်မ့ၢ်ဂ့ၤ, ဒီးရိမ့ၤအစီၤပၤဖးဒိၣ်မ့ၢ်ဂ့ၤနီတမံၤဘၣ်.”

မၤတၢ် 26:3

ယဘၣ်ဆိၣ်ဂ့ၤယဲလီၤဆီဒၣ်တၢ် မ့ၢ်လၢနသ့ၣ်ညါနဲပှၤယူဒၤ ဖိအလုၢ်အလၢ်ဒီးအတၢ်ဂ့ၢ်တၢ်ကျိၤအကီအခဲတဖၣ်ခဲလၢာ် ဂ့ၤဂ့ၤဘၣ်ဘၣ်အဃိလီၤ. လၢတၢ်န့ၣ်အဃိ, ယဃ့ကညးနၤဒ်သိးနကဒိကနၣ်ယတၢ်စံးတၢ်ကတိၤ လၢတၢ်သူၣ်စူၤသးစူၤအပူၤန့ၣ်လီၤ.

မၤတၢ် 28:17

သၢသီလဲၤပူၤကွံာ်ဝံၤအလီၢ်ခံန့ၣ်, စီၤပီလူးကိးဖှိၣ်ပှၤယူဒၤဖိအခိၣ်အနၢ်ဖဲဝ့ၢ်ရိမ့ၤ တဖၣ်န့ၣ်လီၤ. ဖဲအဝဲသ့ၣ်ဟဲတုၤဖှိၣ်န့ၣ်, အဝဲဒၣ်စံးဘၣ် အဝဲသ့ၣ်, “ယဒီပုၢ်ဝဲၢ်ပှၤအံၣ်စရ့လးဖိသ့ၣ်ဧၢ, ယတမၤတ့ၢ်ယဲတၢ်လၢအထီဒါပပှၤကလုာ်မ့ၢ်ဂ့ၤ, ပလုၢ်ပလၢ်လၢပဒိးန့ၢ်ဘၣ်လၢပမိၢ်ပၢ်ဖံဖုလၢပျၢၤတဖၣ် အအိၣ်မ့ၢ်ဂ့ၤနီတမံၤဘၣ်. သနာ်က့ဒီး, တၢ်ဖီၣ်ဒၢနုာ်ယၤလၢဝ့ၢ်ယရူၤၡလ့ၣ်အဃိာ်ပူၤဒီးတၢ်ဟ့ၣ်လီၤယၤ ဆူပှၤရိမ့ၤဖိတဖၣ်အစုပူၤလီၤ.

ကလၤတံ 3:19

မ့မ့ၢ်ဒ်န့ၣ်ဒီး, တၢ်သိၣ်တၢ်သီအတၢ်တိာ်ပာ်မ့ၢ်တၢ်မနုၤလဲၣ်. တၢ်သိၣ်တၢ်သီဘၣ်တၢ်ဟ့ၣ်လီၤအီၤဒ်သိးအကဒုးနဲၣ်တၢ်မၤ ကမၣ်တၢ်မ့ၢ်တၢ်မနုၤလဲၣ်န့ၣ်လီၤ. ဒီးတၢ်တိာ်ပာ်အီၤလၢအကအိၣ်ဂၢၢ်ကျၢၤတုၤလၢ စီၤအၤဘြၤဟၣ်အစၢၤအသွဲၣ်လၢတၢ်အၢၣ်လီၤတ့ၢ်အီၤဟဲတုၤ တစုလီၤ. တၢ်သိၣ်တၢ်သီန့ၣ်ဘၣ်တၢ်ဟ့ၣ်လီၤအီၤခီဖျိမူခိၣ် ကလူးတဖၣ်ဒီးပှၤကညီတဂၤကဲပှၤတၢ်ဘၢၣ်စၢၤဖိန့ၣ်လီၤ.

ကလၤတံ 3:23

ဘၣ်ဆၣ်ဒီးတချုးလၢတၢ်ဆၢကတီၢ်လၢတၢ်စူၢ်တၢ်နာ်အဂီၢ် တုၤဃီၤဒံးဘၣ်န့ၣ်, တၢ်သိၣ်တၢ်သီဒုးဃာ်ပှၤဒ်ပှၤဃိာ်ဖိတဖၣ် အသိး, တုၤတၢ်စူၢ်တၢ်နာ်လၢအကဟဲအံၤဘၣ်တၢ်လီၣ်ဖျါထီၣ်အီၤ တစုန့ၣ်လီၤ.