မၤတၢ် 6:13 - Sgaw Karen Common Bible

¹³ အန့ၣ်ဝံၤအဝဲသ့ၣ်ကိးနုာ်ဝဲပှၤတနီၤလၢကအုၣ်အသးကဘျံး ကဘျၣ်ထီဒါစီၤစတ့းဖၣ်ဒီးပှၤတဖၣ်န့ၣ်စံးဝဲ, “ပှၤတဂၤအံၤထီဘိန့ၣ်စံးကတိၤတၢ်ထီဒါပတၢ်လုၢ်ဟံၣ်စီ ဆှံဒီးတၢ်သိၣ်တၢ်သီလၢပန့ၢ်ဘၣ်ခီဖျိစီၤမိၤၡ့န့ၣ်လီၤ.

မၤတၢ် 6:13 Iomraidhean Croise

စံးထီၣ်ပတြၢၤ 27:12

တဘၣ်ဟ့ၣ်လီၤကွံာ်ယၤဆူယဒုၣ်ယဒါသ့ၣ်တဖၣ် အတၢ်ဘၣ်အသးအပူၤတဂ့ၤ, အဂ့ၢ်ဒ်အံၤ, ပှၤလၢအအုၣ်အသးကဘျံးကဘျၣ် တဖၣ် ဂဲၤဆၢထၢၣ်ထီဒါယၤ ဒီးသါတဖှိထီၣ်တၢ်စုဆူၣ်ခီၣ်တကးန့ၣ်လီၤ.

စံးထီၣ်ပတြၢၤ 35:11

ပှၤအုၣ်အသးကဘျံးကဘျၣ်ဂဲၤဆၢထၢၣ်ထီဒါယၤ ဒီးပာ်တၢ်ကမၣ်လၢယလိၤလၢတၢ်လၢ ယတသ့ၣ်ညါအဂ့ၢ်နီတမံၤဘၣ်န့ၣ်လီၤ.

စံးထီၣ်ပတြၢၤ 56:5

ယဒုၣ်ယဒါတဖၣ်ဃုမၤဆါယၤသ့သ့တနံၤလီၤ. အတၢ်ဆိကမိၣ်ခဲလၢာ်ထီဒါယၤလၢ တၢ်အၢအဂ့ၢ်လီၤ.

လံာ်ဟိၤၡ့ 7:4

အဝဲသ့ၣ်ခဲလၢာ်ကတိၤတၢ်ကဘျံးကဘျၣ်ဒီးအသူၣ်တတီအသးတလိၤဝဲ ဘၣ်. အဝဲသ့ၣ်အတၢ်သးဟ့သဝံထီၣ်ဒ်မ့ၣ်အူလၢဖၣ်ကပူၤအသိး, မ့ၣ်အူလၢပှၤကုၢ်ကိၣ်ဖိမၤကိၢ်ထီၣ်အီၤအလီၢ်တအိၣ်ဘၣ်, တချုးဒံးလၢကိၣ်လၢတၢ်ကကုၢ်အီၤအိၣ်ကတဲာ်ကတီၤ အသးဒံးဘၣ်န့ၣ်လီၤ.

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

လံာ်မးသဲ 26:59

ပှၤလုၢ်တၢ်အခိၣ်အဒိၣ်တဖၣ်, ဒီးကီၣ်ကးဒီဖုညါကျဲးစၢးဃုတၢ်အုၣ်အသးကဘျံးကဘျၣ် ထီဒါယ့ၣ်ၡူးဒ်သိးကမၤသံဘၣ်အီၤအဂီၢ်လီၤ.

မၤတၢ် 21:28

အဝဲသ့ၣ်ကိးထီၣ်ဝဲ, “အံၣ်စရ့လးဖိသ့ၣ်ဧၢ, မၤစၢၤပှၤတက့ၢ်. ပှၤတဂၤအံၤမ့ၢ်ပှၤတဂၤဃီလၢအလဲၤသကုၤဆးဒးဒီးသိၣ်လိပှၤ ကိးဂၤဒဲးတၢ်လၢအထီဒါပှၤအံၣ်စရ့လးဖိ, စီၤမိၤၡ့အတၢ်သိၣ်တၢ်သီ, ဒီးတၢ်လုၢ်ဟံၣ်တဖျၢၣ်အံၤန့ၣ်လီၤ. ဒီးခဲကနံၣ်အံၤ, အဝဲဟဲကိးဃုာ်ဒၣ်လဲာ်ပှၤကလုာ်ဂၤတနီၤဆူတၢ်လုၢ်ဟံၣ်တဖျၢၣ် အံၤအပူၤ, ဒီးမၤဘၣ်အၢတၢ်လီၢ်စီဆှံအဝဲအံၤန့ၣ်လံ.”

မၤတၢ် 25:8

မ့မ့ၢ်စီၤပီလူးတခီကတိၤဒီဒၣ်အသးဒီးစံးဝဲ, “ယတမၤတ့ၢ်တၢ်ကမၣ်ထီဒါပှၤယူဒၤဖိအတၢ်သိၣ်တၢ်သီမ့ၢ်ဂ့ၤ, တၢ်လုၢ်ဟံၣ်မ့ၢ်ဂ့ၤ, ဒီးရိမ့ၤအစီၤပၤဖးဒိၣ်မ့ၢ်ဂ့ၤနီတမံၤဘၣ်.”

မၤတၢ် 6:11

အန့ၣ်ဒီး, အဝဲသ့ၣ်သဆၣ်ထီၣ်ပှၤတနီၤအခံလၢတၢ်ခူသူၣ်ခူလံာ် အပူၤလၢအကအုၣ်အသးကဘျံးကဘျၣ်ဒီးစံး, “ပနၢ်ဟူဘၣ်တ့ၢ်လံအဝဲဒၣ်အတၢ်ကတိၤတရီတပါထီဒါစီၤမိၤၡ့ ဒီးကစၢ်ယွၤန့ၣ်လီၤ.”

မၤတၢ် 7:58

ဟီထီၣ်ကွံာ်အီၤဆူဝ့ၢ်အချၢ, ဒီးကွံာ်အီၤလၢလၢၢ်လီၤ. ပှၤအုၣ်အသးတဖၣ်ပာ်လီၤအဆ့ကၤဖီခိၣ်ဖဲပိာ်ခွါသးစၢ်လၢ အမံၤမ့ၢ်စီၤစီလူးတဂၤအခီၣ်ထံးလၢအကကွၢ်ထွဲပာ်ဝဲအဂီၢ် လီၤ.

ဧ့ၤဘြံၤ 7:12

အဂ့ၢ်ဒ်အံၤ, တုၤပှၤလုၢ်တၢ်အခိၣ်အလီၢ်မ့ၢ်ဘၣ်တၢ်ဆီတလဲ အီၤဒီးတၢ်သိၣ်တၢ်သီစ့ၢ်ကီးကဘၣ်တၢ်ဆီတလဲအီၤလီၤ.