မၤတၢ် 6:12 - Sgaw Karen Common Bible

¹² အဝဲသ့ၣ်မၤဝဲဒ်သိးအံၤန့ၣ်, မ့ၢ်အမၤဂဲၤထီၣ်ပှၤဂီၢ်မုၢ်ဒီးပှၤယူဒၤဖိကရၢ အခိၣ်အနၢ်တဖၣ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် အသူၣ်အသးလီၤ. အဝဲသ့ၣ်ဖီၣ်စီၤစတ့းဖၣ်ဒီးမိၤထီၣ်အီၤဆူကီၣ်ကး အမဲာ်ညါလီၤ.

မၤတၢ် 6:12 Iomraidhean Croise

တၢ်ကတိၤဒိ. 15:18

တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

လံာ်မးသဲ 26:57

ပှၤလၢအဖီၣ်န့ၢ်ယ့ၣ်ၡူးတဖၣ်န့ၣ်, က့ၤကိးအီၤဆူပှၤလုၢ်တၢ်အခိၣ် အဒိၣ်ကတၢၢ်လၢအမ့ၢ်စီၤကၤယါဖၤအဟံၣ်, ဖဲပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး ပှၤယူဒၤဖိကရၢအခိၣ်အနၢ်တဖၣ် အိၣ်ဖှိၣ်ရိဖှိၣ်သကိးဝဲအလီၢ် န့ၣ်လီၤ.

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်လူၤကၣ် 20:1

ဘၣ်မုၢ်တနံၤဖဲယ့ၣ်ၡူးအိၣ်လၢတၢ်လုၢ်ဟံၣ်အပူၤ, သိၣ်လီၤသီလီၤပှၤဂီၢ်မုၢ်တဖၣ်, ဒီးစံၣ်တဲၤတဲလီၤတၢ်သးခု ကစီၣ်အဖၢမုၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဟဲဝဲ,

မၤတၢ် 13:50

ဘၣ်ဆၣ်ဒီးပှၤယူဒၤဖိတဖၣ်ထိၣ်ဂဲၤထီၣ်ခိၣ်နၢ်သူၣ်က့သးပှၢ်လၢဝ့ၢ်န့ၣ် အပူၤ, ဒီးကလုာ်ဂၤတူၢ်ဒိၣ်ကီၤဒိၣ်မုၣ်လၢအအဲၣ်ထူအဲၣ်ယွၤတဖၣ်လီၤ. အဝဲသ့ၣ်ဒုးအိၣ်ထီၣ်တၢ်မၤအၢမၤနးစီၤပီလူးဒီးစီၤဘၢ်နါဘၤ, ဒီးဟီထီၣ်ကွံာ်အီၤလၢအဝဲသ့ၣ်အကီၢ်ပူၤန့ၣ်လီၤ.

မၤတၢ် 14:2

ဘၣ်ဆၣ်ဒီးပှၤယူဒၤဖိလၢအတစူၢ်တနာ်တၢ်တဖၣ်ထိၣ်ဂဲၤထီၣ် ပှၤကလုာ်ဂၤတဖၣ်အသးထီဒါစီၤပီလူးဒီးစီၤဘၢ်နါဘၤန့ၣ်လီၤ.

မၤတၢ် 17:13

ဘၣ်ဆၣ်ဒီးဖဲပှၤယူဒၤဖိလၢဝ့ၢ်သ့းစၤလနံတဖၣ်နၢ်ဟူ ဘၣ်ဝဲလၢစီၤပီလူးစံၣ်တဲၤတဲလီၤတ့ၢ်စ့ၢ်ကီးကစၢ်ယွၤ အကလုၢ်အကထါဖဲဝ့ၢ်ဘ့းရံၤန့ၣ်, အဝဲသ့ၣ်ဟဲဖဲန့ၣ်ဒီးထိၣ်ဂဲၤထီၣ်ဒီးမၤတၢထီၣ်တၢလီၤပှၤ ဂီၢ်မုၢ်တဖၣ်လီၤ.

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 21:27

ဖဲနွံသီဘူးကပှဲၤထီၣ်န့ၣ်, ပှၤယူဒၤဖိလၢကီၢ်အၤစံတနီၤထံၣ်စီၤပီလူးလၢတၢ်လုၢ်ဟံၣ် အပူၤလီၤ. အဝဲသ့ၣ်မၤတၢထီၣ်တၢလီၤပှၤဂီၢ်မုၢ်ဒီဖုညါဒီးပှၤစှီၤ ဃာ်စီၤပီလူးလီၤ.

မၤတၢ် 5:18

အဝဲသ့ၣ်ဖီၣ်ဝဲပှၤတၢ်မၢဖိတဖၣ်န့ၣ်ဒီးဒၢနုာ်အဝဲသ့ၣ်လၢကမျၢၢ် အဃိာ်ပူၤန့ၣ်လီၤ.

မၤတၢ် 5:27

အဝဲသ့ၣ်ဆှၢထီၣ်တၢ်မၢဖိတဖၣ်န့ၣ်ဆူကီၣ်ကးအတၢ်အိၣ်ဖှိၣ်အမဲာ်ညါ, ဒီးပှၤလုၢ်တၢ်အခိၣ်အဒိၣ်ကတၢၢ်တဂၤန့ၣ်, သမံသမိးအဝဲသ့ၣ်ဒီးစံး,

မၤတၢ် 6:11

အန့ၣ်ဒီး, အဝဲသ့ၣ်သဆၣ်ထီၣ်ပှၤတနီၤအခံလၢတၢ်ခူသူၣ်ခူလံာ် အပူၤလၢအကအုၣ်အသးကဘျံးကဘျၣ်ဒီးစံး, “ပနၢ်ဟူဘၣ်တ့ၢ်လံအဝဲဒၣ်အတၢ်ကတိၤတရီတပါထီဒါစီၤမိၤၡ့ ဒီးကစၢ်ယွၤန့ၣ်လီၤ.”