မၤတၢ် 5:32 - Sgaw Karen Common Bible

³² ပဝဲဒၣ်တဖၣ်ပအုၣ်ပသးလၢတၢ်သ့ၣ်တဖၣ်အံၤအဂ့ၢ်, ဒီးသးစီဆှံလၢအမ့ၢ်ကစၢ်ယွၤအတၢ်ဟ့ၣ်လၢပှၤလၢအဒိကနၣ် အကလုၢ်တဖၣ်ဒိးန့ၢ်ဘၣ်ဝဲန့ၣ်, အုၣ်စ့ၢ်ကီးအသးလီၤ.”

မၤတၢ် 5:32 Iomraidhean Croise

လံာ်ယိၤဟၣ် 7:39

ယ့ၣ်ၡူးစံးတၢ်အံၤဘၣ်ဃးဒီးယွၤအသးလၢ ပှၤလၢအစူၢ်က့ၤနာ်က့ၤအီၤတဖၣ်ကဒိးန့ၢ်ဘၣ်ဝဲန့ၣ်လီၤ. အကတီၢ်ဖဲန့ၣ်, ယွၤအသးတဘၣ်တၢ်ဟ့ၣ်လီၤအီၤဒံးဘၣ်န့ၣ်, မ့ၢ်လၢယ့ၣ်ၡူးတဘၣ်တၢ်ဒုးဂဲၤထၢၣ်အီၤဆူတၢ်လၤ ကပီၤဒံးဘၣ်အဃိလီၤ.

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 10:44

ဖဲစီၤပ့းတရူးကတိၤဒံးတၢ်အဖၢမုၢ်န့ၣ်, သးစီဆှံဟဲလီၤလၢပှၤလၢအဒိကနၣ်တၢ်ကစီၣ်ကိးဂၤဒဲးအလိၤလီၤ.

မၤတၢ် 13:31

ဒီးလၢအါနံၤအါသီအတီၢ်ပူၤ, အဝဲလီၣ်ဖျါထီၣ်အသးလၢပှၤလၢအပိာ်တ့ၢ်အခံစးထီၣ်လၢကီၢ်ကၤ လံၤလါတုၤလၢဝ့ၢ်ယရူၤၡလ့ၣ်န့ၣ်လီၤ. ခဲကနံၣ်အံၤ, အဝဲသ့ၣ်ကဲထီၣ်ပှၤအုၣ်အသးတဖၣ်လၢအဝဲအဂီၢ်လၢ ပှၤအံၣ်စရ့လးဖိအသိးအကျါန့ၣ်လီၤ.

မၤတၢ် 15:28

သးစီဆှံဒီးပဝဲ, ပသးလီၤပလိာ်သကိးလၢတၢ်သိၣ်တၢ်သီလၢအကါဒိၣ်နီၢ်နီၢ် တဖၣ်အံၤအမဲာ်ညါ, ပတပာ်ထီၣ်တၢ်ဝံတၢ်ယိးအဂၤလၢသုလိၤနီတမံၤဘၣ်န့ၣ်လီၤ.

မၤတၢ် 2:32

ယ့ၣ်ၡူးတဂၤအံၤကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်လၢအမၤအသးအံၤ, ပဝဲဒၣ်ခဲလၢာ်ပထံၣ်ဘၣ်လၢပမဲာ်လီၤ.

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

မၤတၢ် 5:29

စီၤပ့းတရူးဒီးပှၤတၢ်မၢဖိအဂၤတဖၣ်စံးဆၢဝဲ, “ပဘၣ်စူၢ်ကစၢ်ယွၤအါန့ၢ်ပစူၢ်ပှၤကညီတက့ၢ်လီၤ.

ရိမ့ၤ 8:16

ကစၢ်ယွၤအသးအုၣ်ဃုာ်အသးဒီးပသးလၢပမ့ၢ်ကစၢ်ယွၤ အဖိတဖၣ်န့ၣ်လီၤ.

၂ ကရံၣ်သူး 13:1

အဝဲအံၤ မ့ၢ်ယတၢ်ဟဲသၢဘျီတဘျီလၢယကအိၣ်သကိးသု အဂီၢ်လီၤ. ဒ်တၢ်ကွဲးအသးစံးဝဲအသိးန့ၣ်, “တၢ်ပာ်တၢ်ကမၣ်တမံၤမံၤကြၢးဘၣ်တၢ်ကတိၤဂၢၢ်ကတိၤ ကျၢၤအီၤလၢပှၤခံဂၤမ့တမ့ၢ်သၢဂၤအတၢ်အုၣ်အသးလီၤ.”

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.