မၤတၢ် 5:3 - Sgaw Karen Common Bible

³ စီၤပ့းတရူးသံကွၢ်အီၤ, “စီၤအနၤနံဧၢ, ဘၣ်မနုၤနပျဲမုၣ်ကီၤလံၢ်ပၢနၤလၢနကလီန့ၢ်သးစီဆှံအတၢ်ဒီး ပာ်ဃာ်က့ၤစ့တနီၤလၢနမၤန့ၢ်ဖဲနဆါလီၤကွံာ်နစုလီၢ်ခီၣ်ခိၣ် အခါန့ၣ်လဲၣ်.

မၤတၢ် 5:3 Iomraidhean Croise

လံာ်စီၤယိၤဘး 22:13

အန့ၣ်ဒၣ်လဲာ်နသံကွၢ်, ကစၢ်ယွၤသ့ၣ်ညါတၢ်မနုၤန့ၣ်လဲၣ်. တၢ်အၢၣ်ခံးသူအိၣ်တဒၢအီၤဒီးကစံၣ်ညီၣ်ပှၤဒၣ်လဲၣ်ကသ့ဧါ.

တၢ်ကတိၤဒိ. 20:25

တချုးနအၢၣ်လီၤတၢ်လုၢ်မၤဘူၣ်တမံၤဆူကစၢ်ယွၤန့ၣ်, ဆိကမိၣ်တၢ်လီၤတံၢ်လီၤဆဲးတက့ၢ်. နကသးအုးက့ၤဘၣ်ဖုးလၢခံ န့ၣ်လီၤ.

လံာ်ပှၤစံၣ်တဲၤတဲလီၤတၢ် 5:4

မၤသးဒ်န့ၣ်ဒီး, ဖဲနမၤတၢ်အၢၣ်လီၤအီလီၤဒီးကစၢ်ယွၤန့ၣ်, မၤလၢပှဲၤအီၤချ့ချ့တသ့ဖဲအသ့တက့ၢ်. ပှၤအမၢးတဂၤန့ၣ်, ကစၢ်ယွၤသူအီၤတသ့ဘၣ်. မၤတၢ်လၢနအၢၣ်လီၤလၢနကမၤအီၤန့ၣ်တက့ၢ်.

လံာ်ယၡါယၤ 29:15

ပှၤတဖၣ်လၢအကျဲးစၢးပာ်ခူသူၣ်အတၢ်တိာ်ကျဲၤတဖၣ်လၢ ယွၤန့ၣ်, ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်မၤထွဲအတၢ်ကူၣ်တဖၣ် လၢတၢ်ခူသူၣ်အပူၤဒီးဆိကမိၣ်ဝဲလၢပှၤတထံၣ်ဒီးတသ့ၣ်ညါတၢ် လၢအဝဲသ့ၣ်မၤန့ၣ်နီတဂၤဘၣ်န့ၣ်လီၤ.

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

လံာ်ဟိၤၡ့ 11:12

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ကဝီၤဃာ်ယၤဒီး တၢ်လီတၢ်ဝ့ၤတဖၣ်ဒီးတၢ်ကတိၤကဘျံးကဘျၣ်, ဒီးကီၢ်ယူဒၤအပှၤဂီၢ်မုၢ်ပူထီၣ်ဒံးတၢ်ထီဒါယၤ, တၢ်သူၣ်တီသးရၤဒီးတၢ်စီဆှံအကစၢ်ယွၤန့ၣ်လီၤ.

လံာ်တၢ်ဂံၢ် 30:2

ဖဲပှၤတဂၤမၤတၢ်ဆိၣ်တမံၤလၢကဟ့ၣ်တၢ်တမံၤမံၤဆူယွၤအအိၣ်, မ့တမ့ၢ်မၤတၢ်ဆိၣ်တမံၤလၢကဟးဆှဲးတၢ်တမံၤမံၤဒီးအဝဲ တဘၣ်မၤဟးဂီၤအတၢ်အၢၣ်လီၤအီလီၤဘၣ်. မ့မ့ၢ်ကဘၣ်မၤတၢ်ကိးမံၤဒဲးလၢစံးတ့ၢ်ဝဲလၢကမၤဝဲန့ၣ်လီၤ.

လံာ်မးသဲ 13:19

ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

လံာ်လူၤကၣ် 22:3

အန့ၣ်ဝံၤအလီၢ်ခံ, မုၣ်ကီၤလံၢ်လဲၤနုာ်လီၤဆူစီၤယူဒၤ, လၢတၢ်ကိးအီၤလၢအံၣ်စကၤရံၤအိာ်လၢအမ့ၢ်ပှၤတၢ်မၢဖိ တဆံခံဂၤအကျါတဂၤန့ၣ်အပူၤလီၤ.

လံာ်ယိၤဟၣ် 13:2

ယ့ၣ်ၡူးဒီးအပျဲၢ်အဘီၣ်တဖၣ်အီၣ်ဟါတၢ်အီၣ်အခါ, မုၣ်ကီၤလံၢ်ဒၢနုာ်တ့ၢ်လံဝဲတၢ်ကူၣ်လၢအကဟ့ၣ်လီၤကွံာ် ယ့ၣ်ၡူးလၢစီၤၡံမိၣ်အဖိခွါစီၤယူဒၤအံၣ်စကၤရံၤအိာ် အသးပူၤန့ၣ်လီၤ.

လံာ်ယိၤဟၣ် 13:27

တုၤစီၤယူဒၤဟံးန့ၢ်အီၣ်ကိၣ်ဝံၤတဘျီဃီဒီး, မုၣ်ကီၤလံၢ်နုာ်လီၤလၢအသးပူၤန့ၣ်လီၤ. ယ့ၣ်ၡူးစံးဘၣ်အီၤ, “တၢ်လၢနကဘၣ်မၤန့ၣ်မၤချ့ချ့တက့ၢ်.”

မၤတၢ် 5:2

ဘၣ်ဆၣ်ဒီးဒ်အမါအၢၣ်လီၤထွဲအခံအသိးပာ်တ့ၢ်ဝဲစ့တနီၤလၢ အကစၢ်ဒၣ်ဝဲအဂီၢ်, ဒီးစ့အဂၤတဖၣ်န့ၣ်ဟ့ၣ်လီၤဝဲလၢပှၤတၢ်မၢဖိ တဖၣ်အစုပူၤလီၤ.

မၤတၢ် 5:4

တချုးနဆါကွံာ်ဒံး နစုလီၢ်ခီၣ်ခိၣ်ဘၣ်န့ၣ်, မ့ၢ်နတၢ်ဒၣ်နဲတမ့ၢ်ဘၣ်ဧါ. ဒီးတုၤနဆါကွံာ်ဝံၤဒီး, စ့လၢနန့ၢ်ဘၣ်န့ၣ်မ့ၢ်နတၢ်ဒၣ်နဲလီၤ. သတးဒီးဘၣ်မနုၤနပာ်လီၤနသးလၢ နကမၤတၢ်ဒ်သိးအံၤတမံၤန့ၣ်လဲၣ်. တမ့ၢ်နလီန့ၢ်ပှၤကညီအတၢ်ဘၣ်, မ့မ့ၢ်နလီန့ၢ်ကစၢ်ယွၤအတၢ်တခီလီၤ.”

မၤတၢ် 5:9

အန့ၣ်ဒီးစီၤပ့းတရူးစံးဘၣ်အီၤ, “ဘၣ်မနုၤလၢနၤဒီးနဝၤ, သုပာ်လီၤသုသးလၢသုကမၤကွၢ်ကစၢ်အသးစီဆှံန့ၣ်လဲၣ်. ပှၤတဖၣ်လၢအလဲၤခူၣ်လီၤနဝၤအစိၣ်န့ၣ်ဟဲက့ၤတုၤဖဲတြဲၤအခီၣ် ထံးလံ. ဒီးကစိာ်ထီၣ်ကွံာ်စ့ၢ်ကီးနၤန့ၣ်လီၤ.”

လံာ်သိၣ်လီၤသီလီၤတၢ် 23:21

တုၤသုမၤတၢ်ဆိၣ်လီၤတမံၤဒီးယွၤသုကစၢ်ယွၤန့ၣ်, သုးဆၢသုးကတီၢ်လၢသုကမၤတၢ်လၢသုအၢၣ်လီၤအီၤန့ၣ်တဂ့ၤ. ယွၤကဟံးဃာ်သုဒ်သုတၢ်အၢၣ်လီၤအသိး, ဒီးသုမ့ၢ်တတိၢ်န့ၢ်ဖံးဃာ်အီၤဒီးကကဲထီၣ်တၢ်ဒဲးဘးလၢသု ဂီၢ်န့ၣ်လီၤ.

ယၤကိာ် 4:7

လၢတၢ်န့ၣ်အဃိ, ဆီၣ်လီၤသုသးလၢကစၢ်ယွၤအဖီလာ် တက့ၢ်. ထီဒါမုၣ်ကီၤလံၢ်ဒီးအဝဲကဃ့ၢ်ထီၣ်ကွံာ်လၢသုအိၣ်လီၤ.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.