မၤတၢ် 5:27 - Sgaw Karen Common Bible

²⁷ အဝဲသ့ၣ်ဆှၢထီၣ်တၢ်မၢဖိတဖၣ်န့ၣ်ဆူကီၣ်ကးအတၢ်အိၣ်ဖှိၣ်အမဲာ်ညါ, ဒီးပှၤလုၢ်တၢ်အခိၣ်အဒိၣ်ကတၢၢ်တဂၤန့ၣ်, သမံသမိးအဝဲသ့ၣ်ဒီးစံး,

မၤတၢ် 5:27 Iomraidhean Croise

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်လူၤကၣ် 22:66

ဖဲမုၢ်ဆ့ၣ်ဝါထီၣ်န့ၣ်, ပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်ပာ်ဖှိၣ်ထီၣ်အသးတပူၤဃီ, ဒီးယ့ၣ်ၡူးဘၣ်တၢ်ဟဲစိာ်ထီၣ်အီၤဆူအဝဲသ့ၣ်အကီၣ်ကးန့ၣ်လီၤ.

မၤတၢ် 22:30

ပှၤသုးဖိတကထိအခိၣ်တဂၤအံၤအဲၣ်ဒိးသ့ၣ်ညါလီၤတံၢ်တၢ် ကမၣ်လၢပှၤယူဒၤဖိတဖၣ်ပာ်လၢစီၤပီလူးအလိၤသတးဒီး, မုၢ်ဆ့ၣ်ထီၣ်တနံၤန့ၣ်အဝဲဒၣ်မၢပှၤဃ့ၣ်လီၤကွံာ်ပျံၤထး တဖၣ်လၢစီၤပီလူးအလိၤဒီးဟ့ၣ်လီၤအကလုၢ်လၢပှၤလုၢ်တၢ် အခိၣ်အဒိၣ်တဖၣ်ဒီးကီၣ်ကးဒီဖုကအိၣ်ဖှိၣ်လီၤ. အန့ၣ်ဝံၤဒီးအဝဲဒၣ်ကိးစီၤပီလူးဒီးဒုးဆၢထၢၣ်အီၤလၢ အဝဲသ့ၣ်အမဲာ်ညါလီၤ.

မၤတၢ် 4:7

အဝဲသ့ၣ်မၢတၢ်မၢဖိတဖၣ်န့ၣ်ဆၢထၢၣ်လၢအဝဲသ့ၣ်အမဲာ်ညါ ဝံၤသံကွၢ်ဝဲ, “သုမၤတၢ်အံၤခီဖျိတၢ်စိတၢ်ကမီၤမနုၤမ့တမ့ၢ်ခီဖျိ မတၤတဂၤအမံၤလဲၣ်.”

မၤတၢ် 5:21

ပှၤတၢ်မၢဖိတဖၣ်ဒိကနၣ်ဝဲကလူးန့ၣ်အကလုၢ်, ဒီးဖဲမုၢ်ဆ့ၣ်ဝါထီၣ် အကတီၢ်န့ၣ်, အဝဲသ့ၣ်လဲၤနုာ်ဝဲဆူတၢ်လုၢ်ဟံၣ်ပူၤဒီးသိၣ်လီၤသီ လီၤတၢ်လီၤ. တုၤပှၤလုၢ်တၢ်အခိၣ်အဒိၣ်ကတၢၢ်ဟဲတုၤဝဲဒီး, အဝဲဒၣ်ဒီးပှၤမၤသကိးတၢ်ဒီးအီၤတဖၣ်ကိးဖှိၣ်ဝဲကယဲၢ်ပှၤ ယူဒၤဖိကရၢအခိၣ်အနၢ်ခဲလၢာ်လၢကအိၣ်ဖှိၣ်ကီၣ်ကးဒီဖုညါ အတၢ်အိၣ်ဖှိၣ်အဂီၢ်, ဒီးမၢလီၤပှၤလဲၤဆူဃိာ်ပူၤဒီးမၤလိာ်ဝဲပှၤ ကဆှၢဃီၤပှၤတၢ်မၢဖိတဖၣ်ဆူအဝဲသ့ၣ်အအိၣ်လီၤ.

မၤတၢ် 5:34

ဘၣ်ဆၣ်ဒီးလၢကီၣ်ကးတဖုန့ၣ်အကျါပှၤဖၤရံၤၡဲတဂၤလၢ အမံၤမ့ၢ်စီၤကမၤလ့လး, ပှၤသိၣ်လိလံာ်တၢ်သိၣ်တၢ်သီဒီးမ့ၢ်ပှၤတဂၤလၢပှၤခဲလၢာ် ယူးယီၣ်ပာ်ကဲအီၤဒိၣ်ဒိၣ်ကလဲာ်န့ၣ်, ဂဲၤဆၢထၢၣ်ဒီးဟ့ၣ်လီၤအကလုၢ်လၢပှၤပၢၤတၢ်ဖိတဖၣ်ကမိၤထီၣ် ကွံာ်တၢ်မၢဖိတဖၣ်န့ၣ်ဆူတၢ်ချၢတစိၢ်တလီၢ်လီၤ.

မၤတၢ် 6:12

အဝဲသ့ၣ်မၤဝဲဒ်သိးအံၤန့ၣ်, မ့ၢ်အမၤဂဲၤထီၣ်ပှၤဂီၢ်မုၢ်ဒီးပှၤယူဒၤဖိကရၢ အခိၣ်အနၢ်တဖၣ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် အသူၣ်အသးလီၤ. အဝဲသ့ၣ်ဖီၣ်စီၤစတ့းဖၣ်ဒီးမိၤထီၣ်အီၤဆူကီၣ်ကး အမဲာ်ညါလီၤ.