မၤတၢ် 5:26 - Sgaw Karen Common Bible

²⁶ အန့ၣ်ဒီး, ပှၤပၢၤတၢ်ဖိအခိၣ်ဒီးအပှၤပၢၤတၢ်ဖိတဖၣ်လဲၤဝဲဒီးဟဲက့ၤ ကိးပှၤတၢ်မၢဖိတဖၣ်န့ၣ်လီၤ. အဝဲသ့ၣ်တမၤဆူၣ်မၤစိးတၢ်မၢဖိ တဖၣ်ဘၣ်. အဂ့ၢ်မ့ၢ်လၢအပျံၤဘၣ်ဝဲပှၤကကွံာ်ဘၣ်ဖုးအဝဲသ့ၣ် လၢလၢၢ်အဃိန့ၣ်လီၤ.

မၤတၢ် 5:26 Iomraidhean Croise

လံာ်မးသဲ 14:5

စီၤဟ့ၤရိာ်သးအိၣ်မၤသံအီၤဘၣ်ဆၣ်, မ့ၢ်လၢအပျံၤပှၤယူဒၤဖိတဖၣ်လၢ အပာ်စီၤယိၤဟၣ်ဒ်ဝံတဂၤအသိးအဃိ, တမၤဝဲဘၣ်.

လံာ်မးသဲ 21:26

ပမ့ၢ်စံး, ‘လၢပှၤဟီၣ်ခိၣ်ဖိအအိၣ်’ ဒီးပဘၣ်ပျံၤဘၣ်ပှၤဂီၢ်မုၢ်လီၤ. အဂ့ၢ်ဒ်အံၤ, ပှၤဂီၢ်မုၢ်နာ်လၢစီၤယိၤဟၣ်မ့ၢ်ဝံတဂၤလီၤ.”

လံာ်မးသဲ 26:5

ဘၣ်ဆၣ်အဝဲသ့ၣ်စံး, “ပတဘၣ်မၤတၢ်အံၤဖဲဘူၣ်အကတီၢ်အံၤဘၣ်, ပှၤဂီၢ်မုၢ်ကတၢထီၣ်တၢလီၤဘၣ်ဖုးလီၤ.”

လံာ်မးသဲ 26:58

စီၤပ့းတရူးပိာ်ထီၣ်အဝဲသ့ၣ်အခံလၢအယံၤ, ပၢၢ်တုၤလၢပှၤလုၢ်တၢ်အခိၣ်အဒိၣ်ကတၢၢ် အဟံၣ်အကရၢၢ်ပူၤန့ၣ် လီၤ. အဝဲလဲၤနုာ်ဆူကရၢၢ်ပူၤတၢ်လီၤပျီအလီၢ်, ဒီးဆ့ၣ်နီၤသကိးဝဲဒီးပှၤခိးတၢ်ပၢၤတၢ်ဖိတဖၣ်, ဒ်သိးကသ့ၣ်ညါတၢ်ကမၤအသးလၢခံကတၢၢ်ဒ်လဲၣ်အဂီၢ်န့ၣ်လီၤ.

လံာ်လူၤကၣ် 20:19

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးပှၤလုၢ်တၢ်အခိၣ်အဒိၣ်တဖၣ်ဂုာ်ကျဲးစၢးဟံးဃာ် ယ့ၣ်ၡူးတဘျီဃီဖဲန့ၣ်, အဂ့ၢ်မ့ၢ်လၢအဝဲသ့ၣ်သ့ၣ်ညါလၢ ယ့ၣ်ၡူးကတိၤတၢ်ကတိၤဒိအဝဲအံၤထီဒါအဝဲသ့ၣ်အဃိ န့ၣ်လီၤ. ဘၣ်ဆၣ်ဒီးအဝဲသ့ၣ်ပျံၤပှၤဂီၢ်မုၢ်လီၤ.

လံာ်လူၤကၣ် 20:6

မ့မ့ၢ်ပမ့ၢ်စံး, ‘ဟဲလၢပှၤကညီအအိၣ်’ ဒီးပှၤကမျၢၢ်ဖဲအံၤခဲလၢာ်ကကွံာ်ပှၤလၢလၢၢ်, အဂ့ၢ်မ့ၢ်လၢအဝဲသ့ၣ်နာ်လၢစီၤယိၤဟၣ်မ့ၢ်ဝံတဂၤအဃိလီၤ.”

လံာ်လူၤကၣ် 22:2

ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဂုာ်ကျဲးစၢးဃုဝဲကျဲတဘိဘိလၢအကမၤသံ ယ့ၣ်ၡူးလၢတၢ်ခူသူၣ်လီၤ. အဂ့ၢ်မ့ၢ်လၢအဝဲသ့ၣ်ပျံၤပှၤဂီၢ်မုၢ်အဃိလီၤ.

လံာ်လူၤကၣ် 22:4

လၢတၢ်န့ၣ်အဃိ, စီၤယူဒၤဟးထီၣ်ဒီးကတိၤတၢ်ဒီးပှၤလုၢ်တၢ် အခိၣ်အဒိၣ်တဖၣ်ဒီးတၢ်လုၢ်ဟံၣ်အပှၤခိးတၢ်ဖိအခိၣ်အနၢ်တဖၣ် ဘၣ်ဃးလၢအကဟ့ၣ်လီၤကွံာ်ယ့ၣ်ၡူးဒ်လဲၣ်ဒ်လဲၣ်အဂ့ၢ်န့ၣ်လီၤ.

မၤတၢ် 4:21

အန့ၣ်ဒီးကီၣ်ကးကတိၤဟ့ၣ်ပလီၢ်အဝဲသ့ၣ်ဆူၣ်န့ၢ်အလီၢ်တက့ၢ်ဝံၤဒီး ပျၢ်ထူၣ်ဖျဲးကွံာ်အဝဲသ့ၣ်လီၤ. လၢကစံၣ်ညီၣ်စီၤပ့းတရူးဒီးစီၤယိၤဟၣ်န့ၣ်သ့ၣ်ညါဝဲလၢတသ့ လ့ၤတက့ၤဘၣ်, အဂ့ၢ်မ့ၢ်လၢပှၤခဲလၢာ်စံးထီၣ်ပတြၢၤကစၢ်ယွၤ, လၢတၢ်လၢအမၤတ့ၢ်အသးအဃိန့ၣ်လီၤ.

မၤတၢ် 5:13

ပှၤလၢအတမ့ၢ်ပှၤစူၢ်က့ၤနာ်က့ၤတၢ်တဖၣ်န့ၣ်, ဟဲပာ်ဖှိၣ်ထီၣ်အသးဒီးအဝဲသ့ၣ်တဘူၣ်သနာ်က့, ပတြၢၤဘၣ်အဝဲသ့ၣ်ဒိၣ်မးလီၤ.

မၤတၢ် 5:22

ဘၣ်ဆၣ်ဒီးတုၤပှၤပၢၤတၢ်ဖိအခိၣ်တဖၣ်လဲၤတုၤဝဲဒီး, အဝဲသ့ၣ်တထံၣ်ဘၣ်ပှၤတၢ်မၢဖိတဖၣ်လၢဃိာ်န့ၣ်အပူၤဘၣ် အဃိ, အဝဲသ့ၣ်ဟဲက့ၤကဒါက့ၤဆူကီၣ်ကးတဖုအအိၣ်ဒီးဟ့ၣ်ထီၣ် တၢ်ကစီၣ်ဒီးစံးဝဲ,

မၤတၢ် 5:24

တုၤတၢ်လုၢ်ဟံၣ်အပှၤပၢၤတၢ်ဖိအခိၣ်တဂၤဒီးပှၤလုၢ်တၢ်အခိၣ် အဒိၣ်တဖၣ်နၢ်ဟူဘၣ်တၢ်ကစီၣ်အံၤဒီး, တၢ်မၤအသးဒီးတၢ်မၢဖိတဖၣ်ဒ်လဲၣ်ဒ်လဲၣ်န့ၣ်, ဆိကမိၣ်က့ၤဝဲလၢအဂ့ၢ်တသ့လၢၤဘၣ်လီၤ.

မၤတၢ် 5:25

အကတီၢ်ဖဲန့ၣ်ပှၤတဂၤဟဲတုၤဒီး စံးဘၣ်အဝဲသ့ၣ်, “ခဲအံၤပှၤတဖၣ်လၢသုဖီၣ်ဒုးဃာ်အီၤလၢဃိာ်ပူၤန့ၣ်, အိၣ်ဆၢထၢၣ်လၢတၢ်လုၢ်ဟံၣ်ပူၤဒီးသိၣ်လီၤသီလီၤတၢ်လီၤ.”