မၤတၢ် 5:22 - Sgaw Karen Common Bible

²² ဘၣ်ဆၣ်ဒီးတုၤပှၤပၢၤတၢ်ဖိအခိၣ်တဖၣ်လဲၤတုၤဝဲဒီး, အဝဲသ့ၣ်တထံၣ်ဘၣ်ပှၤတၢ်မၢဖိတဖၣ်လၢဃိာ်န့ၣ်အပူၤဘၣ် အဃိ, အဝဲသ့ၣ်ဟဲက့ၤကဒါက့ၤဆူကီၣ်ကးတဖုအအိၣ်ဒီးဟ့ၣ်ထီၣ် တၢ်ကစီၣ်ဒီးစံးဝဲ,

မၤတၢ် 5:22 Iomraidhean Croise

လံာ်မးသဲ 26:58

စီၤပ့းတရူးပိာ်ထီၣ်အဝဲသ့ၣ်အခံလၢအယံၤ, ပၢၢ်တုၤလၢပှၤလုၢ်တၢ်အခိၣ်အဒိၣ်ကတၢၢ် အဟံၣ်အကရၢၢ်ပူၤန့ၣ် လီၤ. အဝဲလဲၤနုာ်ဆူကရၢၢ်ပူၤတၢ်လီၤပျီအလီၢ်, ဒီးဆ့ၣ်နီၤသကိးဝဲဒီးပှၤခိးတၢ်ပၢၤတၢ်ဖိတဖၣ်, ဒ်သိးကသ့ၣ်ညါတၢ်ကမၤအသးလၢခံကတၢၢ်ဒ်လဲၣ်အဂီၢ်န့ၣ်လီၤ.

မၤတၢ် 12:18

ဖဲမုၢ်ဆ့ၣ်ဝါထီၣ်န့ၣ်, တၢ်သဘံၣ်ဘုၣ်အိၣ်ထီၣ်ဝဲလၢပှၤပၢၤတၢ်ဖိတဖၣ်အသိးအကျါ အဒိၣ်အအါဒီးအဝဲသ့ၣ်စံးလိာ်အသး, “တၢ်ကဲထီၣ်အသးဒီးစီၤပ့းတရူးဒ်လဲၣ်.”

မၤတၢ် 5:23

“ဖဲပလဲၤတုၤလၢဃိာ်ပူၤန့ၣ်, ပထံၣ်ဘၣ်လၢဃိာ်အတြဲၤတဖၣ်အိၣ်ကးတံာ်ဃာ်အသးဃံးဃံးဒီးပှၤ ပၢၤတၢ်ဖိတဖၣ်ဆၢထၢၣ်ပၢၤဃာ်တြဲၤတဖၣ်, ဘၣ်ဆၣ်တုၤပအိးထီၣ်တြဲၤတဖၣ်တခီ, ပတထံၣ်ပှၤနီတဂၤဘၣ်.”

မၤတၢ် 5:26

အန့ၣ်ဒီး, ပှၤပၢၤတၢ်ဖိအခိၣ်ဒီးအပှၤပၢၤတၢ်ဖိတဖၣ်လဲၤဝဲဒီးဟဲက့ၤ ကိးပှၤတၢ်မၢဖိတဖၣ်န့ၣ်လီၤ. အဝဲသ့ၣ်တမၤဆူၣ်မၤစိးတၢ်မၢဖိ တဖၣ်ဘၣ်. အဂ့ၢ်မ့ၢ်လၢအပျံၤဘၣ်ဝဲပှၤကကွံာ်ဘၣ်ဖုးအဝဲသ့ၣ် လၢလၢၢ်အဃိန့ၣ်လီၤ.