မၤတၢ် 5:16 - Sgaw Karen Common Bible

¹⁶ ပှၤဂီၢ်မုၢ်လၢဒူသဝီအိၣ်ဖဲဝ့ၢ်ယရူၤၡလ့ၣ်အခိၣ်အဃၢၤတဖၣ်စ့ၢ်ကီး, ဟဲဆှၢအပှၤဆူးပှၤဆါဒီးပှၤလၢတၢ်ဝံတၢ်နါဒိးအီၤတဖၣ်, ဒီးပှၤသ့ၣ်တဖၣ်န့ၣ်ဘျါက့ၤဝဲကိးဂၤဒဲးလီၤ.

မၤတၢ် 5:16 Iomraidhean Croise

လံာ်မးသဲ 2:16

တုၤစီၤပၤဟ့ၤရိာ်သ့ၣ်ညါလၢပှၤ ကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်လီန့ၢ်အီၤလံဒီး, အသးဒိၣ်ထီၣ်ဒိၣ်ဒိၣ်ကလဲာ်ဒီးမၢလီၤပှၤဒ်သိးအကလဲၤမၤသံဖိ သၣ်ပိာ်ခွါလၢအသးအိၣ်ခံနံၣ်ဒီးခံနံၣ်အဖီလာ်ခဲလၢာ်လၢ အအိၣ်လၢဝ့ၢ်ဘ့ၤသလ့ဃ့ၣ်ဒီးအခိၣ်အဃၢၤတဖၣ်လီၤ. အဝဲမၤတၢ်အံၤဒ်ပှၤကူၣ်ဘၣ်ကူၣ်သ့တဖၣ်အတၢ်ဒုးသ့ၣ်ညါအီၤဘၣ် ဃးဆၣ်အတၢ်ဟဲအိၣ်ဖျါထီၣ်အဆၢကတီၢ်အသိးန့ၣ်လီၤ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မးသဲ 8:16

တုၤမုၢ်ဟါလီၤဒီး, ပှၤဟဲဆှၢန့ၢ်ယ့ၣ်ၡူးလၢပှၤအါဒံအါဂၤလၢတၢ်နါဒိးအီၤ တဖၣ်လီၤ. ယ့ၣ်ၡူးဟီထီၣ်ကွံာ်သးအအၢတဖၣ်လၢအကလုၢ်တဘီ ဒီးမၤဘျါက့ၤပှၤဆူးပှၤဆါခဲလၢာ်လီၤ.

လံာ်လူၤကၣ် 5:17

ဘၣ်တနံၤဖဲယ့ၣ်ၡူးသိၣ်လီၤသီလီၤတၢ်အဆၢကတီၢ်န့ၣ်, ပှၤဖၤရံၤၡဲတဖၣ်ဒီးပှၤသိၣ်လိတၢ်သိၣ်တၢ်သီတဖၣ်ဆ့ၣ်နီၤအိၣ်ဖဲ န့ၣ်လီၤ. အဝဲသ့ၣ်ဟဲလၢကယဲၢ်ဝ့ၢ်အိၣ်ဖဲကီၢ်ကၤလံၤလါ ဒီးကီၢ်ယူဒၤဒီးလၢဝ့ၢ်ယရူၤၡလ့ၣ်လီၤ. ကစၢ်အစိကမီၤအိၣ်ဝဲဒီး ယ့ၣ်ၡူးလၢအကမၤဘျါပှၤဆူးပှၤဆါတဖၣ်အဂီၢ်လီၤ.

လံာ်လူၤကၣ် 6:18

အဝဲသ့ၣ်ဟဲဝဲဒ်သိးအကနၢ်ဟူဘၣ်အတၢ်ကတိၤဒီးဒ်သိး အတၢ်ဆူးတၢ်ဆါတဖၣ်ကဘၣ်တၢ်မၤဘျါအီၤအဂီၢ်န့ၣ်လီၤ. ပှၤလၢအဘၣ်တၢ်မၤတံာ်တာ်အီၤလၢတၢ်ဝံတၢ်နါတဖၣ်ဟဲ စ့ၢ်ကီးဝဲဒီးဘၣ်တၢ်မၤဘျါက့ၤအီၤလီၤ.

လံာ်လူၤကၣ် 9:11

ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်လဲၤပိာ်အခံလီၤ. အဝဲဒၣ်တူၢ်လိာ်ခီၣ်ဆၢအဝဲသ့ၣ်, ကတိၤတၢ်ဒီးအဝဲသ့ၣ်ဘၣ်ဃးကစၢ်ယွၤအဘီအမုၢ်, ဒီးမၤဘျါပှၤလၢအလိၣ်ဘၣ်တၢ်မၤဘျါက့ၤအီၤတဖၣ်လီၤ.

လံာ်ယိၤဟၣ် 14:12

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအစူၢ်က့ၤနာ်က့ၤယၤန့ၣ် တၢ်မၤလၢယမၤန့ၣ်ကမၤဝဲဒီး, ကမၤတၢ်ဒိၣ်န့ၢ်တၢ်တဖၣ်အံၤ တက့ၢ်, မ့ၢ်လၢယကက့ၤဆူပၢ်အအိၣ်အဃိန့ၣ်လီၤ.

မၤတၢ် 4:30

ယူာ်ထီၣ်နစုလၢတၢ်မၤဘျါက့ၤတၢ်အဂီၢ်, ဒီးလၢတၢ်မၤတၢ်လီၤလးဒီးတၢ်ပနီၣ်လီၤလးတဖၣ်အဂီၢ်, ခီဖျိနခ့နပှၤစီဆှံယ့ၣ်ၡူးအမံၤန့ၣ်တက့ၢ်.”

မၤတၢ် 5:15

မ့ၢ်လၢပှၤတၢ်မၢဖိတဖၣ်မၤတ့ၢ်တၢ်အံၤတဖၣ်အဃိ, ပှၤဟဲစိာ်ထီၣ်ပှၤဆူးပှၤဆါတဖၣ်ဆူကျဲမုၢ်ခိၣ်ဒီးပာ်လီၤ အဝဲသ့ၣ်လၢလီၢ်မံခးဒီးချီၣ်တဖၣ်အဖီခိၣ်, ဒ်သိးဒီးဖဲစီၤပ့းတရူးလဲၤတုၤဘၣ်ဖဲအကပၤထံးအခါ, အစှၤကတၢၢ်အကဒုကလီၤဘၣ်လၢအဝဲသ့ၣ်တနီၤအလိၤန့ၣ်လီၤ.

မၤတၢ် 5:17

အန့ၣ်ဒီး, ပှၤလုၢ်တၢ်အခိၣ်အဒိၣ်ကတၢၢ်တဂၤဒီးပှၤမၤသကိးတၢ်ဒီးအီၤ တဖၣ်လၢအမ့ၢ်ပှၤစးဒူၤကဲအကရၢဖိဘၣ်ဃးဒီးတၢ်လီၢ်ကဝီၤဖဲန့ၣ်, အသူၣ်က့ၣ်အသးကါဘၣ်ပှၤတၢ်မၢဖိတဖၣ်ဒိၣ်ဒိၣ်ကလဲာ်သတးဒီး, စံၣ်ညီၣ်တဲာ်သကိးဝဲလၢကမၤတၢ်တမံၤမံၤန့ၣ်လီၤ.

1 ကရံၣ်သူး 12:9

သးစီဆှံတဂၤဃီဟ့ၣ်ပှၤတဂၤလၢတၢ်စူၢ်တၢ်နာ်, ဒီးပှၤတဂၤဒၣ်လၢတၢ်စိတၢ်ကမီၤဘၣ်ဃးဒီးတၢ်မၤဘျါက့ၤ တၢ်လီၤ.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.