မၤတၢ် 5:14 - Sgaw Karen Common Bible

¹⁴ ဘၣ်ဆၣ်ဒီး, ပှၤလၢအစူၢ်က့ၤနာ်က့ၤကစၢ်အနီၣ်ဂံၢ်မုၣ်မုၣ်ခွါခွါအါထီၣ်ဝဲဒၣ်ပှီၢ်ပှီၢ်န့ၣ်လီၤ.

မၤတၢ် 5:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:19

ဒီးဟ့ၣ်နီၤလီၤတၢ်အီၣ်တၢ်အီတဖၣ်ဆူအဝဲသ့ၣ်ခဲလၢာ်အအိၣ်န့ၣ် လီၤ. အဝဲဟ့ၣ်လီၤပိာ်ခွါဒီးပိာ်မုၣ်တဂၤစုာ်စုာ်လၢကီၢ်အံၣ်စရ့လး အပူၤ, လၢကိၣ်တဂၤတလိၣ်, တၢ်ညၣ်အကၣ်တဂၤတလိၣ်ဒီးစပံးသၣ်ဃ့တနီၤန့ၣ်လီၤ. အန့ၣ်ဝံၤဒီးပှၤကိးဂၤဒဲးက့ၤဆူအဟံၣ်န့ၣ်လီၤ.

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

လံာ်စီၤနဃ့မယၤ 8:2

ဒီးလၢတၢ်န့ၣ်အဃိစီၤဧ့စြၤဟဲစိာ်ယူဒၤတၢ်သိၣ်တၢ်သီအလံာ် ဆူတၢ်လီၢ်ဖဲပှၤဂီၢ်မုၢ်လၢအမ့ၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ်လၢအနၢ်ပၢၢ်တၢ်သ့လံဝဲပာ်ဖှိၣ် အသးန့ၣ်လီၤ.

လံာ်တၢ်ဟးထီၣ်ကွံာ် 35:22

ပှၤကိးဂၤဒဲးလၢအသးအိၣ်တၢ်, ပိာ်မုၣ်မ့ၢ်ဂ့ၤပိာ်ခွါမ့ၢ်ဂ့ၤ ခဲလၢာ်ဟဲစိာ်တၢ်ကယၢကယဲ, ထးကမိာ်ခံတဖၣ်, နၢ်ဒံးတဖၣ်, ပသံးတဖၣ်, ဖဲတဖၣ်ဒီးကယဲၢ်ထူ, တၢ်မျၢ်လုၢ်ဒိၣ်ပှ့ၤဒိၣ်တဖၣ်ဒီးပာ်စီဆှံထီၣ်အီၤဆူ ယွၤအအိၣ်လီၤ.

လံာ်ယၡါယၤ 45:24

အဝဲသ့ၣ်ကစံးဝဲလၢ, တၢ်မၤနၢၤဒီးတၢ်ဂံၢ်တၢ်ဘါန့ၣ်တၢ်ထံၣ် န့ၢ်အီၤခီဖျိဒၣ်ထဲလၢယၤတဂၤဧိၤန့ၣ်လီၤ. မ့မ့ၢ်ပှၤလၢအသးဟ့ယၤခဲလၢာ် ကတူၢ်ဘၣ်တၢ်မဲာ်ဆှးလီၤ.

မၤတၢ် 11:24

စီၤဘၢ်နါဘၤမ့ၢ်ပှၤဂ့ၤပှၤဝါတဂၤလၢအလၢပှဲၤဒီးသးစီဆှံ ဒီးတၢ်စူၢ်တၢ်နာ်လီၤ. ဒီးပှၤအါဂၤဘၣ်တၢ်ဆှၢက့ၤအီၤဆူကစၢ် အအိၣ်န့ၣ်လီၤ.

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

မၤတၢ် 22:4

ပှၤလၢအပိာ်ယ့ၣ်ၡူးခရံာ်အကျဲတဖၣ်န့ၣ်, ယမၤအၢမၤနးအီၤတုၤတၢ်မၤသံဒၣ်လဲာ်န့ၣ်လီၤ. ယဖီၣ်ဒီးဒၢနုာ်ပိာ်မုၣ်ပိာ်ခွါတဖၣ်ဆူဃိာ်ပူၤလီၤ.

မၤတၢ် 4:4

ဘၣ်ဆၣ်ဒီးပှၤအါဂၤလၢအနၢ်ဟူဘၣ်တၢ်ကစီၣ်န့ၣ်, စူၢ်က့ၤနာ်က့ၤယ့ၣ်ၡူးသတးဒီး, ပှၤစူၢ်က့ၤနာ်က့ၤတၢ်ခဲလၢာ်ကပှဲၤထီၣ်ယဲၢ်ကထိဂၤဃၣ်ဃၣ်န့ၣ်လီၤ.

မၤတၢ် 6:7

အန့ၣ်သတးဒီးကစၢ်ယွၤအကလုၢ်ကထါရၤလီၤအသးအါထီၣ်ဝဲကွ့ၢ် ကွ့ၢ်လီၤ. အပျဲၢ်အဘီၣ်အနီၣ်ဂံၢ်လၢဝ့ၢ်ယရူၤၡလ့ၣ်အပူၤအါထီၣ်ဂီၢ် ထီၣ်ဒိၣ်ဒိၣ်ကလဲာ်, ဒီးပှၤလုၢ်တၢ်အခိၣ်တဘျုးဒံတဘျုးဂၤစူၢ် က့ၤနာ်က့ၤတၢ်လီၤ.

မၤတၢ် 8:12

ဘၣ်ဆၣ်ဒီးတုၤအဝဲသ့ၣ်စူၢ်က့ၤနာ်က့ၤတၢ်သးခုအကစီၣ် လၢစီၤဖံလံးပူးစံၣ်တဲၤတဲလီၤဝဲဘၣ်ဃးကစၢ်ယွၤအဘီအမုၢ်ဒီး ယ့ၣ်ၡူးခရံာ်အဂ့ၢ်န့ၣ်, အဝဲသ့ၣ်ဒိးဘျၢအသးလၢထံ, မုၣ်မုၣ်ခွါခွါန့ၣ်လီၤ.

မၤတၢ် 8:3

မ့မ့ၢ်စီၤစီလူးတဂၤဂုာ်ကျဲးစၢးမၤဟးဂီၤကွံာ်တၢ်အိၣ်ဖှိၣ်န့ၣ်လီၤ. အဝဲဒၣ်နုာ်လီၤဟံၣ်တဖျၢၣ်ဝံၤတဖျၢၣ်, မိၤထီၣ်ကွံာ်ဝဲပှၤစူၢ်က့ၤနာ်က့ၤတၢ်တဖၣ်မုၣ်မုၣ်ခွါခွါ, ဒီးဒၢနုာ်အဝဲသ့ၣ်လၢဃိာ်ပူၤလီၤ.

မၤတၢ် 9:2

ဒီးဃ့န့ၢ်ဝဲလံာ်အုၣ်အသးတဖၣ်လၢကလဲၤစိာ်ဝဲဆူဘူၣ် ဘျီၣ်လၢအမ့ၢ်တၢ်ဘါလီၢ်လၢအအိၣ်လၢဝ့ၢ်ဒၤမ့ၤစ့းအပူၤန့ၣ်လီၤ. လံာ်အုၣ်အသးတဖၣ်အံၤမ့ၢ်လၢအကဟ့ၣ်စိဟ့ၣ်ကမီၤအီၤဒ် သိးဒီးဖဲအထံၣ်န့ၢ်ပှၤတဂၤလၢ်လၢ်မုၣ်ဂ့ၤခွါဂ့ၤလၢအပိာ် ကျဲလၢကစၢ်ဒုးနဲၣ်ဝဲန့ၣ်, ကဖီၣ်ဝဲဒီးဟဲက့ၤဆှၢအီၤဆူဝ့ၢ်ယရူၤၡလ့ၣ်ကသ့အဂီၢ်န့ၣ်လီၤ.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

မၤတၢ် 9:35

ကယဲၢ်ပှၤအိၣ်လၢဝ့ၢ်လူးဒၤဒီးတၢ်ပၢၤခိၣ်ၡၤရိၣ်ခဲလၢာ်ထံၣ်ဘၣ်အီၤ သတးဒီးကဲထီၣ်ပှၤစူၢ်က့ၤနာ်က့ၤကစၢ်န့ၣ်လီၤ.

မၤတၢ် 9:42

တၢ်ကစီၣ်ဘၣ်ဃးတၢ်မၤအသးတမံၤအံၤဟူထီၣ်သါလီၤဝဲသကုၤ လၢဝ့ၢ်ယၤဖိၤအပူၤ, ဒီးပှၤစူၢ်က့ၤနာ်က့ၤကစၢ်တဘျုးဒံတဘျုးဂၤလီၤ.

၂ ကရံၣ်သူး 6:15

ခရံာ်ဒီးမုၣ်ကီၤလံၢ်န့ၣ် အသးလီၤပလိာ်ကသ့ဝဲလၢကျဲဒ် လဲၣ်. ပှၤစူၢ်က့ၤနာ်က့ၤတၢ်တဂၤဒီးပှၤတစူၢ်တနာ်တၢ်တဂၤ န့ၣ်လီၤဂာ်လိာ်အသးကသ့လၢတၢ်မနုၤတမံၤလဲၣ်.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.