မၤတၢ် 4:34 - Sgaw Karen Common Bible

³⁴ လၢပှၤစူၢ်က့ၤနာ်က့ၤတၢ်တဖၣ်အကျါပှၤအဖှီၣ်အယာ်တအိၣ်နီတဂၤဘၣ်. အဂ့ၢ်ဒ်အံၤ, ပှၤလၢအအိၣ်ဒီးစံာ်လီၢ်ပှဲၤလီၢ်ဒီးဟံၣ်ဃီန့ၣ်ဆါလီၤကွံာ်ဝဲ, ဒီးကျိၣ်စ့လၢအဒိးန့ၢ်ဘၣ်ဝဲန့ၣ်ဟဲစိာ်ဝဲ,

မၤတၢ် 4:34 Iomraidhean Croise

လံာ်မးသဲ 19:21

ယ့ၣ်ၡူးစံးဘၣ်အီၤ, “နမ့ၢ်သးအိၣ်လၢနကလၢထီၣ်ပှဲၤထီၣ်န့ၣ်, လဲၤဒီးဆါလီၤကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်လီၤနကျိၣ်နစ့ဆူပှၤဖှီၣ်ဖိယာ်ဖိတက့ၢ်. တုၤနုၤတစု နကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤ, ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်မၢ်ကူး 10:21

ယ့ၣ်ၡူးကွၢ်အီၤပှဲၤဒီးတၢ်အဲၣ်တၢ်ကွံဒီးစံးဘၣ်အီၤ, “တၢ်လၢနမၤတလၢတပှဲၤဒံးဘၣ်န့ၣ်အိၣ်တမံၤလီၤ. လဲၤဒီးဆါကွံာ်ကယဲၢ်တၢ်လၢအအိၣ်ဒီးနၤန့ၣ် ဒီးကျိၣ်စ့လၢနန့ၢ်ဘၣ်န့ၣ် ဟ့ၣ်နီၤလီၤပှၤဖှီၣ်ဖိယာ်ဖိတ ဖၣ်, ဒီးနကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်လူၤကၣ် 12:33

ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ.

လံာ်လူၤကၣ် 16:9

ဒီးယ့ၣ်ၡူးကတိၤတၢ်ဒီးစံးဝဲ, “ဒီးလၢတၢ်န့ၣ်အဃိယစံးဘၣ်တဲဘၣ်သု, ဒ်သိးသုကမၤန့ၢ်တံၤသကိးအဂီၢ်, သူဟီၣ်ခိၣ်အတၢ်ထူးတၢ်တီၤ, ဒီးတုၤအလၢာ်ကွံာ်ဒီး သုကဘၣ်တၢ်တူၢ်လိာ်ခီၣ်ဆၢသုလၢဟံၣ်အထူအယိာ်န့ၣ်တက့ၢ်.

လံာ်လူၤကၣ် 22:35

အန့ၣ်ဝံၤအလီၢ်ခံ, ယ့ၣ်ၡူးစံးဘၣ်အဝဲသ့ၣ်, “တဘျီဖဲယမၢလီၤသု, တအိၣ်ဒီးစ့ထၢၣ်မ့ၢ်ဂ့ၤ, တၢ်အီၣ်အထၢၣ်မ့ၢ်ဂ့ၤ, ခီၣ်ဖံးမ့ၢ်ဂ့ၤန့ၣ်, တၢ်တလၢတပှဲၤလၢသုဂီၢ်အိၣ်ဝဲတမံၤမံၤဒံးဧါ.”

မၤတၢ် 2:45

အဝဲသ့ၣ်ဆါလီၤကွံာ်အတၢ်စုလီၢ်ခီၣ်ခိၣ်ဒီးအတၢ်ဖိတၢ်လံၤတဖၣ်, ဒီးဟ့ၣ်နီၤလီၤဝဲစ့ဒ်တဂၤဒီးတဂၤလိၣ်ဘၣ်ဝဲအသိးန့ၣ်လီၤ.

မၤတၢ် 4:37

အိၣ်ဒီးအစံာ်တလီၢ်လၢအဆါလီၤကွံာ်ဝဲဝံၤ, ဟဲစိာ်အစ့န့ၣ်ဒီးဟ့ၣ်လီၤဝဲလၢပှၤတၢ်မၢဖိတဖၣ်အစုပူၤလီၤ.

၂ ကရံၣ်သူး 8:14

ဘၣ်ဆၣ်ဒီး, ဖဲဆၢကတီၢ်အဝဲအံၤန့ၣ် ဒ်သုတၢ်အိၣ်အါအါဂီၢ်ဂီၢ် အသိး, မ့ၢ်ဒၣ်တၢ်အကြၢးဝဲဘၣ်ဝဲတမံၤလၢသုကမၤစၢၤပှၤလိၣ် ဘၣ်တၢ်တဖၣ်န့ၣ်လီၤ. တုၤနုၤတစုဖဲသုလိၣ်ဘၣ်တၢ်, ဒီးအဝဲသ့ၣ်အတၢ်အိၣ်အါအါအဆၢကတီၢ်န့ၣ်, အဝဲသ့ၣ်ကမၤစၢၤသုလီၤ. လၢကျဲဒ်အံၤအပူၤန့ၣ်, ပှၤခံခီယၢ်ဘးကဘၣ်တၢ်မၤစၢၤအီၤပှဲၤသိးသိးလီၤ.

လံာ်သိၣ်လီၤသီလီၤတၢ် 2:7

သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

၁ သ့းစၤလနံ 4:12

သုမ့ၢ်မၤဒ်န့ၣ်ဒီး, သုကဒိးန့ၢ်ဘၣ်ပှၤလၢအတစူၢ်တနာ်ခရံာ်တဖၣ်အတၢ်ယူးယီၣ် ပာ်ကဲသု, ဒီးအလီၢ်တအိၣ်လၢသုကသန့ၤသုသးလၢပှၤဂုၤ ပှၤဂၤလၢသုတၢ်လိၣ်တဖၣ်အဂီၢ်န့ၣ်ဘၣ်လီၤ.

၁ တံၤမသ့း 6:19

လၢကျဲဒ်အံၤအပူၤ, အဝဲသ့ၣ်ကပာ်ဖှိၣ်တၢ်လၢအဂီၢ်ဒၣ်ဝဲ, တၢ်ထူးတၢ်တီၤတမံၤလၢကမ့ၢ်တၢ်အခီၣ်ထံးအဂၢၢ်အကျၢၤ တခါလၢတၢ်ခဲကိာ်တဃၣ်အဂီၢ်န့ၣ်လီၤ. အန့ၣ်တစု, အဝဲသ့ၣ်ကမၤန့ၢ်တၢ်မူလၢအမ့ၢ်တၢ်မူနီၢ်နီၢ်န့ၣ်လီၤ.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.