မၤတၢ် 4:33 - Sgaw Karen Common Bible

³³ ပှၤတၢ်မၢဖိတဖၣ်အုၣ်အသးအိၣ်ဒီးတၢ်စိကမီၤဖးဒိၣ်လၢ ကစၢ်ယ့ၣ်ၡူးဂဲၤဆၢထၢၣ်သမူထီၣ်က့ၤလၢတၢ်သံအဂ့ၢ်, ဒီးကစၢ်ယွှၤလူလီၤဂၢ်လီၤတၢ်ဘျုးတၢ်ဖှိၣ်ဒိၣ်ဒိၣ်အါအါအိၣ် လၢအဝဲသ့ၣ်ခဲလၢာ်အလိၤလီၤ.

မၤတၢ် 4:33 Iomraidhean Croise

လံာ်မၢ်ကူး 16:20

အပျဲၢ်အဘီၣ်တဖၣ်လဲၤဝဲဒီးစံၣ်တဲၤတဲလီၤတၢ်လၢတၢ်လီၢ်ကိး ပူၤဒဲးလီၤ. ကစၢ်ယ့ၣ်ၡူးမၤသကိးတၢ်ဒီးအဝဲသ့ၣ်, ဒီးခီဖျိတၢ်လီၤလးလၢအဘၣ်တၢ်မၤအီၤတဖၣ်န့ၣ်, ကစၢ်မၤဖျါထီၣ်လၢတၢ်ကစီၣ်လၢအဝဲသ့ၣ်စံၣ်တဲၤတဲလီၤဝဲန့ၣ် မ့ၢ်တၢ်အဘၣ်ဒီးတီဝဲလီၤ.] [

လံာ်လူၤကၣ် 2:52

ဒီးယ့ၣ်ၡူးဒိၣ်ထီၣ်လၢနီၢ်ခိဒီးလၢတၢ်ကူၣ်ဘၣ်ကူၣ်သ့ခံမံၤလၢာ်, ဒီးလၢတၢ်ဘၣ်ကစၢ်ယွၤအသးဒီးပှၤကညီအသးအပူၤန့ၣ်လီၤ.

လံာ်ယိၤဟၣ် 1:16

လၢအဝဲဒၣ်အတၢ်ဘျုးတၢ်ဖှိၣ်အတၢ်လၢတၢ်ပှဲၤအပူၤန့ၣ်, ပဝဲခဲလၢာ်ပဒိးန့ၢ်တၢ်ဘျုးတၢ်ဖှိၣ်တမံၤဝံၤတမံၤန့ၣ်လီၤ.

မၤတၢ် 1:22

စးထီၣ်လၢစီၤယိၤဟၣ်စံၣ်တဲၤတဲလီၤအတၢ်ဘျၢပှၤလၢထံအဂ့ၢ်, တုၤလီၤလၢယ့ၣ်ၡူးဘၣ်တၢ်ဟံးထီၣ်ကွံာ်အီၤလၢပအိၣ်ဆူမူခိၣ် တစုန့ၣ်လီၤ.”

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

မၤတၢ် 4:30

ယူာ်ထီၣ်နစုလၢတၢ်မၤဘျါက့ၤတၢ်အဂီၢ်, ဒီးလၢတၢ်မၤတၢ်လီၤလးဒီးတၢ်ပနီၣ်လီၤလးတဖၣ်အဂီၢ်, ခီဖျိနခ့နပှၤစီဆှံယ့ၣ်ၡူးအမံၤန့ၣ်တက့ၢ်.”

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.