မၤတၢ် 4:31 - Sgaw Karen Common Bible

³¹ တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

မၤတၢ် 4:31 Iomraidhean Croise

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”

လံာ်ယိၤဟၣ် 14:12

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအစူၢ်က့ၤနာ်က့ၤယၤန့ၣ် တၢ်မၤလၢယမၤန့ၣ်ကမၤဝဲဒီး, ကမၤတၢ်ဒိၣ်န့ၢ်တၢ်တဖၣ်အံၤ တက့ၢ်, မ့ၢ်လၢယကက့ၤဆူပၢ်အအိၣ်အဃိန့ၣ်လီၤ.

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 15:7

သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

မၤတၢ် 14:3

ပှၤတၢ်မၢဖိခံဂၤအံၤအိၣ်ဖဲန့ၣ်ဖးယံာ်လီၤ. အဝဲသ့ၣ်စံးကတိၤတၢ်ဒူဒူဘၣ်ဃးဒီးကစၢ်အဂ့ၢ်ဒီးအတၢ် ကစီၣ်ဘၣ်ဃးဒီးကစၢ်အဘျုးအဖှိၣ်အံၤမ့ၢ်တၢ်မ့ၢ်တၢ်တီအဂ့ၢ်န့ၣ်, ကစၢ်အုၣ်အသးခီဖျိအဟ့ၣ်တၢ်စိတၢ်ကမီၤလၢတၢ်မၤတၢ်လီၤလးဒီး တၢ်ပနီၣ်လီၤလးတဖၣ်န့ၣ်လီၤ.

မၤတၢ် 2:1

ဖဲဘူၣ်ယဲၢ်ဆံအမုၢ်နံၤတုၤဃီၤဝဲန့ၣ်, ပှၤစူၢ်က့ၤနာ်က့ၤတၢ်ခဲလၢာ်ပာ်ဖှိၣ်ထီၣ်အသးလၢတၢ်လီၢ် တပူၤဃီန့ၣ်လီၤ.

မၤတၢ် 2:2

သတူၢ်ကလာ်, တၢ်အသီၣ်ဟဲလီၤလၢမူခိၣ်လီၤဂာ်ဒ်ကလံၤလၢအအူတၢ်ဆူၣ်မး အသိး, ဒီးတၢ်အသီၣ်အံၤမၤပှဲၤဟံၣ်လၢအဝဲသ့ၣ်ဆ့ၣ်နီၤဝဲလၢအပူၤဒီ တဖျၢၣ်ညါလီၤ.

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

မၤတၢ် 4:13

ပှၤလၢအအိၣ်လၢကီၣ်ကးအပူၤတဖၣ်တုၤအထံၣ်ဘၣ်စီၤပ့းတရူး ဒီးစီၤယိၤဟၣ်အတၢ်သူၣ်ဒူသးဒူဒီးသ့ၣ်ညါဝဲလၢပှၤခံ ဂၤအံၤမ့ၢ်ပှၤတမၤလိမၤဒိးဘၣ်တၢ်ဘၣ်, ဒီးမ့ၢ်ဒၣ်ပှၤမုၢ်ဆ့ၣ်မုၢ်ဂီၤဖိသတးဒီး, အဝဲသ့ၣ်ကမၢကမၣ်ဝဲဒၣ်လီၤ. အန့ၣ်ဒီးသ့ၣ်ညါဝဲလၢအဝဲသ့ၣ်မ့ၢ်တ့ၢ်ပှၤတဖၣ်လၢအရ့လိာ်ဘၣ် အသးတံၢ်တံၢ်ဒီးယ့ၣ်ၡူးန့ၣ်လီၤ.

မၤတၢ် 4:29

မ့မ့ၢ်ခဲကနံၣ်အံၤ, ကစၢ်ဧၢ, ကနၣ်ကွၢ်အဝဲသ့ၣ်အတၢ်ကတိၤပျံၤကတိၤဖုးတ့ၢ်ပဝဲဒၣ်တဖၣ်န့ၣ်, ဒီးဒုးစံးဒုးကတိၤပဝဲနခ့နပှၤတဖၣ်လၢနတၢ်ကစီၣ်, လၢတၢ်သူၣ်ဒူသးဒူအပူၤတက့ၢ်.

ဖံလံးပံၤ 1:14

ဒီးယတၢ်ဘၣ်အိၣ်လၢဃိာ်ပူၤအံၤဟ့ၣ်အါထီၣ်ယဒီပုၢ်ဝဲၢ် တဖၣ်အတၢ်နာ်လၢကစၢ်အပူၤသတးဒီး, အဝဲသ့ၣ်အသးဒူဒိၣ်ထီၣ်ကိးဆၢကိးကတီၢ်ဒဲးလၢအကစံၣ် တဲၤတဲလီၤယွၤအတၢ်ကစီၣ်လၢတၢ်သးဒူအပူၤန့ၣ်လီၤ.

ဖံလံးပံၤ 1:20

ယတၢ်အဲၣ်ဒိးဒီးတၢ်မုၢ်လၢ်အဒိၣ်အယိာ်မ့ၢ်ဒ်သိးယသု တလီၤတိၢ်လၢယမူဒါတဂ့ၤ, မ့မ့ၢ်ကိးဆၢကတီၢ်ဒဲးဒီးလီၤဆီဒၣ် တၢ်ခဲကနံၣ်အံၤ, ယကလၢပှဲၤဒီးတၢ်သးဒူ, ဒ်သိးယမူမ့ၢ်ဂ့ၤ, ယသံမ့ၢ်ဂ့ၤခရံာ်ကဘၣ်တၢ်မၤလၤကပီၤအီၤလၢယနီၢ်ဒီဂၤညါန့ၣ်လီၤ.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.