မၤတၢ် 4:3 - Sgaw Karen Common Bible

³ သတးဒီးအဝဲသ့ၣ်ဖီၣ်ပှၤတၢ်မၢဖိခံဂၤန့ၣ်, ဒီးဒၢနုာ်ဃာ်အီၤလၢဃိာ်ပူၤတုၤလၢမုၢ်ဆ့ၣ်ထီၣ်တနံၤ, မ့ၢ်လၢမုၢ်ကလီၤနုာ်တ့ၢ်ဝဲအဃိလီၤ.

မၤတၢ် 4:3 Iomraidhean Croise

လံာ်မးသဲ 4:12

တုၤယ့ၣ်ၡူးနၢ်ဟူဝဲလၢစီၤယိၤဟၣ်ဘၣ်တၢ်ဖီၣ်အီၤဝံၤဒၢနုာ် အီၤလၢဃိာ်ပူၤလံဒီးအဝဲဒၣ်က့ၤဝဲဆူကီၢ်ကၤလံၤလါလီၤ.

လံာ်လူၤကၣ် 22:52

တုၤနုၤတစုယ့ၣ်ၡူးစံးဘၣ်ပှၤလုၢ်တၢ်အခိၣ်အဒိၣ်တဖၣ် ဒီးတၢ်လုၢ်ဟံၣ်အပှၤခိးတၢ်ဖိအခိၣ်အနၢ်တဖၣ်ဒီးပှၤ ယူဒၤဖိကရၢအခိၣ်အနၢ်တဖၣ်လၢအဟဲတ့ၢ်ဝဲဖဲန့ၣ်ဒ်သိးအကဖီၣ်အီၤန့ၣ်, “မ့ၢ်သုဘၣ်ဟဲလၢနးဒီးနီၣ်တီၢ်, မၤမးအသးဒ်ယမ့ၢ်ပှၤလၢ အလုၣ်သ့ၣ်ခါပတာ်ထံကီၢ်အတၢ်သိၣ်တၢ်သီတဂၤအသိးန့ၣ်ဧါ.

လံာ်လူၤကၣ် 22:54

တုၤနုၤတစုအဝဲသ့ၣ်ဖီၣ်ယ့ၣ်ၡူးဒီးစိာ်ကွံာ်အီၤဆူပှၤလုၢ်တၢ် အခိၣ်အဒိၣ်ကတၢၢ်အဟံၣ်ပူၤ, ဒီးစီၤပ့းတရူးပိာ်ထီၣ်သကွ့ၤအခံလီၤ.

လံာ်ယိၤဟၣ် 18:12

မၤသးဒ်န့ၣ်ဒီး, ပှၤရိမ့ၤသုးဖိတဖၣ်ဃုာ်ဒီးအသုးခိၣ်ဒီး ယူဒၤအပှၤပၢၤတၢ်လုၢ်ဟံၣ်တဖၣ်, ဖီၣ်ယ့ၣ်ၡူးဒီးစၢဃာ်အီၤ,

မၤတၢ် 5:18

အဝဲသ့ၣ်ဖီၣ်ဝဲပှၤတၢ်မၢဖိတဖၣ်န့ၣ်ဒီးဒၢနုာ်အဝဲသ့ၣ်လၢကမျၢၢ် အဃိာ်ပူၤန့ၣ်လီၤ.

မၤတၢ် 6:12

အဝဲသ့ၣ်မၤဝဲဒ်သိးအံၤန့ၣ်, မ့ၢ်အမၤဂဲၤထီၣ်ပှၤဂီၢ်မုၢ်ဒီးပှၤယူဒၤဖိကရၢ အခိၣ်အနၢ်တဖၣ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် အသူၣ်အသးလီၤ. အဝဲသ့ၣ်ဖီၣ်စီၤစတ့းဖၣ်ဒီးမိၤထီၣ်အီၤဆူကီၣ်ကး အမဲာ်ညါလီၤ.

မၤတၢ် 8:3

မ့မ့ၢ်စီၤစီလူးတဂၤဂုာ်ကျဲးစၢးမၤဟးဂီၤကွံာ်တၢ်အိၣ်ဖှိၣ်န့ၣ်လီၤ. အဝဲဒၣ်နုာ်လီၤဟံၣ်တဖျၢၣ်ဝံၤတဖျၢၣ်, မိၤထီၣ်ကွံာ်ဝဲပှၤစူၢ်က့ၤနာ်က့ၤတၢ်တဖၣ်မုၣ်မုၣ်ခွါခွါ, ဒီးဒၢနုာ်အဝဲသ့ၣ်လၢဃိာ်ပူၤလီၤ.

မၤတၢ် 9:2

ဒီးဃ့န့ၢ်ဝဲလံာ်အုၣ်အသးတဖၣ်လၢကလဲၤစိာ်ဝဲဆူဘူၣ် ဘျီၣ်လၢအမ့ၢ်တၢ်ဘါလီၢ်လၢအအိၣ်လၢဝ့ၢ်ဒၤမ့ၤစ့းအပူၤန့ၣ်လီၤ. လံာ်အုၣ်အသးတဖၣ်အံၤမ့ၢ်လၢအကဟ့ၣ်စိဟ့ၣ်ကမီၤအီၤဒ် သိးဒီးဖဲအထံၣ်န့ၢ်ပှၤတဂၤလၢ်လၢ်မုၣ်ဂ့ၤခွါဂ့ၤလၢအပိာ် ကျဲလၢကစၢ်ဒုးနဲၣ်ဝဲန့ၣ်, ကဖီၣ်ဝဲဒီးဟဲက့ၤဆှၢအီၤဆူဝ့ၢ်ယရူၤၡလ့ၣ်ကသ့အဂီၢ်န့ၣ်လီၤ.