မၤတၢ် 4:29 - Sgaw Karen Common Bible

²⁹ မ့မ့ၢ်ခဲကနံၣ်အံၤ, ကစၢ်ဧၢ, ကနၣ်ကွၢ်အဝဲသ့ၣ်အတၢ်ကတိၤပျံၤကတိၤဖုးတ့ၢ်ပဝဲဒၣ်တဖၣ်န့ၣ်, ဒီးဒုးစံးဒုးကတိၤပဝဲနခ့နပှၤတဖၣ်လၢနတၢ်ကစီၣ်, လၢတၢ်သူၣ်ဒူသးဒူအပူၤတက့ၢ်.

မၤတၢ် 4:29 Iomraidhean Croise

လံာ်ယၡါယၤ 58:1

ယွၤစံးဝဲဒၣ်, “ကိးထီၣ်နဲဒိၣ်ဒိၣ်တသ့ဖဲအသ့တက့ၢ်. တဲဘၣ်ယပှၤဂီၢ်မုၢ်အံၣ်စရ့လးဘၣ်ဃးအတၢ်ဒဲးဘးတ ဖၣ်အဂ့ၢ်တက့ၢ်.

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်သးသယုၢ်တၢ် 3:50

တုၤလၢယွၤကွၢ်လီၤဝဲလၢမူခိၣ်ဒီးထံၣ်ပှၤန့ၣ်လီၤ.

လံာ်သးသယုၢ်တၢ် 5:1

ယွၤဧၢ, သ့ၣ်နီၣ်ထီၣ်တၢ်မၤအသးဒီးပှၤတက့ၢ်. ကွၢ်ဃီၤပှၤဒီးထံၣ်ပတၢ်မဲာ်ဆှးတက့ၢ်.

လံာ်ယဃ့းစက့လး 2:6

ဘၣ်ဆၣ်နဲဒၣ်, ပှၤကညီလၢအသံသ့အံၤ, နတဘၣ်ပျံၤအဝဲသ့ၣ်မ့ၢ် ဂ့ၤ, တၢ်လၢအဝဲသ့ၣ်စံးဝဲတမံၤမံၤမ့ၢ်ဂ့ၤန့ၣ်ဘၣ်. အဝဲသ့ၣ်ကခီၣ်ဆၢနၤဒီးကပာ်နၤဒ်ပှၤလၢတဂိာ်တသီၣ်တၢ်ဘၣ် န့ၣ်လီၤ. တၢ်န့ၣ်ကမၤအသးဒ်တၢ်အိၣ်ဆိးလၢပတ့ၤချဲးတဖၣ် အကျါအသိးန့ၣ်လီၤ. အန့ၣ်ဒၣ်လဲာ်ပျံၤပှၤပူထီၣ်တၢ်ဖိ တဖၣ်န့ၣ်မ့ၢ်ဂ့ၤ, တၢ်တမံၤမံၤလၢအဝဲသ့ၣ်စံးဝဲမ့ၢ်ဂ့ၤ, န့ၣ်တဂ့ၤ.

လံာ်ဒၤနံးယ့လး 9:18

အိကစၢ်ယွၤဧၢ, ဒိကနၣ်လၢ်ပှၤတက့ၢ်. ကွၢ်လီၤပှၤဒီးထံၣ်လီၤ ပတၢ်ကိၢ်တၢ်ဂီၤလၢအအိၣ်လၢပပူၤဒီးဝ့ၢ်တဝ့ၢ်လၢအအိၣ်ဒီး နမံၤအတၢ်ဘၣ်နးဘၣ်ဖှီၣ်န့ၣ်တက့ၢ်. ပဘါထုကဖၣ်တၢ်ဆူနအိၣ်န့ၣ်မ့ၢ် လၢနလၢပှဲၤဒီးတၢ်သးကညီၤအဃိလီၤ. တမ့ၢ်ဘၣ်လၢပမၤ တ့ၢ်တၢ်လိၤတၢ်ဘၣ်အဃိဘၣ်.

လံာ်မံကၤ 3:8

မ့မ့ၢ်ယဲဒၣ်အံၤ, ယွၤမၤပှဲၤယၤလၢအသးဒီးတၢ်စိတၢ်ကမီၤ, ဒီးဟ့ၣ်ယၤတၢ်သ့ၣ်ညါဘၣ်ဃးဒီးတၢ်စံၣ်ညီၣ်တီဒီးတၢ်သူၣ်ဒူ သးဒူလၢယကစံးဘၣ်တဲဘၣ်အံၣ်စရ့လးအပှၤဂီၢ်မုၢ်လၢ အတၢ်ဒဲးဘးတဖၣ်န့ၣ်လီၤ.

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 14:3

ပှၤတၢ်မၢဖိခံဂၤအံၤအိၣ်ဖဲန့ၣ်ဖးယံာ်လီၤ. အဝဲသ့ၣ်စံးကတိၤတၢ်ဒူဒူဘၣ်ဃးဒီးကစၢ်အဂ့ၢ်ဒီးအတၢ် ကစီၣ်ဘၣ်ဃးဒီးကစၢ်အဘျုးအဖှိၣ်အံၤမ့ၢ်တၢ်မ့ၢ်တၢ်တီအဂ့ၢ်န့ၣ်, ကစၢ်အုၣ်အသးခီဖျိအဟ့ၣ်တၢ်စိတၢ်ကမီၤလၢတၢ်မၤတၢ်လီၤလးဒီး တၢ်ပနီၣ်လီၤလးတဖၣ်န့ၣ်လီၤ.

မၤတၢ် 19:8

လၢသၢလါအတီၢ်ပူၤစီၤပီလူးလဲၤနုာ်ဆူဘူၣ်ဘျီၣ်လၢအမ့ၢ် တၢ်ဘါလီၢ်အပူၤဒီးကတိၤတၢ်ဒီးပှၤဂီၢ်မုၢ်တဖၣ်ဒူဒူလီၤ. အဝဲဒၣ်ကတိၤဂ့ၢ်လိာ်ဘှီလိာ်တၢ်ဒီးအဝဲသ့ၣ်, ဒီးဂုာ်ကျဲးစၢးဒုးနာ်အဝဲသ့ၣ်ဘၣ်ဃးကစၢ်ယွၤအဘီ အမုၢ်အဂ့ၢ်န့ၣ်လီၤ.

မၤတၢ် 26:26

စီၤပၤအကြံးပၤဧၢ, ယကတိၤတၢ်ဒီးနၤလၢတၢ်သူၣ်ဒူသးဒူ အပူၤသ့ဝဲလီၤ. အဂ့ၢ်ဒ်အံၤ, နသ့ၣ်ညါဘၣ်ဃးတၢ်ဂ့ၢ်သ့ၣ်တဖၣ် အံၤန့ၣ်လီၤ. ယနာ်သပှၢ်ကတၢၢ်လၢနပာ်သူၣ်ပာ်သးတ့ၢ်နဲလၢ တၢ်ဂ့ၢ်တဖၣ်အံၤကိးမံၤဒဲးလီၤ. အဂ့ၢ်ဒ်အံၤ, တၢ်ဂ့ၢ်လၢအမၤအသးအံၤတမၤအသးလၢတၢ်သနၢၣ်န့ၣ်ဘၣ်.

မၤတၢ် 28:31

အဝဲဒၣ်စံၣ်တဲၤတဲလီၤတၢ်ဘၣ်ဃးကစၢ်ယွၤအဘီအမုၢ်, ဒီးသိၣ်လီၤသီလီၤတၢ်ဘၣ်ဃးကစၢ်ယ့ၣ်ၡူးခရံာ်အဂ့ၢ်ဒီး ကတိၤတၢ်လၢတၢ်သူၣ်ဒူသးဒူအလၢအပှဲၤဒီးလၢတၢ်သဘျ့ နီၢ်နီၢ်အပူၤလီၤ. ပှၤလၢအကတြီအီၤတအိၣ်နီတဂၤဘၣ်.

မၤတၢ် 4:13

ပှၤလၢအအိၣ်လၢကီၣ်ကးအပူၤတဖၣ်တုၤအထံၣ်ဘၣ်စီၤပ့းတရူး ဒီးစီၤယိၤဟၣ်အတၢ်သူၣ်ဒူသးဒူဒီးသ့ၣ်ညါဝဲလၢပှၤခံ ဂၤအံၤမ့ၢ်ပှၤတမၤလိမၤဒိးဘၣ်တၢ်ဘၣ်, ဒီးမ့ၢ်ဒၣ်ပှၤမုၢ်ဆ့ၣ်မုၢ်ဂီၤဖိသတးဒီး, အဝဲသ့ၣ်ကမၢကမၣ်ဝဲဒၣ်လီၤ. အန့ၣ်ဒီးသ့ၣ်ညါဝဲလၢအဝဲသ့ၣ်မ့ၢ်တ့ၢ်ပှၤတဖၣ်လၢအရ့လိာ်ဘၣ် အသးတံၢ်တံၢ်ဒီးယ့ၣ်ၡူးန့ၣ်လီၤ.

မၤတၢ် 4:21

အန့ၣ်ဒီးကီၣ်ကးကတိၤဟ့ၣ်ပလီၢ်အဝဲသ့ၣ်ဆူၣ်န့ၢ်အလီၢ်တက့ၢ်ဝံၤဒီး ပျၢ်ထူၣ်ဖျဲးကွံာ်အဝဲသ့ၣ်လီၤ. လၢကစံၣ်ညီၣ်စီၤပ့းတရူးဒီးစီၤယိၤဟၣ်န့ၣ်သ့ၣ်ညါဝဲလၢတသ့ လ့ၤတက့ၤဘၣ်, အဂ့ၢ်မ့ၢ်လၢပှၤခဲလၢာ်စံးထီၣ်ပတြၢၤကစၢ်ယွၤ, လၢတၢ်လၢအမၤတ့ၢ်အသးအဃိန့ၣ်လီၤ.

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

မၤတၢ် 9:27

အန့ၣ်ဒီးစီၤဘၢ်နါဘၤနုာ်လီၤမၤစၢၤအီၤဒီးလဲၤကိးအီၤ ဆူပှၤတၢ်မၢဖိတဖၣ်အအိၣ်န့ၣ်လီၤ. အဝဲဒၣ်ကတိၤဒုးနၢ်ပၢၢ်အဝဲသ့ၣ်လၢစီၤစီလူးထံၣ်ဘၣ်တ့ၢ်လံ ကစၢ်ဖဲအလဲၤတၢ်ဆူဝ့ၢ်ဒၤမ့ၤစ့းအကတီၢ်, ဒီးလၢကစၢ်န့ၣ်ကတိၤတ့ၢ်လံတၢ်ဒီးအီၤအဂ့ၢ်တဖၣ်န့ၣ်လီၤ. အဝဲဒၣ်စံးဘၣ်စ့ၢ်ကီးအဝဲသ့ၣ်လၢစီၤစီလူးစံၣ်တဲၤတဲလီၤ တၢ်လၢယ့ၣ်ၡူးအမံၤအပူၤအိၣ်ဒီးတၢ်သူၣ်ဒူသးဒူလၢ ဝ့ၢ်ဒၤမ့ၤစ့းအပူၤအဂ့ၢ်န့ၣ်လီၤ.

မၤတၢ် 9:28

အန့ၣ်ဒီး, စီၤစီလူးအိၣ်သကိးတပူၤဃီဒီးအဝဲသ့ၣ်ဒီးဟးဝဲသကုၤဝ့ၢ် ယရူၤၡလ့ၣ်, စံၣ်တဲၤတဲလီၤတၢ်လၢကစၢ်အမံၤအိၣ်ဒီးတၢ်သူၣ် ဒူသးဒူန့ၣ်လီၤ.

1 ကရံၣ်သူး 14:13

လၢတၢ်န့ၣ်အဃိပှၤတဂၤလၢအကတိၤတၢ်လၢပျ့ၤလီၤဆီတဖၣ် န့ၣ်ကဘၣ်ဃ့ဘါထုကဖၣ်တၢ်ဒ်သိးအကဒိးန့ၢ်ဘၣ်တၢ်ဟ့ၣ်လၢ အတဲဖျါထီၣ်အတၢ်ကတိၤအခီပညီန့ၣ်လီၤ.

၂ ကရံၣ်သူး 3:12

မ့ၢ်လၢပအိၣ်ဒီးတၢ်မုၢ်လၢ်တမံၤအံၤအဃိ, ပသူၣ်ဒူသးဒူပဝဲ ဒိၣ်မးလီၤ.

ဖံလံးပံၤ 1:14

ဒီးယတၢ်ဘၣ်အိၣ်လၢဃိာ်ပူၤအံၤဟ့ၣ်အါထီၣ်ယဒီပုၢ်ဝဲၢ် တဖၣ်အတၢ်နာ်လၢကစၢ်အပူၤသတးဒီး, အဝဲသ့ၣ်အသးဒူဒိၣ်ထီၣ်ကိးဆၢကိးကတီၢ်ဒဲးလၢအကစံၣ် တဲၤတဲလီၤယွၤအတၢ်ကစီၣ်လၢတၢ်သးဒူအပူၤန့ၣ်လီၤ.

၁ သ့းစၤလနံ 2:2

သုသ့ၣ်ညါလၢတချုးပဟဲဒံးဘၣ်ဆူသုအိၣ်န့ၣ်ပဘၣ်တၢ်မၤနးမၤ ဖှီၣ်ဒီးကတိၤတရီတပါပှၤဖဲဝ့ၢ်ဖံလံးပံၤဒ်လဲၣ်န့ၣ်လီၤ. ဒီးတၢ်ထီဒါအိၣ်ဝဲအဒိၣ်အမုၢ်သနာ်က့, ပကစၢ်ယွၤဟ့ၣ်ပှၤတၢ်သးဒူဒ်သိးပကတဲဘၣ်သုတၢ်ကစီၣ် အမုာ်လၢအဟဲလၢအဝဲဒၣ်အအိၣ်န့ၣ်လီၤ.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.