မၤတၢ် 4:19 - Sgaw Karen Common Bible

¹⁹ ဘၣ်ဆၣ်ဒီးစီၤပ့းတရူးဒီးစီၤယိၤဟၣ်စံးဆၢက့ၤအဝဲသ့ၣ်, “လၢကစၢ်ယွၤအမဲာ်ညါန့ၣ်, တၢ်အဘၣ်မ့ၢ်တၢ်ဒ်လဲၣ်န့ၣ်စံၣ်ညီၣ်ဒၣ်သုဝဲတက့ၢ်. မ့ၢ်တၢ်ဒိကနၣ်သုကလုၢ်ဧါ. မ့တမ့ၢ်ဘၣ်ဒီးတၢ်ဒိကနၣ်ကစၢ်ယွၤ အကလုၢ်လဲၣ်.

မၤတၢ် 4:19 Iomraidhean Croise

လံာ်စီၤပၤအခီၣ်ထံးတဘ့ၣ် 12:30

လၢတၢ်န့ၣ်အဃိပှၤဂီၢ်မုၢ်မၤဒဲးဘးတ့ၢ်တၢ်, ခီဖျိတၢ်လဲၤဘူၣ်ထီၣ်ဘါထီၣ်တၢ်လၢဝ့ၢ်ဘ့ၤသ့လးဒီးဝ့ၢ်ဒၣ် အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:19

လၢတၢ်န့ၣ်အဃိကီၢ်ယူဒၤအဝံတဂၤန့ၣ်, က့ၤဃုာ်သကိးဆူ ဟံၣ်ဒီးဝံသးပှၢ်န့ၣ်ဒီးအီၣ်ဃုာ်တၢ်ဒီးအီၤတဘျီန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:16

ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ် ဒဲးဘးအပူၤအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:11

ပဒိၣ်ပပှၢ်တဖၣ်ဒီးဝ့ၢ်ယံးစရ့လးအထံဖိကီၢ်ဖိလၢအဒိၣ်အထီ တဖၣ်မၤဝဲဒ်နီၢ်အံၤစ့ဘ့ၤလးမၤလိာ်ဝဲအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:14

ဘၣ်ဆၣ်စီၤမံၤကါယၤစံးဆၢဝဲ, “လၢယွၤလၢအမူဝဲတဂၤအမံၤ အပူၤန့ၣ်ယအၢၣ်လီၤလၢယကစံးတၢ်လၢအမၢယတဲန့ၣ်လီၤ.”

လံာ်စီၤပၤခံဘ့ၣ်တဘ့ၣ် 16:15

ဝံၤဒီးအဝဲဟ့ၣ်လီၤအကလုၢ်ဆူစီၤအူၤရံယၤစံးဝဲ, “သူယတၢ်လုၢ်လီၢ်ဖးဒိၣ်အံၤလၢဂီၤတၢ်လုၢ်မ့ၣ်အူတဖၣ်ဒီးဟါ တၢ်လုၢ်ဘုဧိၤဟုဧိၤတဖၣ်အဂီၢ်, လၢစီၤပၤဒီးပှၤဂီၢ်မုၢ်အတၢ်လုၢ်ဘုဧိၤဟုဧိၤတဖၣ်အဂီၢ်, ဒီးလၢပှၤဂီၢ်မုၢ်အတၢ်လုၢ်စပံးထံအဂီၢ်န့ၣ်တက့ၢ်. လူလီၤကယဲၢ်ဆၣ်ဖိကီၢ်ဖိခဲလၢာ်လၢအဘၣ်တၢ်လုၢ်ထီၣ်အီၤအံၤ အသွံၣ်လၢအဖီခိၣ်တက့ၢ်. ဘၣ်ဆၣ်ပာ်ဃာ်တၢ်လုၢ်လီၢ်တိၢ်ဘီဒ်သိးန့ၣ်လၢယဂီၢ်ဒ်သိးယကသူ အီၤလၢတၢ်သံကွၢ်တၢ်အဂီၢ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 16:16

စီၤအူၤရံယၤမၤတၢ်ဒ်စီၤပၤမၤလိာ်အီၤအသိးန့ၣ်လီၤ.

စံးထီၣ်ပတြၢၤ 58:1

မ့ၢ်သုဝဲပှၤပၢတၢ်တဖၣ်ကတိၤတၢ် မ့ၢ်တၢ်တီနီၢ်နီၢ်ကစီဒီဧါ. မ့ၢ်သုစံၣ်ညီၣ်ပှၤကိးဂၤဒဲး တီတီလိၤလိၤကစီစီဧါ.

လံာ်တၢ်ဟးထီၣ်ကွံာ် 1:17

ဘၣ်ဆၣ်ဒီးပိာ်မုၣ်လၢအကွၢ်ပဟုးတဖၣ်န့ၣ်မ့ၢ်ပှၤလၢအပျံၤကစၢ်ယွၤ ဒီးတမၤဝဲဒ်အဲၤကူပတူးအစီၤပၤမၤလိာ်ဝဲအသိးန့ၣ်ဘၣ်. မ့မ့ၢ်ပျဲဖိသၣ်ပိာ်ခွါတဖၣ်မူဝဲဒၣ်န့ၣ်လီၤ.

လံာ်ယံးရမံယၤ 26:12

အန့ၣ်ဒီးယစံး, “ကယဲၢ်တၢ်ခဲလၢာ်လၢ သုနၢ်ဟူတ့ၢ်ယစံးကတိၤ ထီဒါတၢ်လုၢ်ဟံၣ်အံၤဒီး ထီဒါဝ့ၢ်အံၤန့ၣ်, မ့ၢ်တၢ်လၢယွၤမၢ ယတဲဖျါအီၤန့ၣ်လီၤ.

လံာ်ဒၤနံးယ့လး 3:18

မ့တမ့ၢ်ဘၣ်ဒ်န့ၣ်အသိးဒၣ်လဲာ်, သ့ၣ်ညါနဲဒၣ်စီၤပၤဧၢ, ပတမၤဘၣ်နကစၢ်တဖၣ်အတၢ်မၤဘၣ်ဒီးတဘူၣ်ထီၣ်ဘါထီၣ် ဘၣ်တၢ်ဂီၤထူလၢနတ့ထီၣ်ဆီလီၤအီၤန့ၣ်ဘၣ်.”

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်ဟိၤၡ့ 5:11

ကီၢ်အံၣ်စရ့လးတူၢ်ဘၣ်တၢ်မၤနးမၤဖှီၣ်, အဝဲအထံအကီၢ်လၢအမ့ၢ်အတၢ်နီၢ်နီၢ်လီၤမၢ်ကွံာ်ဝဲ, မ့ၢ်လၢအဝဲလဲၤဃု တၢ်မၤစၢၤသပှၢ်ပှၢ်လၢပှၤလၢအဟ့ၣ်အီၤတသ့ဘၣ်အအိၣ်အဃိန့ၣ်လီၤ.

လံာ်ဧၤမိၣ် 7:16

ဒီးခဲကနံၣ်အံၤကနၣ်ယွၤအကလုၢ်တက့ၢ်. နတဲယၤလၢယကဘၣ်ဆိကတီၢ်တၢ်ကတိၤလၢဝံအကျိာ်ထီဒါ အံၣ်စရ့လး, ဒီးဆိကတီၢ်တၢ်စံၣ်တဲၤတဲလီၤထီဒါစီၤအံၤစဲး အပှၤဟံၣ်ဖိလီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်မးသဲ 22:21

အဝဲသ့ၣ်စံးဆၢဝဲ, “မ့ၢ်ရိမ့ၤအစီၤပၤဖးဒိၣ်အခိၣ်အဂီၤဒီးအမံၤလီၤ.” တုၤနုၤတစု, ယ့ၣ်ၡူးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, တၢ်လၢအဘၣ်ဃးဒီးရိမ့ၤအစီၤပၤဖးဒိၣ်န့ၣ်, ဟ့ၣ်ရိမ့ၤအစီၤပၤဖးဒိၣ်, ဒီးတၢ်လၢအဘၣ်ဃးဒီးကစၢ်ယွၤန့ၣ်, ဟ့ၣ်ကစၢ်ယွၤတက့ၢ်.”

လံာ်လူၤကၣ် 22:8

ယ့ၣ်ၡူးမၢလီၤစီၤပ့းတရူးဒီးစီၤယိၤဟၣ်ဒီးမၤလိာ်အဝဲသ့ၣ်ဒ်အံၤ, “လဲၤဒီးကတဲာ်ကတီၤပာ်ပဘူၣ်လဲၤကပာ်အတၢ်အီၣ်လၢ ပကအီၣ်အီၤအဂီၢ်န့ၣ်တက့ၢ်.”

လံာ်ယိၤဟၣ် 7:24

တဘၣ်စံၣ်ညီၣ်ပှၤဒ်တၢ်အိၣ်ဖျါအသိးလၢၤတဂ့ၤ. မ့မ့ၢ်စံၣ်ညီၣ်တၢ်ဒ်တၢ်မ့ၢ်တၢ်တီအိၣ်ဝဲအသိးန့ၣ် တက့ၢ်.”

မၤတၢ် 4:13

ပှၤလၢအအိၣ်လၢကီၣ်ကးအပူၤတဖၣ်တုၤအထံၣ်ဘၣ်စီၤပ့းတရူး ဒီးစီၤယိၤဟၣ်အတၢ်သူၣ်ဒူသးဒူဒီးသ့ၣ်ညါဝဲလၢပှၤခံ ဂၤအံၤမ့ၢ်ပှၤတမၤလိမၤဒိးဘၣ်တၢ်ဘၣ်, ဒီးမ့ၢ်ဒၣ်ပှၤမုၢ်ဆ့ၣ်မုၢ်ဂီၤဖိသတးဒီး, အဝဲသ့ၣ်ကမၢကမၣ်ဝဲဒၣ်လီၤ. အန့ၣ်ဒီးသ့ၣ်ညါဝဲလၢအဝဲသ့ၣ်မ့ၢ်တ့ၢ်ပှၤတဖၣ်လၢအရ့လိာ်ဘၣ် အသးတံၢ်တံၢ်ဒီးယ့ၣ်ၡူးန့ၣ်လီၤ.

မၤတၢ် 5:28

“ပမၤလိာ်သုသပှၢ်ပှၢ်လၢသုတဘၣ်သိၣ်လီၤသီလီၤတၢ်လၢပှၤ တဂၤအံၤအမံၤတဂ့ၤန့ၣ်လီၤ. ဘၣ်ဆၣ်ဒီး, ခဲအံၤသုမၤတ့ၢ်တၢ်မနုၤလဲၣ်. သုတၢ်သိၣ်လီၤသီလီၤန့ၣ်သုရၤလီၤအီၤပှဲၤလၢဝ့ၢ်ယရူၤၡလ့ၣ်အပူၤ ဒီးသုအဲၣ်ဒိးပာ်အဝဲဒၣ်အသွံၣ်လၢပလိၤန့ၣ်လီၤ.”

မၤတၢ် 5:29

စီၤပ့းတရူးဒီးပှၤတၢ်မၢဖိအဂၤတဖၣ်စံးဆၢဝဲ, “ပဘၣ်စူၢ်ကစၢ်ယွၤအါန့ၢ်ပစူၢ်ပှၤကညီတက့ၢ်လီၤ.

1 ကရံၣ်သူး 10:15

ယကတိၤတၢ်ဒီးသုဒ်သုမ့ၢ်ပှၤလၢအသူၣ်ဆးသးဆးတဖၣ် လီၤ. တၢ်လၢယစံးယဲန့ၣ်ကွၢ်ဆိကမိၣ်လၢအဂ့ၢ်ဒီးစံၣ်ညီၣ် ကွၢ်သုဝဲတက့ၢ်.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

အ့းဖ့းစူး 6:1

ဖိသ့ၣ်ဧၢ, စူၢ်သုမိၢ်သုပၢ်လၢကစၢ်အပူၤတက့ၢ်. အဂ့ၢ်ဒ်အံၤတၢ်အံၤမ့ၢ်တၢ်အဂ့ၤအဘၣ်လၢသုကဘၣ်မၤအီၤန့ၣ်လီၤ.

၁ တံၤမသ့း 2:3

တၢ်အံၤမ့ၢ်တၢ်အဂ့ၤဒီးမၤသးခုကစၢ်ယွၤပတၢ်အုၣ်က့ၤ ခီၣ်က့ၤကစၢ်,

ဧ့ၤဘြံၤ 11:23

လၢတၢ်စူၢ်တၢ်နာ်န့ၣ်, စီၤမိၤၡ့အိၣ်ဖျဲၣ်ထီၣ်ဝံၤအလီၢ်ခံအမိၢ် အပၢ်တဖၣ်ပာ်ခူသူၣ်အီၤသၢလါလီၤ. အဂ့ၢ်မ့ၢ်လၢ အထံၣ်ဝဲလၢဖိသၣ်အံၤအက့ၢ်အဂီၤဂ့ၤဒီးဃံလၤဝဲသတး ဒီးအဝဲသ့ၣ်တပျံၤဘၣ်စီၤပၤအတၢ်မၤလိာ်ဘၣ်.

ယၤကိာ် 2:4

အန့ၣ်ဒီးသုအိၣ်ဒီးတၢ်ကမၣ်လၢသုကွၢ်မဲာ်လိာ်သုသးကဒဲ ကဒဲဒီးလၢသုစံၣ်ညီၣ်တၢ်န့ၣ်, သန့ၤထီၣ်အသးလၢတၢ်ပာ်သူၣ်ပာ်သးအအၢအသီတဖၣ် အဖီခိၣ်န့ၣ်လီၤ.