မၤတၢ် 4:17 - Sgaw Karen Common Bible

¹⁷ ဘၣ်ဆၣ်ဒီးဒ်သိးတၢ်ဂ့ၢ်တမံၤအံၤအသုတဟူထီၣ်သါလီၤအါထီၣ် ဆူညါလၢၤတဂ့ၤအဂီၢ်န့ၣ်, မ်ပကဟ့ၣ်ပလီၢ်အဝဲသ့ၣ်လၢအသုတကတိၤလၢၤတၢ်လၢယ့ၣ်ၡူး အမံၤလၢပှၤနီတဂၤတဂ့ၤန့ၣ်တက့ၢ်.”

မၤတၢ် 4:17 Iomraidhean Croise

လံာ်ယံးရမံယၤ 38:4

အန့ၣ်ဒီး, ပဒိၣ်ပပှၢ်တဖၣ် လဲၤဆူစီၤပၤအအိၣ်ဒီး စံးဝဲ, “ပှၤတဂၤအံၤ ကြၢးဘၣ်တၢ်မၤသံအီၤလီၤ. မ့ၢ်လၢအဝဲဒၣ် ကတိၤတၢ်ဒ်သိးအံၤအဃိန့ၣ်, အဝဲမၤလီၤမၢ်ကွံာ် ပှၤသုးဖိလၢအအိၣ်လၢ ဝ့ၢ်ပူၤတဖၣ် အတၢ်သးဒူန့ၣ်လီၤ. ဒီးအဝဲမၤတၢ်တမံၤအံၤဆူ ပှၤအဂၤခဲလၢာ်လၢ အအိၣ်လီၤ တဲာ်လၢ ဝ့ၢ်အံၤအပူၤန့ၣ်လီၤ. အဝဲတကျဲးစၢးမၤစၢၤပှၤဂီၢ်မုၢ် ဘၣ်. အဝဲအဲၣ်ဒိးမၤဘၣ်ဒိဘၣ်ထံး ထဲအဝဲသ့ၣ်တခီန့ၣ်လီၤ.”

လံာ်ဧၤမိၣ် 2:12

ဘၣ်ဆၣ်ဒီးသုမၤတ့ၢ်တုၤပှၤနစၤရံဖိတဖၣ် အီစပံးထံဒီးသုမၤလိာ်တ့ၢ်ဝံတဖၣ်လၢအသုတကတိၤယတၢ် ကစီၣ်တဂ့ၤလီၤ.

လံာ်မးသဲ 27:64

လၢတၢ်န့ၣ်အဃိ, ဝံသးစူၤဟ့ၣ်လီၤနကလုၢ်ဒ်သိးဒီးတၢ်ကခိးဒီးပၢၤဃာ် အသွၣ်ခိၣ်အပူၤဂ့ၤဂ့ၤဘၣ်ဘၣ်တုၤလီၤသၢသီတသီ, ဒ်သိးအပျဲၢ်အဘီၣ်တဖၣ်လဲၤဒီးဟုၣ်န့ၢ်အစိၣ် ဒီးစံးဘၣ်တဲဘၣ်ပှၤဂီၢ်မုၢ်လၢအဝဲဂဲၤဆၢထၢၣ်က့ၤလၢတၢ်သံ လံန့ၣ်, အသုတသ့တဂ့ၤအဂီၢ်န့ၣ်တက့ၢ်. တၢ်ကတိၤလီတၢ်အကတၢၢ်တမံၤအံၤကအၢဒိၣ်န့ၢ်ဒံးတၢ် ကတိၤလီတၢ်လၢအခီၣ်ထံးကတၢၢ်တမံၤတက့ၢ်လီၤ.”

လံာ်မးသဲ 9:30

ဒီးအဝဲသ့ၣ်ထံၣ်ထီၣ်က့ၤတၢ်လီၤ. ယ့ၣ်ၡူးတြီအဝဲသ့ၣ်ဆူၣ်ဆူၣ် ကလဲာ်ဒီးစံး, “တဘၣ်စံးဘၣ်တဲဘၣ်ပှၤလၢတၢ်ဂ့ၢ်အဝဲအံၤနီတဂၤတဂ့ၤ.”

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

မၤတၢ် 4:21

အန့ၣ်ဒီးကီၣ်ကးကတိၤဟ့ၣ်ပလီၢ်အဝဲသ့ၣ်ဆူၣ်န့ၢ်အလီၢ်တက့ၢ်ဝံၤဒီး ပျၢ်ထူၣ်ဖျဲးကွံာ်အဝဲသ့ၣ်လီၤ. လၢကစံၣ်ညီၣ်စီၤပ့းတရူးဒီးစီၤယိၤဟၣ်န့ၣ်သ့ၣ်ညါဝဲလၢတသ့ လ့ၤတက့ၤဘၣ်, အဂ့ၢ်မ့ၢ်လၢပှၤခဲလၢာ်စံးထီၣ်ပတြၢၤကစၢ်ယွၤ, လၢတၢ်လၢအမၤတ့ၢ်အသးအဃိန့ၣ်လီၤ.

မၤတၢ် 5:24

တုၤတၢ်လုၢ်ဟံၣ်အပှၤပၢၤတၢ်ဖိအခိၣ်တဂၤဒီးပှၤလုၢ်တၢ်အခိၣ် အဒိၣ်တဖၣ်နၢ်ဟူဘၣ်တၢ်ကစီၣ်အံၤဒီး, တၢ်မၤအသးဒီးတၢ်မၢဖိတဖၣ်ဒ်လဲၣ်ဒ်လဲၣ်န့ၣ်, ဆိကမိၣ်က့ၤဝဲလၢအဂ့ၢ်တသ့လၢၤဘၣ်လီၤ.

မၤတၢ် 5:28

“ပမၤလိာ်သုသပှၢ်ပှၢ်လၢသုတဘၣ်သိၣ်လီၤသီလီၤတၢ်လၢပှၤ တဂၤအံၤအမံၤတဂ့ၤန့ၣ်လီၤ. ဘၣ်ဆၣ်ဒီး, ခဲအံၤသုမၤတ့ၢ်တၢ်မနုၤလဲၣ်. သုတၢ်သိၣ်လီၤသီလီၤန့ၣ်သုရၤလီၤအီၤပှဲၤလၢဝ့ၢ်ယရူၤၡလ့ၣ်အပူၤ ဒီးသုအဲၣ်ဒိးပာ်အဝဲဒၣ်အသွံၣ်လၢပလိၤန့ၣ်လီၤ.”

အ့းဖ့းစူး 6:9

ကစၢ်သ့ၣ်ဧၢ, မၤသုကုၢ်သုပှၤဒ်န့ၣ်အသိး, ဒီးဆိကတီၢ်တၢ်ကတိၤပျံၤကတိၤဖုးအဝဲသ့ၣ်တက့ၢ်. သ့ၣ်ညါသုဝဲလၢအဝဲသ့ၣ်ဒီးသု, သုကစၢ်အိၣ်တဂၤဃီလၢမူခိၣ်ဒီးကစၢ်အံၤတကွၢ်မဲာ်ပှၤနီတဂၤ ဘၣ်န့ၣ်တက့ၢ်.

၁ သ့းစၤလနံ 1:8

အဂ့ၢ်ဒ်အံၤ, တမ့ၢ်ထဲလၢတၢ်ကစီၣ်လၢသုရၤလီၤအီၤဘၣ်ဃးဒီး ကစၢ်န့ၣ်လဲၤတုၤကီၢ်မၤက့းဒနံဒီးကီၢ်အဃါယၤဒီကီၢ်န့ၣ်ဘၣ်. မ့မ့ၢ်, တၢ်ကစီၣ်ဘၣ်ဃးဒီးသုတၢ်စူၢ်တၢ်နာ်ကစၢ်ယွၤန့ၣ်လဲၤတုၤ လၢတၢ်လီၢ်ကိးပူၤဒဲးလီၤ. လၢတၢ်န့ၣ်အဃိ, ပစံးတၢ်အလီၢ် တအိၣ်နီတမံၤဘၣ်.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.