မၤတၢ် 3:6 - Sgaw Karen Common Bible

⁶ ဘၣ်ဆၣ်စီၤပ့းတရူးစံးဘၣ်အီၤ, “ယကျိၣ်ယစ့တအိၣ်နီတဘ့ၣ် ဘၣ်. မ့မ့ၢ်ယဟ့ၣ်နၤတၢ်လၢအအိၣ်ဒီးယၤန့ၣ်လီၤ. လၢပှၤနစၤရ့းဖိယ့ၣ်ၡူးခရံာ်အမံၤန့ၣ်ယမၤလိာ်နၤ, ဂဲၤဆၢထၢၣ်ဒီးဟးတက့ၢ်.”

မၤတၢ် 3:6 Iomraidhean Croise

လံာ်မးသဲ 10:9

တဘၣ်စိာ်ထူမ့ၢ်ဂ့ၤ, စ့မ့ၢ်ဂ့ၤ, တိၢ်မ့ၢ်ဂ့ၤလၢယီၢ်တကိးအပူၤ တဂ့ၤ.

လံာ်မးသဲ 7:22

ဖဲယွၤစံၣ်ညီၣ်တၢ်အမုၢ်တနံၤတုၤဝဲန့ၣ်ပှၤအါဂၤကစံးဘၣ်ယၤ, ‘ကစၢ်ဧၢ, ကစၢ်ဧၢ, လၢနမံၤန့ၣ်ပစံၣ်တဲၤတဲလီၤကစၢ်ယွၤအတၢ်ကစီၣ်, လၢနမံၤန့ၣ်ပဟီထီၣ်ကွံာ်တၢ်နါအါဒုဒီးမၤတၢ်လီၤလးအါမံၤလီၤ.’

လံာ်မၢ်ကူး 14:8

ပိာ်မုၣ်အံၤတၢ်လၢအမၤဝဲသ့န့ၣ်မၤတ့ၢ်ဝဲလံ. ဟဲဒီးဖှူဆိပာ်လံ ယလိၤဒ်အမ့ၢ်တၢ်ကတဲာ်ကတီၤယနီၢ်ခိလၢတၢ်ခူၣ်လီၤအီၤ အဂီၢ်န့ၣ်လီၤ.

လံာ်မၢ်ကူး 16:17

ပှၤလၢအနာ်တၢ်တဖၣ်ကဘၣ်တၢ်ဟ့ၣ်လီၤအီၤလၢတၢ်စိတၢ်ကမီၤလၢကမၤ တၢ်လီၤလးတဖၣ်အဂီၢ်လီၤ. အဝဲသ့ၣ်ကဟီထီၣ်ကွံာ်တၢ်နါလၢယမံၤ ဒီးကကတိၤတၢ်လၢကျိာ်လီၤဆီတဖၣ်လီၤ.

လံာ်ယိၤဟၣ် 19:19

စီၤပံၤလးကွဲးလံာ်ဘိးဘၣ်သ့ၣ်ညါလၢအစံးဝဲ, “ပှၤနစၤရ့းဖိ ယ့ၣ်ၡူး, ပှၤယူဒၤဖိတဖၣ်အစီၤပၤ,” ဒီးမၢပှၤပာ်ထီၣ်အီၤလၢထူၣ်စုညါအလိၤန့ၣ်လီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 16:18

ဒီးမၤဝဲဒ်အံၤအါနံၤအါသီ, တုၤစီၤပီလူးအသးဒိၣ်ထီၣ်ဒီးဃၣ်တရံးအသးဒီးစံးဘၣ်တၢ်နါန့ၣ်, “လၢယ့ၣ်ၡူးခရံာ်အမံၤအပူၤန့ၣ်, ယဟ့ၣ်လီၤယကလုၢ်လၢနကဟးထီၣ်ကွံာ်လၢပိာ်မုၣ်အံၤ အပူၤလီၤ.” တဘျီဃီဖဲန့ၣ်တၢ်နါဟးထီၣ်ကွံာ်လၢအပူၤလီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

မၤတၢ် 2:36

အန့ၣ်သတးဒီး, သုဝဲပှၤအံၣ်စရ့လးဖိခဲလၢာ်သုကဘၣ်သ့ၣ်ညါ လီၤတံၢ်လၢယ့ၣ်ၡူးလၢသုပျၤထီအီၤလၢထူၣ်စုညါလိၤတဂၤအံၤ, မ့ၢ်ပှၤလၢကစၢ်ယွၤဒုးကဲထီၣ်အီၤလၢကစၢ်ဒီးခရံာ်န့ၣ်လီၤ.”

မၤတၢ် 3:16

ခီဖျိယ့ၣ်ၡူးအမံၤအစိကမီၤန့ၣ်, ပှၤလၢအခီၣ်ဟးဂီၤတဂၤအံၤအဂံၢ်အဘါဆူၣ်ထီၣ်ဝဲဒၣ်လီၤ. တၢ်လၢသုထံၣ်ဒီးသ့ၣ်ညါဘၣ်အံၤန့ၣ်, ဘၣ်တၢ်မၤအီၤခီဖျိလၢတၢ်စူၢ်တၢ်နာ်ယ့ၣ်ၡူးအမံၤအဃိန့ၣ် လီၤ. မ့ၢ်အစူၢ်အနာ်ယ့ၣ်ၡူးအဃိတၢ်ဒုးအိၣ်ဆူၣ်အိၣ်ချ့ထီၣ်က့ၤအီၤ, ဒ်သုထံၣ်ဘၣ်အသိးန့ၣ်လီၤ.

မၤတၢ် 3:5

သတးဒီးအဝဲဒၣ်ကွၢ်ထီၣ်စီၤပ့းတရူးဒီးစီၤယိၤဟၣ်, အိၣ်ဒီးတၢ်မုၢ်လၢ်လၢကဒိးန့ၢ်ဘၣ်တၢ်တမံၤမံၤလၢအဝဲသ့ၣ် အအိၣ်လီၤ.

မၤတၢ် 3:7

အန့ၣ်ဒီးစီၤပ့းတရူးဖီၣ်ထီၣ်အစုထွဲဒီးဝံၢ်ဆၢထၢၣ်အီၤ, ဒီးတဘျီဃီဖဲန့ၣ်အဝဲဒၣ်အခီၣ်လၣ်ဒီးအခီၣ်ဒ့တဖၣ်ဆှိၣ်ထီၣ်ဝဲဒၣ်လီၤ.

မၤတၢ် 4:10

သုဝဲခဲလၢာ်သုကြၢးသ့ၣ်ညါ, ဒီးပှၤအံၣ်စရ့လးဖိခဲလၢာ်ကြၢး သ့ၣ်ညါဝဲလၢ, ပှၤတဂၤအံၤအိၣ်ဆၢထၢၣ်ပှဲၤဂံၢ်ပှဲၤဘါလၢသုမဲာ်ညါဖဲအံၤ န့ၣ်ခီဖျိပှၤနစၤရ့းဖိယ့ၣ်ၡူးအမံၤအစိကမီၤအဃိန့ၣ်လီၤ. ယ့ၣ်ၡူးခရံာ်မ့ၢ်ပှၤလၢသုပျၤထီအီၤလၢထူၣ်စုညါအလိၤ, ဘၣ်ဆၣ်ဒီးယွၤဒုးဂဲၤဆၢထၢၣ်က့ၤအီၤလၢတၢ်သံန့ၣ်လီၤ.

မၤတၢ် 4:7

အဝဲသ့ၣ်မၢတၢ်မၢဖိတဖၣ်န့ၣ်ဆၢထၢၣ်လၢအဝဲသ့ၣ်အမဲာ်ညါ ဝံၤသံကွၢ်ဝဲ, “သုမၤတၢ်အံၤခီဖျိတၢ်စိတၢ်ကမီၤမနုၤမ့တမ့ၢ်ခီဖျိ မတၤတဂၤအမံၤလဲၣ်.”

မၤတၢ် 9:34

စီၤပ့းတရူးစံးဘၣ်အီၤ, “စီၤအဲၤန့းဧၢ, ယ့ၣ်ၡူးခရံာ်မၤဘျါက့ၤနၤလီၤ. ဂဲၤဆၢထၢၣ်ဒီးထူထီၣ်က့ၤနလီၢ်မံတက့ၢ်.” ဒီးတဘျီဃီအဝဲဒၣ် ဂဲၤဆၢထၢၣ်ဝဲဒၣ်လီၤ.

1 ကရံၣ်သူး 4:11

တုၤဃီၤခဲကနံၣ်အံၤ, ပသၣ်ဝံၤလီၤဒိဒီးတၢ်သူပသးလၢထံလီၤ. ပကူပသိးတၢ်ယာ်ဘုၣ်ယာ်ဖျ့, တၢ်တီၢ်ပှၤဝ့ၤပှၤ, ပဟးဝ့ၤဝီၤဆူအံၤဆူဘး

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 4:10

ပှၤတဂၤဒီးတဂၤ, ဒ်ကစၢ်ယွၤအပှၤပၢၤတၢ်လၢအဂ့ၤလၢအပၢၤ ကစၢ်ယွၤအတၢ်ဟ့ၣ်လၢအလီၤဆီတဖၣ်အသိး, ကဘၣ်သူ အတၢ်ဟ့ၣ်လီၤဆီလၢအဒိးန့ၢ်ဝဲလၢကစၢ်ယွၤအအိၣ် လၢပှၤဂၤတဖၣ်အတၢ်ဂ့ၤအဂီၢ်န့ၣ်လီၤ.