မၤတၢ် 3:23 - Sgaw Karen Common Bible

²³ ပှၤတဂၤလၢ်လၢ်လၢအတစူၢ်ဝံအဝဲန့ၣ်အကလုၢ်ဘၣ်န့ၣ်, ကဘၣ်တၢ်ထုးဖးကွံာ်အီၤဒီးယွၤအပှၤဂီၢ်မုၢ်ဒီးကဘၣ်တၢ်မၤဟး ဂီၤကွံာ်အီၤလီၤ.’

မၤတၢ် 3:23 Iomraidhean Croise

လံာ်တၢ်ဘူၣ်ထီၣ်ဘါထီၣ် 23:29

ကယဲၢ်ပှၤတဂၤလၢ်လၢ်လၢအအီၣ်တၢ်တမံၤလၢ်လၢ်လၢမုၢ်နံၤအဝဲန့ၣ် န့ၣ်, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢကစၢ်ယွၤအပှၤဂီၢ်မုၢ် အကျါလၢၤဘၣ်န့ၣ်လီၤ.

လံာ်မၢ်ကူး 16:16

ပှၤတဂၤလၢ်လၢ်လၢအနာ်တၢ်သးခုအကစီၣ်အံၤဒီးဒိးဘျၢ အသးလၢထံန့ၣ်, ကဘၣ်တၢ်အုၣ်က့ၤခီၣ်က့ၤအီၤ, မ့မ့ၢ်ပှၤတဂၤလၢ်လၢ်လၢအတနာ်ဝဲဘၣ်န့ၣ် ကဘၣ်တၢ်စံၣ်ညီၣ်ဃၣ်အီၤလီၤ.

လံာ်ယိၤဟၣ် 12:48

ပှၤတဂၤလၢ်လၢ်လၢအညိကွံာ်ယၤဒီးတတူၢ်လိာ်ယတၢ် ကစီၣ်ဘၣ်န့ၣ်, တၢ်လၢအကစံၣ်ညီၣ်အီၤအိၣ်ဝဲန့ၣ်လီၤ. တၢ်ကတိၤလၢယကတိၤတ့ၢ်လံတဖၣ်ကကဲထီၣ်တၢ်လၢ အကစံၣ်ညီၣ်အီၤလၢမုၢ်နံၤခံကတၢၢ်န့ၣ်လီၤ.

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

လံာ်သိၣ်လီၤသီလီၤတၢ် 18:19

အဝဲကကတိၤတၢ်လၢယမံၤအပူၤ, ဒီးယကစံၣ်ညီၣ်ပှၤတဂၤလၢ်လၢ်လၢ အဂ့ၢ်လိာ်လၢကစူၢ်အီၤန့ၣ်လီၤ.

ဧ့ၤဘြံၤ 10:39

ပဝဲဒၣ်အံၤပတမ့ၢ်ပှၤလၢအဂုၤက့ၤအလီၢ်ခံဒီးဘၣ်တုၤဆူ တၢ်ဟးဂီၤအပူၤန့ၣ်ဘၣ်, မ့မ့ၢ်ပအိၣ်ဒီးတၢ်စူၢ်တၢ်နာ်ဒီးပဘၣ်တၢ်မၤပူၤဖျဲးကွံာ်ပှၤန့ၣ်လီၤ.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.